مرور النزهة.... فييييييييييييييييييين؟

[D.Tarek]

[overline]
السلام عليكم ورحمة الله

لو سمحتم حد يساعدني
انا اشتريت عربيه والرخصة مكتوب عليها مرور النزهة ودلوقتي انا عايز ارخص
طبعا محتاج شهادة مخالفات وشهادة بيانات السؤال بقى
فين مرور النزهة ده؟
لان في ناس بتقوللى ده في مصر الجديدة في مساكن شيراتون
وفي ناس بتقول في النزهة الجديدة
انا عايز حد يقولي فين مرور النزهة وازاي اقدر اوصله بالمواصلات من 6 اكتوبر او من رمسيس

ولكم جزيل الشكر

[Medo007]

تقريبا عند الfbi

اللى هي بنزينة موبيل وانت رايح للمطار طريق الاتوستراد

[A.samy]

لو من 6 اكتوبر تركب ميكروباص يكون هيوصل لموقف العاشر بتاع مدينة السلام وتركب من موقف العاشر عربية جامع رابعة وتقول لسائق الميكروباص هتنزلك عند مرور النزهة عند بنزينة موبيل
على فكرة دة انظف مرور انا شفتة فى مصر

[A.samy]

لو عايز تروح من رمسيس تركب من رمسيس عربيات صلاح سالم - مدينة السلام وتخلية ينزلك اول مساكن الشيرتون وياما تتمشى بتاع 2 محطة او تركب تاكسى
طبعا متروحش بالطريقة دى فى وقت الزحمة .

[D.Tarek]

اجمل مرور في مصر

انا رحت امبارح ووصلت الحمد لله بعد مشوار ساعتين
المرور ده خرافي
مش ممكن يكون مرور في مصر
نظيف جدا والموظفين قمة في الادب والاحترام
سرعة في العمل ماشاء الله
المفروض ده يكون الطبيعي في اي مرور مش العذاب اللى بنشوفه
خلصت شهادة مخالفات في 10 دقائق بالضبط من اول ما وصلت لغاية ما طلعت بره المرور
انا تقريبا هاقر على كل الناس التابعة للمرور ده

نهاية انا باشكر كل اللى ساعدني وحاول يدلني على العنوان شكرا شكرا شكرا

[yoko]

انا رحت امبارح ووصلت الحمد لله بعد مشوار ساعتين
المرور ده خرافي
مش ممكن يكون مرور في مصر
نظيف جدا والموظفين قمة في الادب والاحترام
سرعة في العمل ماشاء الله
المفروض ده يكون الطبيعي في اي مرور مش العذاب اللى بنشوفه
خلصت شهادة مخالفات في 10 دقائق بالضبط من اول ما وصلت لغاية ما طلعت بره المرور
انا تقريبا هاقر على كل الناس التابعة للمرور ده

نهاية انا باشكر كل اللى ساعدني وحاول يدلني على العنوان شكرا شكرا شكرا

عشان حطري بلاش قر ده إحنا غلابه (أنا مرور النزهة) بس هو فعلا مرور محترم قوي وحتى قسم النزهة معقول
وأنا رخصت اللينيا في ٤٥ دقيقة من دخولي للمرور لحد ما علقت النمر (ومكنش معايا واسطة غير أمين شرطة متقاعد)

[a_elsadaany]

طيب ممكن تقولى العنوان فين بالظبط يعنى فى اى منطقة فى النزهة ؟؟ وانا كنت اشتريت عربيتى من سنة وعليها النمر الجديدة وهنقلها المحلة الكبرى ومعندناش النمر الجديدة " فلاحين بقى " :s فى مشاكل فى كدة ولا اية النظام

[أبو صلاح]

انا بحسدكم يا بتوع مرور النزهة

وخصوصا انت يا يوكو

[yoko]

طيب ممكن تقولى العنوان فين بالظبط يعنى فى اى منطقة فى النزهة ؟؟ وانا كنت اشتريت عربيتى من سنة وعليها النمر الجديدة وهنقلها المحلة الكبرى ومعندناش النمر الجديدة " فلاحين بقى " :s فى مشاكل فى كدة ولا اية النظام

لو جي من الدائري هتنزل طريق السويس إتجاه مدينه نصر وتفضل ماشي لحد ما تلاقي كوبري بيقطعك بالعرض بعد مستشفى الكهربى تخش يمين وتفضل ماشي لحد ما تلاقي بنزينة موبيل على شمالك تاخد أول يوترن وتخش الشارع الي قبل البنزينه هتلاقي المرور على يمينك

انا بحسدكم يا بتوع مرور النزهة

وخصوصا انت يا يوكو

ليه كده يا أبو صلاح ده الواحد مش لاقي حاجة عدله غير المرور والقسم

[SHERIF2009BHIT]

حمد للة على السلامة انك وصلت ورجاء بلاش تقر على المرور علشان دة اخر جاجة فاضلة كويسة ولسة ادامية والتعامل راقى وعلى فكرة دة مجهود رئيس المرور شخصية محترمة ومهذبة

[enayat]

طيب ياجماعه انا ليا سؤالين وياريت حد يساعدني
انا اشتريت عربية مرور النزهة بتوكيل ومفروض ارخص الشهر الجاي مرور المنصورة وطبعا قبل ماارخص لازم اطلع شهادة مخالفات وبيانات من مرور النزهةة الي مثبوت علي رخصة العربية وليا سؤالين
1- شهادة المخالفات الي صاحب العربية اعطهاني وقت الشراء كانت مرور مصر الجديدة مع ان الرخصة مرور النزهه فهل انا هاروح اطلع شهادة مخالفات من مرور مصر الجديدة ولا مرور النزهة علشان انقل رخصتي لمرور المنصورة؟ مع العلم العربية لوحات قديمة
2- لو المخالفات طلعت عالية فيه ناس قالت لي ماتدفعيش علي طول وقولي هادخل لوكيل النيابة علشان تتخفض ده حقيقي ولا مجرد كلام؟

[yoko]

١- مصر الجديدة لإن أنا الوح القديمة كانت النزهة والمخالفات في الدراسة!!!!
٢- فعلا الكلام ده

[enayat]

١- مصر الجديدة لإن أنا الوح القديمة كانت النزهة والمخالفات في الدراسة!!!!
٢- فعلا الكلام ده

شكرا لحضرتك

[loay]

فعلا انضف وحدة مرور فى الجمهورية هو مرور النزهة - دا حتى العقيد مدير الوحدة رجل محترم بجد وبيقف يساعد الناس بنفسه وبيصرفوا الشنطة والمثلث عند تجديد الرخصة

ومكانه فى مساكن شيراتون - ورا بنزينة موبيل ال على الاتوستراد جنب مدخل المطار الجديد من الاتوتستراد

[mohamedrefaay]

اللهم اخرجنا من مرور السلام
بسلام