بخصوص الكارته........؟

[dr_raveheart84]

يا جماعه انا شاري العربيه مستعمله ورخصتها قوات مسلحه
بيقولو انك بتعدي الكارته اللي علي بعض الطرق من غير رسوم
الكلام ده صحيح؟
وازاي اتعامل ساعتها ؟اطلع الرخصه؟ ولا لما هوه يطلبها؟

[A.Saad]

وليك ممر خاص
مش تدخل الممرات العادية

بس اعتقد ده لسيارات الجيش وطبعا بتتعمل للظباط والكوسة

[د.محمود صلاح]

الملاكي عربية عادية جداً بس تابعة لمرور وزارة الداخلية فرع القوات المسلحة وليس في ذلك ميزة

[جمال]

رخصة السيارة الصادرة من مرور وحدة القوات المسلحة , خاصة بان يكون صاحب السيارة ضابط فى القوات المسلحة , ولما حضرتك تيجى تجدد لازم تنقل للمرور التابع له لو حضرتك مش ضابط
وليس لهذه السيارات اى ميزة عن باقى السيارات

[eino666]

اولا علشان تعدى من الحارة الخاصة بالعسكريين لازم تطلع الكارنيه العسكرى اللى بيثبت انك ضابط او كارنيه محاربين قدامى
غير كده هيبقى المنظر بايخ لما العسكرى يرجعك للخلف
....................................
محمود عينو