إعـــــــلان

Collapse

.

,
See more
See less

لمستخدمى القاهره - الاسكندريه الزراعى , احترس من الرادار الليلى !!

Collapse
X
 
  • Filter
  • الوقت
  • Show
Clear All
new posts

  • لمستخدمى القاهره - الاسكندريه الزراعى , احترس من الرادار الليلى !!

    طبعا بما اننا بلد متقدمه ومتحضره وبنعالج مشكلاتنا بأسلوب وتكنيك رفيع المستوى حريق الدم صاروخ فى رفع الضغط امبارح الحكومه ولله الحمد ارسلتلى قرصه ودن وانا مبتسم وشفايفى من الودان للودان مش عارف من فرط الذهول ولا علشان الصوره تطلع حلوه !!

    كنت راجع امبارح للقاهره من الطريق الملعون الواصل بين القاهره والاسكندريه والمسمى بالزراعى نظرا لأنه بالظبط زى الجسر اللى معدى الترعه اللى قصاد اى بيت فى اى كفر لا عليه مرور ولا نظام وبعد نصف ساعه من التوقف التام بعد كوبرى بنها نظرا لمش عارف ايه بس هو الطريق وقف وخلاص ونزلت ابص وعديت الزحمه وبرده مش شايف سبب !!

    المهم طبعا الكل خرج من الزحام الكاوتش بتاعه بارد ومهندس السباقات بيكلمه على الراديو يقوله اجرى شويه علشان تسخن الكاوتش والثبات يزيد , وهو نفس الوقت اللى كانت فيه محاولاتى المستميته انى اتمسك بحد السرعه 90 كم فى الساعه بس لقيت انى بحاول الانتحار بالفزع وعاجلا او اجلا هبقى سبب تانى لوقوف الطريق فعلشان مصر ( اى والله ) علشان مصر أضطررت انى اجارى سرعه الناس كلها واللى وصلت ل 130 مع بعض العربيات النقل اللى يظهر عندها خلاف مع المقطوره لأن مشهد ان العربيه تبقى فى الشمال والمقطوره فى النص وبتحاول تسيب العربيه ده شوفته كتير جدا امبارح

    ومن ثم انتهت الرحله بسلام ولله الحمد واستعدت اعصابى ولترات دمى اللى استقرت عند الدواسات فى محاوله للتغاطى عن ما يظهر من الزجاج الامامى لأجدنى فى حفله تكريم غير عاديه , الحفله كانت قبل المؤسسه مباشره قبل انقسام الطريق بين المتجه لعبود والمتجه للكورنيش لأجد الفلاش يا ناس ضرب فى وشى بكل عنف , طبعا انا ساعتها كنت ماشى بين 70 و 80 يعنى يعتبر على مهلى بالنسبه لكل الناس بس فى اللحظه دى كنت لوحدى على خط العرض للطريق وانا داخل على الكاميرا وحتما ولابد انى انا اللى اتصورت واعتقد ان المكان ده السرعه فيه 60 بأعتبارها يعنى بدايه حدود المدينه ونهايه الطريق السريع

    السؤال بقا بعد كل الرغى اللى ملوش لزمه ده , حد عنده فكره الفلاش ده هزار ولا اقيم الاحتفالات لأول مخالفه سرعه فى حياتى وثانى مخالفه بشكل عام ؟

    الاولى كانت ركن ممنوع وراكن جنب الرصيف فى مكان راكن فيه 40 عربيه ومفيهوش يافطه ممنوع الانتظار

    [CENTER]
    [SIZE=4][COLOR=DarkRed][B][FONT=Comic Sans MS]إفـلــت زمـام امـالــك[/FONT][/B][/COLOR][/SIZE]
    [/CENTER]

  • #2
    والله اللى انا أعرفه هو الآتى:
    انا من مستخدمى الزراعى و تحديدا طنطا القاهره.لانى من المحله.
    بمشى وانا رايح نهارا على تسعين بالظبط.لان الرادار بيكون شغال عند مناطق معينه.بس للاسف مش عارف أماكنها تحديدا.السواقين عارفين.بس انا لما بلاقى حد يرعش باخد بالى.(رغم كده إتصورت مره قبل كده)
    رحله العوده...وهى شيقه جدا زى محضرتك قولت تمام.مميزه..مبهره مدهشه..خاصة ان ألونسو و شوماخر.و الأخوة بتوع f1 اللى بيشتغلوا عشان أكل عيشهم على مقطورات..
    وطبعا بيكونوا طايرين.
    بصراحه الطريق بيكون ساعات خانق وساعات بتلاقيه فاضى..فبتقرص على العربيه
    السواقين كلهم عارفين ان مفيش رادار ليلا خالص.
    عشان كده كله بيجرى و مش بيهمه حاجه.
    بس المنطقه اللى حضرتك بتقول عليها.لا تعد من الطريق الزراعى خالص.
    دى تقريبا دخلة شبرا.و دى فيها إشاره.
    أعتقد انها ممكن تكون فيها فعلا الكاميرات الجديده اللى بتلقط السرعه
    والله أعلم
    [CENTER]م/محمد علاء[/CENTER]
    [CENTER][SIZE="2"][/SIZE][/CENTER]
    [CENTER]مش شرط اعجب كل الناس .....لان مش كل الناس بتعجبني[/CENTER]
    eng:mohamed سابقا

    Comment


    • #3
      معهلش قدر الله وما شاء فعل والنصيحة يا برنس
      اول ما الاجازة تخلص تجرى على نيابة المرور تستكشف ولو لا قدر الله حصل واخدت الفوتوجرافى بتاع المرور تعمل مصالحة ب 150 جنيه بدل ما تستنى للتجديد ويلهفوا منك 300 جنيه حار ونار فى جتتهم
      ........................*
      محمود عينو
      [SIGPIC][/SIGPIC]
      [marq="3;right;3;scroll"]الله جاب الله خد الله عليه العوض[/marq]
      [COLOR=Blue][SIZE=3]بعد 13 سنة جواز وبتقولى عايزة 2 جنيه فكة
      هو انتى و اولادك خليتوا فى جيبى فكة و لا مجمد[/SIZE][/COLOR]

      Comment


      • #4
        من اوحش الطرق فى مصر
        dr.hany

        Comment


        • #5
          المشاركة الأصلية كتبت بواسطة eng:mohamed مشاهدة المشاركة
          والله اللى انا أعرفه هو الآتى:
          انا من مستخدمى الزراعى و تحديدا طنطا القاهره.لانى من المحله.
          بمشى وانا رايح نهارا على تسعين بالظبط.لان الرادار بيكون شغال عند مناطق معينه.بس للاسف مش عارف أماكنها تحديدا.السواقين عارفين.بس انا لما بلاقى حد يرعش باخد بالى.(رغم كده إتصورت مره قبل كده)
          رحله العوده...وهى شيقه جدا زى محضرتك قولت تمام.مميزه..مبهره مدهشه..خاصة ان ألونسو و شوماخر.و الأخوة بتوع f1 اللى بيشتغلوا عشان أكل عيشهم على مقطورات..
          وطبعا بيكونوا طايرين.
          بصراحه الطريق بيكون ساعات خانق وساعات بتلاقيه فاضى..فبتقرص على العربيه
          السواقين كلهم عارفين ان مفيش رادار ليلا خالص.
          عشان كده كله بيجرى و مش بيهمه حاجه.
          بس المنطقه اللى حضرتك بتقول عليها.لا تعد من الطريق الزراعى خالص.
          دى تقريبا دخلة شبرا.و دى فيها إشاره.
          أعتقد انها ممكن تكون فيها فعلا الكاميرات الجديده اللى بتلقط السرعه
          والله أعلم
          مصيبه الطريق ده فعلا مش بس فى العربيات النقل المجانين ولا الميكروباصات حتى , المشكله اللى بتضايقنى اكتر عربيات النص نقل اللى اقل ما يقال عنهم انهم شويه حيوانات طول الوقت منورين العالى وراكبين عندك على الشنطه وكلاكسات وخلاص وهاين عليه تركب انت المخالف وهو يعدى ويقولك اصلى محمل لبن وعايز الحق اوصله قبل ما يبوظ

          ضيف على كدا كمان اللى معدى الطريق بحمارته واللى الشبكه فى الموبايل بتقطع قصاد بيتهم فعايز يقعد على الخرسانه اللى فى وسط الطريق علشان الشبكه عندها كويسه واللى معدى بموتوسيكل بعرض الشارع وهو بيقول لصاحبه الناحيه التانيه جاى بكره الشغل ولا لا !!

          انا فعلا حته الرادار دى فى دخله شبرا على طول ومكانها فى زى اضواء تحذيريه على اليمين بس مفيش اى يافطه رادار هناك وزى ما قولت انا غالبا اتلقطت بسرعه اقل من 80 وربنا يستر بقا لحسن دلوقتى افتكرت من فتره كنت مسافر وعربيه قصادى الفلاش ضرب فى وشه برده وانا هديت على طول ونسيت الموضوع تماما


          المشاركة الأصلية كتبت بواسطة eino666 مشاهدة المشاركة
          معهلش قدر الله وما شاء فعل والنصيحة يا برنس
          اول ما الاجازة تخلص تجرى على نيابة المرور تستكشف ولو لا قدر الله حصل واخدت الفوتوجرافى بتاع المرور تعمل مصالحة ب 150 جنيه بدل ما تستنى للتجديد ويلهفوا منك 300 جنيه حار ونار فى جتتهم
          ........................*
          محمود عينو
          الله يكرمك يا استاذ محمود , انا اللى اعرفه ان التصالح متاح بس لو فى لجنه بعد الكاميرا بس اول مره اعرف موضوع النيابه ده , ربنا يستر ويكون فعلا صحيح وربنا يستر ويكون ايام العطلات مش بتتحسب من المهله لحسن على ما هروح يوم الثلاثاء هيكون ده رابع يوم من المخالفه


          المشاركة الأصلية كتبت بواسطة goldenfish7 مشاهدة المشاركة
          من اوحش الطرق فى مصر
          طريق كارثى بجد والحوادث عليه صعبه جدا وكتيره جدا بجانب ان دلوقتى قال ايه بيصلحوه ومكسرينه كله فبقى اخطر 100 مره من الاول
          [CENTER]
          [SIZE=4][COLOR=DarkRed][B][FONT=Comic Sans MS]إفـلــت زمـام امـالــك[/FONT][/B][/COLOR][/SIZE]
          [/CENTER]

          Comment


          • #6
            ازيك يا احمد بيك
            انت قصدك على الفلاش اللى عند قياده مرور الطريق الزراعى اللى قبل شبرا .. اللى بعده نقطه شرطه عسكريه .صح؟
            احب ابشرك (بما ان اخوك من مرتادى الطريق الزراعى اللى بقعد عليه اكتر مابقعد فى بيتنا ) ان الفلاش فشنك ماتقلقش :)

            Comment


            • #7
              فداك يا أحمد
              ده كأس وداير
              هههههههههههههههههههه
              ان شاء الله بسيطة ومعتقدش ان الفلاش ده هزار
              الفلاش ما بيهزرش
              [CENTER][URL]https://www.facebook.com/NMTechShop/[/URL] [/CENTER]

              Comment


              • #8
                تعيش وتاخد غيرها يا كبيييييييييييييييير
                كل سنة وانت طيب
                تقفيلة شهر مارس ودخلة شم النسيم والذى منه
                [COLOR=black]Y2Y1500 سابقا[/COLOR]

                Comment


                • #9
                  المشاركة الأصلية كتبت بواسطة ahmed0nouh مشاهدة المشاركة
                  العربيات النقل اللى يظهر عندها خلاف مع المقطوره لأن مشهد ان العربيه تبقى فى الشمال والمقطوره فى النص وبتحاول تسيب العربيه ده شوفته كتير جدا امبارح



                  [CENTER][FONT=Palatino Linotype][SIZE=2][COLOR=RoyalBlue]It doesn't matter how fast you are, As long as you are reving it up to the max
                  [/COLOR][/SIZE][/FONT][/CENTER]

                  Comment


                  • #10
                    انت اتحسدت ولا اية ، بطل تحكي كتير عن موضوع تجنب المخالفات دة ;)

                    انا اتخضيت من كلامك الصراحة لأن انا كل يوم علي الزراعي خصوصا بالليل بس طالما في شبرا يبقي لسة الدنيا أمان
                    [RIGHT][B][I]Mohamed Samir[/I][/B]
                    :sleeping:
                    [CENTER]'
                    [/CENTER]
                    [/RIGHT]

                    Comment


                    • #11
                      في المخالفات يهبروا أما في المرتبات يحفٌوا ليه المخالفة متكنش علي قد دخل المواطن يعني ايه مخالفه ب 300 جنيه والمواطن متوسط دخلة 1000 جنيه مثلا ده لو فوق المتوسط وراكب عربية 128 وعنده اسره صغيره حاجه غريبه بجد يعني يدفع المخالفة وبقيت الشهر يجوع
                      [SIZE="5"][COLOR="SeaGreen"][B][CENTER]سبحان الله وبحمده ... سبحان الله العظيم[/CENTER][/B][/COLOR][/SIZE]

                      Comment


                      • #12
                        قدر الله وماشاء فعل
                        [SIZE=6][SIZE=5][B]الحمد لله الذي عافانا مما ابتلي به غيرنا وفضلنا علي كثير ممن خلق وجعلنا مسلمين<!-- google_ad_section_end -->[/B][/SIZE] [/SIZE]
                        [B][SIZE=6]كن عالما أو متعلما أو محبا للعلم ولاتكن الرابع:3_3_102[1]:[/SIZE][/B]

                        Comment


                        • #13
                          المشاركة الأصلية كتبت بواسطة mada121977 مشاهدة المشاركة
                          ازيك يا احمد بيك
                          انت قصدك على الفلاش اللى عند قياده مرور الطريق الزراعى اللى قبل شبرا .. اللى بعده نقطه شرطه عسكريه .صح؟
                          احب ابشرك (بما ان اخوك من مرتادى الطريق الزراعى اللى بقعد عليه اكتر مابقعد فى بيتنا ) ان الفلاش فشنك ماتقلقش :)
                          الله يسلمك يا باشا , ايوه هو ده بعينه وحتى عنده قراطيس واضواء تحذيريه زى بتاعت اعمال الطريق كدا تقريبا تبع الشرطه العسكريه فعلا

                          طيب هو طالما فشنك مشغلينه ارهاب ولا ايه ؟ , دا انا صورتى هتطلع تحفه من هول الصدمه

                          ربنا يطمنك والله


                          المشاركة الأصلية كتبت بواسطة BASKOTA مشاهدة المشاركة
                          فداك يا أحمد
                          ده كأس وداير
                          هههههههههههههههههههه
                          ان شاء الله بسيطة ومعتقدش ان الفلاش ده هزار
                          الفلاش ما بيهزرش
                          مهو الحمد لله شربت منه سابقا ظلم برده :) , وقعدت اقول للظابط فين طيب اليافطه اللى ممنوع الانتظار اللى هاخد عليها مخالفه بص حواليه وقالى هو ممنوع وخلاص

                          والفلاش اهه طلع بيهزر , تقريبا دى دراسه بتعملها الشرطه لجمع عده صور لمستخدمى الطريق فى اوقات مختلفه لدراسه حالتهم النفسيه بعد معاناه استخدام الطريق الملعون ده ويظهر انى اتاخدت كعينه


                          المشاركة الأصلية كتبت بواسطة y2y1500 مشاهدة المشاركة
                          تعيش وتاخد غيرها يا كبيييييييييييييييير
                          كل سنة وانت طيب
                          تقفيلة شهر مارس ودخلة شم النسيم والذى منه
                          اااه عيد يعنى :) , طيب يا سيدى وماله خلى الاولاد تتبسط واهو الشعب فى خدمه الشرطه واولاد رجال الشرطه برده

                          المشاركة الأصلية كتبت بواسطة NFS مشاهدة المشاركة
                          ابقى تعالى جربه فى مره والله يا مصطفى , ولا تقولى موست وانتد ولا غيره ده ادرينالين طبيعى يا ابنى , تقريبا ده الطريق الوحيد اللى فى مصر اللى عادى فيه تشوف عربيه نقل بتشد مع ملاكى وبتقلب نور للناس علشان تعدى

                          المشاركة الأصلية كتبت بواسطة pro_samir مشاهدة المشاركة
                          انت اتحسدت ولا اية ، بطل تحكي كتير عن موضوع تجنب المخالفات دة ;)

                          انا اتخضيت من كلامك الصراحة لأن انا كل يوم علي الزراعي خصوصا بالليل بس طالما في شبرا يبقي لسة الدنيا أمان
                          اصل كنت عامل فيها مواطن شريف , بس يظهر ان عاجلا او اجلا لازم الحكومه تصبح على بأى حاجه

                          بس متقلقش اهو طلع فشنك


                          المشاركة الأصلية كتبت بواسطة zakiali مشاهدة المشاركة
                          في المخالفات يهبروا أما في المرتبات يحفٌوا ليه المخالفة متكنش علي قد دخل المواطن يعني ايه مخالفه ب 300 جنيه والمواطن متوسط دخلة 1000 جنيه مثلا ده لو فوق المتوسط وراكب عربية 128 وعنده اسره صغيره حاجه غريبه بجد يعني يدفع المخالفة وبقيت الشهر يجوع
                          والله هو قيمه المخالفه نفسها مش مشكله , بس الكلام ده لما يتوفر لى الجو انى فعلا معملش المخالفه

                          انا شخصيا مبحبش الجرى وسواقتى هاديه جدا , بس علشان ابقى ماشى براحه والاقى العربيات النقل بتعدى من يمينى وشمالى والناس كلها راكبه عندى على الشنطه يبقى انا بنتحر فلازم غصب عنى اجرى علشان ابقى بعيد عن بطش الناس اللى بتحاول تعدى منك بالعافيه

                          لو الناس تتقبل بس ان فى حد بيبقى عايز يمشى فى نص الطريق على حد السرعه هيبقى الحياه كلها تمام لكن للأسف الحركه دى بتستفزهم شويه


                          المشاركة الأصلية كتبت بواسطة waelfarid مشاهدة المشاركة
                          قدر الله وماشاء فعل
                          الحمد لله على كل حال
                          [CENTER]
                          [SIZE=4][COLOR=DarkRed][B][FONT=Comic Sans MS]إفـلــت زمـام امـالــك[/FONT][/B][/COLOR][/SIZE]
                          [/CENTER]

                          Comment


                          • #14
                            حمد لله على السلامة أحمد بك
                            الطريق دا زبالة بكل ما تحمله الكلمة من معنى
                            انا سوقت عليه مرة واحدة .. غير كدا بنزل القاهرة بالقطر!

                            Comment


                            • #15
                              منغير ماتحلف الطريق ده سمعته سبقاه, انا مشيت عليه مره واحده و كانت الصبح, و حلفت منا ماشى عليه تانى, كملت لاسكندريه ورجعت صحراوى.

                              العربيات النقل اللى يظهر عندها خلاف مع المقطوره لأن مشهد ان العربيه تبقى فى الشمال والمقطوره فى النص وبتحاول تسيب العربيه ده شوفته كتير جدا امبارح
                              انت لخصت فى سطر كلام كتيير و احاسسيس كتييير, بتيجى للواحد من هول الصدمه لما بيشوف المشهد ده.

                              و حمد لله على السلامه.
                              [CENTER][FONT=Palatino Linotype][SIZE=2][COLOR=RoyalBlue]It doesn't matter how fast you are, As long as you are reving it up to the max
                              [/COLOR][/SIZE][/FONT][/CENTER]

                              Comment

                              Working...
                              X