إعـــــــلان

Collapse

.

,
See more
See less

الرخصة الدولية لتاني مرة بالتفصيل

Collapse
X
 
  • Filter
  • الوقت
  • Show
Clear All
new posts

  • الرخصة الدولية لتاني مرة بالتفصيل

    السلام عليكم ورحمة الله وبركاته
    كنت طلعت الرخصة الدولية السنة اللي فاتت وهي مدتها سنة ولا تجدد.لازم تطلع غيرها كل سنة.
    المهم رخصتي الدولية كانت إنتهت من شهرين وإستغليت إني كنت فاضي من يومين ورحت طلعت واحدة جديدة وإليكم التفاصيل من جديد مع العلم إنها نفس الخطوات اللي ذكرتها في الموضوع ده:



    1-رحت الإدارة العامة للمرور اللي جنب رابعة العدوية الساعة 9 الصبح.طلعت الدور التاني إدارة البحث الجنائي وتسأل على مكتب الرخصة الدولية.مجرد إنك تديله رخصتك الخاصة والبطاقة وهيديك ورقة إسمها صحة بيانات مجانا وإنت واقف ويقولك تمضيها من المكتب اللي جمبه وبس.
    2-تطلع على مكتب نادي السيارات الموجود في نص شارع طلعت حرب مابين جروبي وميدان التحرير الدور التالت (لو سألت أي حد هيدلك بسهولة) هتلاقي مكتب إسمه الرخصة الدولية أول متقوله السلام عليكم هيقولك جبت ورقة صحة البانات:).
    3-المهم اديته ورقة صحة البيانات والرخصة الخاصة وصورة الرخصة وصورتين شخصيتين و50 جنيه مع إن الرسوم هي 43 جنيه فقط لكن هو مدانيش الباقي مقابل إنه سلمني الرخصة وأنا واقف بدل ما أرجع الساعة 1:30 أستلمها.

    نرجع تاني وأقول الملاحظات المهمة:

    -مواعيد العمل في نادي السيارات من الساعة 9 للساعة 1 لتقديم الطلبات.ومن 1 إلى 3 لإستلام الرخص.
    -ممكن أي حد يقدملك الورق ويستلم الرخصة في النادي بشرط يكون معاه أصل الأوراق كلها والجواز بتاعك.بس أعتقد إن ورقة صحة البيانات اللي من المرور لازم تكون إنت بشخصك أو توكيل منك(مش متأكد من المعلومة).
    -مفيش أي زحمة هناك خالص.وكمان فيه أماكن إنتظار لو معندكش حاجة تعملها في خلال وقت الإنتظار.
    -لو رحت بدري (على 9 أو 10) 90% هتاخد رخصتك بعد ساعة أو نص ساعة يعني مش هتستنى لحد الساعة 1.زي مقولتلكم أنا دفعت 50 جنيه ومخدتش الباقي مقابل إني إستلمتها وأنا واقف.
    -الرخصة الدولية غير مسموح إستخدامها في مصر نهائي ولا تغني عن الرخصة الخاصة.
    -النقطة ديه ناس كتير جدا إتكلمت فيها والأكيد بتاعها هو إن الرخصة الدولية تستخدم في البلاد المشتركة فيها لما يكون معاك تأشيرة زيارة أو سياحة فقط وتكون العربية مأجرة.لكن لو معاك إقامة أو العربية ملكك ممنوع إنك تستخدمها نهائي.

  • #2
    المشاركة الأصلية كتبت بواسطة elpasha009 مشاهدة المشاركة
    .
    -النقطة ديه ناس كتير جدا إتكلمت فيها والأكيد بتاعها هو إن الرخصة الدولية تستخدم في البلاد المشتركة فيها لما يكون معاك تأشيرة زيارة أو سياحة فقط وتكون العربية مأجرة.لكن لو معاك إقامة أو العربية ملكك ممنوع إنك تستخدمها نهائي.[/b][/size]
    النقطة دي نصها صح و نصها مش صح

    ممكن العربية تبقى ملكك ..... مش لازم متأجرة

    يعني لو حضرتك مسافر السعودية بري بسيارتك عبر الأردن هتسوق العربية بايه؟ بالرخصة الدولية ..... بس طبعا بشرط ان تاشيراتك كلها تبقى سياحة او زيارة مش اقامة و لا جنسية
    [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

    [URL="https://goo.gl/30fu9U"]Registered Migration Agent - MARN 1575106[/URL]
    [/COLOR][/CENTER][/SIZE]

    Comment


    • #3
      طيب فرضا حد رايح دراسة مش سياحة بس مده يعني 9 شهور تقريبا ينفع يستخدمها ؟و حاجة تانية مين الدول المشتركة في ارخصة الدولية نعرفها ازاي؟
      A.Hilmy

      Comment


      • #4
        أعتقد والله أعلم بما إن زيارتك طويلة فمينفعش تسوق بيها.ده رأي الشخصي.

        بالنسبة للدول المشتركة فيها هتلاقيها في الموضوع القديم اللي أنا حاطط لينك ليه.

        Comment


        • #5
          زمان كنا بنسافر بري من الكويت الى مصر مع والدي وماعملش الرخصة الدولية ,, وكانت اللجان السعودية توقفه كان بيطلع لهم دفتر التربتك ورخصة قيادة الكويت .

          Comment


          • #6
            المشاركة الأصلية كتبت بواسطة ahmedhilmy مشاهدة المشاركة
            طيب فرضا حد رايح دراسة مش سياحة بس مده يعني 9 شهور تقريبا ينفع يستخدمها ؟و حاجة تانية مين الدول المشتركة في ارخصة الدولية نعرفها ازاي؟
            طبيعة تأشيرة الدراسة هي اقامة يبقى ما ينفعش


            المشاركة الأصلية كتبت بواسطة elpasha009 مشاهدة المشاركة
            أعتقد والله أعلم بما إن زيارتك طويلة فمينفعش تسوق بيها.ده رأي الشخصي.

            بالنسبة للدول المشتركة فيها هتلاقيها في الموضوع القديم اللي أنا حاطط لينك ليه.
            هي حسب طبيعة التأشيرة مش مدتها ..... لو معاك فيزا سياحة 5 سنين مفيش مشكلة .... لو اقامة شهر مشكلة

            المشاركة الأصلية كتبت بواسطة د.محمود صلاح مشاهدة المشاركة
            زمان كنا بنسافر بري من الكويت الى مصر مع والدي وماعملش الرخصة الدولية ,, وكانت اللجان السعودية توقفه كان بيطلع لهم دفتر التربتك ورخصة قيادة الكويت .
            ده كان زمان ...... دلوقتي لو سقت من غيرها هي*&^%#$^وك :)
            [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

            [URL="https://goo.gl/30fu9U"]Registered Migration Agent - MARN 1575106[/URL]
            [/COLOR][/CENTER][/SIZE]

            Comment


            • #7
              ده موقع نادي السيارات:
              ATCE

              بيقول انه 10 ش قصر النيل مش طلعت حرب

              ياريت بس حد يحددلنا المكان بالظبط
              [B]قوم يا مصرى مصر دايما بتناديك...خد بنصرى نصرى دين واجب عليك
              يوم ما سعدى راح هدر قدام عينيك...عد لى مجدى اللى ضيعته بأيديك
              شوف جدودك فى قبورهم ليل نهار...من جمودك كل عضمة بتستجار
              [/B]

              Comment

              Working...
              X