محتاج مساعدتك من المرور

[Ahmed.TV]

ياجماعة بعد اذنكم انا عاوز اسال واعرف
هل الهويات بتاعت الابواب اللى بتتعلق على الابواب من بره دى فيها سحب رخصة ولالا
لان واحد وقفنى وقالى دى ممنوعة لانها تعتبر من الملصقات وقالى فيها سحب رخصة ودى مفروض تتثبت فى الرخصة
فقولته ازاى هواية باب اثبتها على الرخصة , الكلام ده لو فامية او ديفيندر
وفى النهاية كالعاااادة المصرية 20 جنية ومشيت الامور

بس انا عاوز اعرف فعلا هل دى ممنوعة ولا هو كان بيشتغلنى
انا عاوز اعرف عشان ابقا ماشى مطمن

الحاجة التانية لو ممنوعة ازاى اثبتها على الرخصة فعلا لو كلامه صح وبيندفع كام فى المرور عشان اثبت حاجة زى دى

ولو لازم تتثبت على الرخصة هل اثبتها على الرخصة الحالية لانه فاضل عليها سنتين ولا ححتاج ارخص من جديد

واسف على الاطالة

[د.محمود صلاح]

شيلهم أفضل لك ....

[eino666]

اشتغالة وحار ونار ال20 جنيه فى جتته
........................
محمود عينو

[Ahmed.TV]

يعنى هو ممنوع فعلا ولالا
انا ناوى انزل القسم بكرة اللى قدام المنزل عندى واسال المرور فيه عشان اشوف اخرتها ايه معاهم

[abo_lamar]

يعنى هو ممنوع فعلا ولالا
انا ناوى انزل القسم بكرة اللى قدام المنزل عندى واسال المرور فيه عشان اشوف اخرتها ايه معاهم

ولا حيدلوك على شئ

[temokemo]

لو هما بلون العربية مفيش مشكلة انا عندي مركبهم ومفيش حد قالي حاجة عليهم

[zizo50001]

بص ياباشا مهما تروح او تيجى محدش هيدلك على حاجة مفيدة لسبب
وهو ان كل واحد فى البلد دى له قوانين خاصة بية ويعدلها زى ما هو عايز

[Ahmed.TV]

ما هى دى المشكلة ان فعلا محدش بيدلك على الصح , وممكن واحد يقولى لا مش ممنوع , وبردوا افاجى بواحد يوقفنى ويقولى ممنوع , ساعتها حعمل ايه , هل حقاوح معاه واقوله لا انا صح وقالولى مش ممنوع , واكدبه !!!!!, بردوا حيكون كلامه هو اللى صح وحيسحب الرخصة
ما انتو عارفين احنا غلابة كلانا , والبلد دى النفوذ وقوة ووسائط

والمهم انهم بلون العربية والعربية والله , ويمكن مش باينين اوى
دول هواية باب يا جماعة , يعنى حاجة عادية , مش ستاير او زينون او فاميه او ديفيندرات

طيب الحاجات دى كلها حد يعرف بتتثبت ازاى على الرخصة
هل بيدفع فلوس عليها ام بالوسطة

[Ahmed Galal]

ما تتعبش نفسك و لو عربية رولزرويس و خارجة من المصنع بتاعها و عايزين يتلككوا هايوقفوها و دايما ال 20 جند هما الاثبات على الرخصة اللى قصدهم عليه انا بتطلع روحى عشان ارخص العربية 3 سنين فما بالك لو عايز اثبت فيميه دا انا اكسر الازاز كله احسن و لا اروحش المرور تانى و اللى فى مرور السلام يعرف

[Ahmed.TV]

روحت قسم الشرطة ودخلت سالت الظابط وقالى ممنوع وشيلهم لان دول يعتبروا ملصقات ,وقولته يافندم دى مش كتابة او شعار على العربية او مش ستارة او فامية عشان يعملوا حاجب عن اللى جوة
قالى طالما مش نازلة مع العربية فى الاصل يبقا ممنوع ومينفعش تتثبت على الرخصة

بردوا اتغظت

وخرجت رحت لمهندس الفحص عشان اسال لان لقيت كام عربية واقفة مركبة نفس الهوايات اللى راكبة على الباب عندى

قالى بص هما عملوا معاك كدا عشان انت مش عملت لابط معاهم , وقالى خاليك مش محترم وقاوح معاهم , لان كل ده عشان ياكلوا 20 جنية

وقالى قولهم انها نازلة مع العربية ولو قالك دى مش مثبوتة فى العربية قوله مردوش يثبتوها على الرخصة لانها حاجة تفهة
وكمان خصوصا ان اللى راكبة عندى مكتوب عليها اسم العربية فقالى قاوح معاهم عشان هم عايزين كدا

وفعلا وانا مشى عمال تفرج على كل العربيات لقيت ناس كتير اوىىىىىى مركبين هوايات على الابواب فى عربيات ملاكى ومكروباصات وعربيات نقل وكله

اومال لم اروح اركب اسبويلر بقا على العربية حيعملوا معايا ايههههه

[mada121977]

على فكره الهوايات مش ممنوعه ... والحرامى اللى خد منك ال20 جنيه ده حرامى واطى واذا حد منهم كلمك تانى اعمل زى ماقلك المهندس وقاوح معاه علشان فعلا هما مابيجوش غير بكده