مدراس المرور

[gade2]

السلام عليكم
عاوز اطلع رخصه واتعلم السواقه فواحد صاحبى هيطلعهالى بس لازم اتعلم فى مدرسه مرور علشان اروح اطلعها من عنده
فانتم ايه رايكم فى مدارس المرور وهل هاتعلم فيها السواقه بجد ولا التدريب على الامتحان مع العلم ان انا هاطلعها حتى لو مشفتش عربيه قبل كده
لو حد راح مدارس المرور يقولى
شكرا

[eng_mkhalaf]

أنا من رأى أنها مفيدة أنا رحتها مرة بس من زمان حوالى 12 سنة وأستفادت منها قوى بالذات ميكانيكا السيارات

[masoud]

لو بتعرف تسوق حتي لو سواقتك مش اوي مش هتستفاد منها انما لو مبتعرفش تسوق خالص روحها

[eng_mkhalaf]

لو بتعرف تسوق حتي لو سواقتك مش اوي مش هتستفاد منها انما لو مبتعرفش تسوق خالص روحها

انا مش معاك لأنة على الأقل هيستفاد من الدروس النظرى بتاعتها

[mohamed_rhem]

السلام عليكم ورحمه الله
مدارس المرور زيها زي حجات كتير في مصر كلها بقت تجاريه
يعني انت زبون باللغه العاميه يعني حياخدوا منك فلوس علي قد ما تقدر تدفع
في البدايه كورسات نظري وبعد كده العملي
السواقه العمليه طبعا مش انت اللي بتسوق الحصه كلها
يدوب تتعلم اذاي تمسك الدركسيون وتدوس علي الدواسات
ومن الاخر حتتعلم تحرك العربيه بس
بعدين يقولو لحضرتك انت عايز كورس متقدم
وبعدين كورس للزحام
وعيش حياتك بقه
ولو عايز مندوب من عندنا يروح معاك يطلعلك روخصه وتمتحن علي عربيتنا
وحاسب علي الفاتوره يا معلم

[gade2]

متشكر يا مخلوف بس ممكن يكون النظام اتغير من 12سنه

[gade2]

متشكر يا مخلوف بس ممكن يكون النظام اتغير من 12سنه
رحيم بصراحه قلقتنى

[eng_mkhalaf]

طب متروح وتعاين على الطبيعة مش هتخسر حاجة وكمان انا أسمى محمد خلف مش مخلوف :-)

[ibrahimsaad]

انا اتعلمت من كام شهر فقط فى مدرسه المرور وكانت اول مره لى وبصراحه عرفت حاجات نظرى كويسه جدا واتعلمت عملى داخل المرور واعتقد ان ده كافى ويمكنك الاتقان مع نفسك او مع احد اصدقائك او اقاربك

[seka]

مدارس مبتعلمش كويس خالص بس هطلع الرخصة بسهولة جدا جدا

[aymanemo]

realy

mmm sound looks good :)