راداااااااااار يا عالم رادااااااااااااااار

[Na7nology]

أخوانى الهيونداوية....
نظرا لأنتشار التكنولوجيا المرورية هذة الأيام (بالرغم من تدهور حالة الطرق)..لاحظت الفترة الماضيية الأنتشار الرهيب للكاميرات والرادارات على الطرق (الليلية كمان)..ففكرت أنى أطرح هذا الموضوع على أصدقائى الهيونداوية (لأن سحب عربياتنا لا يتناسب مع السرعات اللتى يفرضها علينا الرادار خالــــــــــــــــــــــــــــــــــــــــــــص) ..كل واحد مننا واجه رادار أو كلميرا فى مكان مش ظاهر يا رييت يكتب هنا وهبدأ أنا :

1- رادرا ليلى على الدائرى بعد القوس الشرقى (بعد نزلة صفط اللبن وقبل نزلة المريوطية) وبكرر ليلى يعنى الساعة كانت 9:30 مساءا والفلاش عمانى

2- شارع صلاح سالم وأنت رايح على المطار بعد نفق الثورة على طوول فى كاميرات على الناحيتييين بتصور اللى ماشى أسرع من 60 كم / س وده ب night vision يعنى هتتصور ومن غيير فلاش (وطبعا الشعب كله بيتصور)

3- شارع الميرغنى وأنت رايح من روكسى على كلية البنات نفس الكاميرات موجوديين وبرده 60
كم / س واللى أسرع بيتصور

4- الدائرى القوس الغربى وده وأنت طالع من المريوطية ورايح على دائرى المنيب للمعادى مثلا وده بقى شبه ثابت (والناس اللى جايين فى الناحية التانية مبقوش بينبهوا للسبب ده)

5- دائرى القوس الغربى وده وأنت رايح على المنصورية (لو منزلتش نزلة المريوطية ومتطلعتش الوصلة الجديدة) برده فى رادار شبه ثابت هناك

6- الوصلة الجديدة اللى بتربط دائرى القوس الغربى بالشرقى وده خلى بالكم 80 كم / س فاللى ماشى على 90 برده بيتصور(قابلته مرتيين فى أقل من 10 أيام)

7- طريق مصر اسكندرية رادار ليلى عند بنزينة موبيل(اللى قبل البوابات بتاعة أسكندرية ب 2 كم) والكمين بيوقف قبل بوابة أسكندرية على طووول

أنا كده كتبت اللى شوفته وأتمنى أن كل اللى عارف مكان كاميرا ثابتة أو رادار يبلغ أحسن يا جماعة أنا ليا واحد صديقى راح يرخص ولفى عليه مبلغ اللهم ما أحفظنا ومعظمها سرعات وكاميرات

وشكراااااااااااااااااااااا

[m_mekkawy]

اصيل اصيل
طب ما بدل وجع القلب ده وحفظ الرادارات وممكن تدبس فى واحد وانت مش فاكر
هات الجهاز بتاع رادار الارم ولخص

[mmelg]

ارجو المساعدة

منين الجهاز دة وممكن شرح بعد اذنك وبكام ثمنة

[Amr_tika88]

ياريت نعرف بيتباع فين وبكام
مش فاهم يعني ايه ردار على سرعه 60 هوا احنا في ملاهي ولا ايه

[Devilishguy]

لو الرادار بتاع صلاح سالم شغال نركبلهم تك تك احسن

[mshmshm3]

شارع الميرغنى وأنت رايح من روكسى على كلية البنات نفس الكاميرات موجوديين وبرده 60
كم / س واللى أسرع بيتصور

لو الردار ده حقيقة ههههههههه هيبقي عليا شيك على بياض للمرور انا بعدي من هناك كل يوم مش اقل من 80

[medo2o1o]

شارع الميرغنى وأنت رايح من روكسى على كلية البنات نفس الكاميرات موجوديين وبرده 60
كم / س واللى أسرع بيتصور

لو الردار ده حقيقة ههههههههه هيبقي عليا شيك على بياض للمرور انا بعدي من هناك كل يوم مش اقل من 80

معلش هو ده اللى عند بيت الريس اصل الطريق لسة متسفلت جديد و بمشى 90 اديلى بتاع شهر يوميا بمشى هناك 30*150=اركنها و اقعد فى البيت

[Na7nology]

الرادار ال 60 اللى شارع الميرغنى ده حقيقى وأى واحد وهو معدى ممكن يتأكد بنفسه (يافطة صفرة على الشمال مكتوب عليها 60 وصورة رادار) وليا صديق راح التجديد لقى عليه 900 جنيه ( 3 مرات فى شارع الميرغنى يعنى الواحدة ب 300 جنيه) وربنا يسترها علينا بقى


وبالنسبة للرادار ألارم أعتقد أنه بيشتغل مع الرادار مش الكاميرات الثابتة ولو سمحت نرجو التوضيح بالنسبة للجهاز ده ونجيبه منين....

[eino666]

اللهم احفظنا من شر الرادار وغراماته يا رب
........................
محمود عينو

[SPoOKy]

معقول يكون رادار الميرغيني دا حقيقي!!! انا بعدي في اليوم مرتين 3 على الشارع ده مش اقل من 80كم انا كدا ابيع العربيه احسن

[osos_lion]

ايه الافترا ده يعني يكسرو عربياتنا بالمطبات وكمان حاطين ردارات طب احسن من الرادارات والكميرات
كانو حطو يفط صح علي الطرق بدل مكل متيجي تروح مشوار تلف حوالين نفسك زي النحله لا واغباء لو حطو العلامه ياما ييحطوها علي راس مفرق بين شارعين وانتا داخل وعمال تبوص ومركز مركز مركز انا انا هخش في الشارع اليمين ايوه اهوه اليافطه علي المفرق مكتوب عليها اسمو وونتا داخل تلاقي اليافطه الي في الشارع اليمين مكتوب عليها اسم الشارع الشمال وعملك سهم انو الي النحيه التانيه تروح اييييييييييييييييييييييي وداخل شمال
ياما تلاقيه حاططلك اسم الشارع قبليعه علي شارهع تاني اصلا وبعدين تكتشف انو كان بيمهدلك

[mshmshm3]

معقول يكون رادار الميرغيني دا حقيقي!!! انا بعدي في اليوم مرتين 3 على الشارع ده مش اقل من 80كم انا كدا ابيع العربيه احسن

طيب لما يحطوا رادار يحطوه 60 ؟؟؟؟؟؟؟؟؟؟ ليه مفيش مشاه في المكان ده ومش هامشي على 60 لو الطريق واقف هستناه لما يمشي وهاجرى بس

ايه الافترا ده يعني يكسرو عربياتنا بالمطبات وكمان حاطين ردارات طب احسن من الرادارات والكميرات
كانو حطو يفط صح علي الطرق بدل مكل متيجي تروح مشوار تلف حوالين نفسك زي النحله لا واغباء لو حطو العلامه ياما ييحطوها علي راس مفرق بين شارعين وانتا داخل وعمال تبوص ومركز مركز مركز انا انا هخش في الشارع اليمين ايوه اهوه اليافطه علي المفرق مكتوب عليها اسمو وونتا داخل تلاقي اليافطه الي في الشارع اليمين مكتوب عليها اسم الشارع الشمال وعملك سهم انو الي النحيه التانيه تروح اييييييييييييييييييييييي وداخل شمال
ياما تلاقيه حاططلك اسم الشارع قبليعه علي شارهع تاني اصلا وبعدين تكتشف انو كان بيمهدلك

فعلا وكتير الواحد لف حوالين نفسه بسبب كدة

[د.محمود صلاح]

الإتجاه لجعل السير بسرعة 40 في أي حته في مصر ,, من مطبات ورادارت وزحام ولجان

[shady_hamdy]

رادار باليل عند طريق الوحات و انت راجع من اكتوبر و داخل طريق الفيوم انا اتصور 10 مرات ةو الفلاش عمانى ربنا يستر

[zaza_lanos]

يعنى الشوارع واقفة ومتسفلته عميانى
وكمان ردار
ده حاجة حلوة خالص