طفاية الحريق .... وكل ما يخصها

[waelkaramany]

بالنسبة لطفاية الحريق كان ليا شوية اسئلة ...ارجو الافادة
ايه احسن نوع طفايات ؟ والسعر كام
الوزن المسموح كام كيلو؟
وحاجه مهمه بالنسبة ليا ..ايه انسب مكان فى العربية احط فيه الطفاية ..انا عربيتى لانوس؟

[3ateef]

ممكن تحطها تحت الكرسى....ودا اللى انا اعرف اجابته...استنى باقى الاعضاء لما يجاوبوا باقى الاسئلة...
:)

[migo9898]

فى بافاريا وتقريبا السعر 130 جنيه والله اعلم انا بشيلها فى شنطة العربية فى ناس بتحطها تحت الكرسى

[baaaeldinn]

أحسن نوع هو البافاريا وسعر العبوة الكيلو حوالي 120 جنية أما الــــ 2 كيلو سعرها 170 جنيه و أفضل مكان في العربية هو تحت الكرسي علشان بالعقل كده لو لقدر الله عملت حادث و الشنطة اتخبطت حاتفتحتها إزاي

[dr.hany]

المرور بيلزمنا هنا ببافاريا .عمرى ماشوفت حد معاها حاجه تانيه غيرها بصراحه...انا اشتريت العبوه الكيلو ب121 .والمفروض انها تكون جوه الصالون باى شكل

[A.Saad]

اللى موجود فى السوق غير بافاريا
المصانع الحربية
بس منافذ بيعها قليلة

لو لا قدر الله حد استعمل الطفاية لازم يملاها فى فرع لبافرايا
لان الغش كتير فى الموضوع ده
وبرده يشتريها من مكان معتمد ليهم
هما ليهم فروع فى كل محافظة
والقاهرة على ما اذكر ليهم فروع فى عماد الدين والجمهورية - اجازة الاحد

فيه طفايات بعداد وفيه من غير
فرق السعر حوالى 20 جنيه
اللى بعداد بتوريك كمية البوردة اللى فاضلة اد ايه
والمفروض لو البودرة باظت بتبان فى العداد كانها فاضية

انا جبت 2 كيلو لان عادة الكيلو مش تكفى لو حصل حريق
بحوالى 200 جنيه او 220

المفروض انها تبقى فى الصالون
لو فى الشنطة ممكن تتاخد مخالفة

[kliken]

فعلا هى بتعمل 120 جنيه
و المفروض تبقى فى الصالون انا حاطتها تحت الكرسى

[محمد الشامي]

أحسن نوع هو البافاريا وسعر العبوة الكيلو حوالي 120 جنية أما الــــ 2 كيلو سعرها 170 جنيه و أفضل مكان في العربية هو تحت الكرسي

+1

[abo_lamar]

مفيش احسن من بافاريا

[mohamedrock10]

يعني ينفع اشتريها من برة المرور

[A.Saad]

ايوة ينفع
وينفع تجدد اللى عندك وده ارخص

http://www.nilemotors.net/Nile/477391-a.html