السلام عليكم ورحمة الله وبركاته
العذاب اسمه المرور
الحمد لله ربنا كرمنى بسيارة .. وذهبت الى احدى ادارات المرور فى الاقاليم
كل المطلوب مطابقة بصمة وتسليم النمر القديمة وشهادة بيانات
الوقت المطلوب او المتوقع المفروض لا يزيد عن نصف ساعة
الوقت: الساعة 8 صباحا بالتمام والكمال امام الشباك
انتهاء المهة: الساعة 2.5 تقريبا
يعنى من الساعة 8 صباحا حتى الساعة 2.5 عشان اسلم نمرتين واجيب شهادة بيانات ورقة لو عيل فى ابتدائى كتبها موش هاياخد بالكثيير 5 دقائق ده لو ضعيف فى الإملاء هههههههههههههههههههههه

والسبب الصورة دى توضع حجم التعامل على شباك واحد يتيم حوالى الساعة 2 بعد الظهر
يعنى موش صباحا ولا حاجة بعنى بعد ما كل اغلب الناس خلصت مصالحها
الموظف المختص: شغال جامد جدا بإيده وأسنانه "بصراحة الله يكون فى عونه"
من الساعة الثامنة صباحا حتى الثالثة واقف على رجليه وعمره ما جلس على كرسى شغال مية مية
مافيش وقت تقول له صباح الخير
هو الوحيد اللى شغال على شباك الملاكى
بالكاد ممكن حد يروح يجيب له ملفات
كل الضغط عليه
فى نفس الوقت اكثر من شباك لخدمات العربيات الاخرى فى نفس المكان
اجرة
نقل
رحلات
خزنة
... الخ
اغلب المتعاملين على الشباك "صحتهم ماشاء الله ولا حولا ولا قوة إلا بالله"
لازم تلعب رياضة او حديد عشان تقدر تستحمل
لو طلب منك الموظف اى حاجة "فلوس تسددها للخزينة او تصوير او اى شىء" ... يبقى مكتوب عليك ترجع تزاحم من اول وجديد عشان توصل له مرة تانية
لا يوجد اى نظام
والسجائر على كيف تخنق العفريت ... اعوذ بالله
كل العذاب ده على شباك حجمه لاز يزيد عن شاشة الكمبيوتر الـ 14 بوصة
فى المقابل
مرور مصر الجديدة
اربع او خمس شبابيك للملاكى فقط
صالة كاملة للملاكى فقط
وصالة اخرى للتراخيص والخزينة وخلافه
الاجراءات التى تمت:
بصمة
فحص فنى
شراء طفاية حريق
ودفع التامين
ودفع المطلوب للخزينة
وملى المستندات المطلوبة
واستلام الرخصة والنمر المطلوبة
الوقت المتسهلك: تقريبا لا يزيد عن نصف او ساعة الا ربع بالكثيير قوى
معاملة زى الفل
ادب
احترام
نظافة
كل شىء بيقول ان فيه هنا بنى آدميين "معلهش انا آسف انى اقول كده"
طبعا كلنا اولاد تسعة
ومافيش حد احسن من حد
وكلنا لحم ودم
لكن ايه هو الفرق
بين السلام ومصر الجديدة
بين كفر الشيخ والتجمع الخامس
بين الغلابة والنزهة الجديدة
على سبيل المثال
ليه موش كل ادارات المرور بنظافة ونظام
مرور مصر الجديدة
او النزهة او التجمع الخامس او مدينة نصر
طبعا لو فيه كمبيوتر دون الحاجة لاسترجاع الملف
كانت كل الخدمات المطلوبة تمت فى 5 دقائق فقط لا غير
تخيل انت شهادة بيانات فى خمس دقائق تاخد منك سفر وكمان اكثر من 6 ساعات من الخناق والزحام وترك عملك ومصالحك ومصالح الناس اللى انت اصلا تركتها عشان تروح ورا مصلحتك فى المرور
ورقة حقيرة تخرج من الكمبيوتر فى ثانية
اقضى معاها يوم كامل
ويوم ثانى فى المرور اللى انت تبعه
ده اذا خلصت المطلوب بشكل طبيعى
فى انتظار تواصلكم
ربنا يهدى الجميع

Comment