سؤال فى الرخصة الخاصة

[moudy2002]

اخوانى الكرام
الرخصة بتاعتى مش كمبيوتر الى معايا تصؤيح مؤقت عبارة عن ورقة كرتون وعليا صورتى والبيانات بتاعتى كاملة .. انا طلعتها من مرور السلام وما ادراك ما هو مرور السلام .. وكل ما احاول اروح وطلع رخصة كمبيوتر يقوالى الكمبيوتر عطلان ويجددادو التصريح وكل سنة وانت طيب ..
السؤال دلوفتى هل ينفع اغير عنوانى فى البطاقة الى مدينة نصر .. وروح مرور مدينة نصر وديهم التصريح بتاع مرور السلام وطلع رخصتى من هناك كمبيوتر ولا مينفعش اغير من مرور الى مرور ؟؟
وشكرا
اخوكم محمد

[Nader]

ينفع باذن الله، انت الاول تغير عنوان محل السكن وتثبتة في البطاقة وطبعاً الاثبات بيكون وصل كهربة او غاز مثلاً وتغير العنوان في البطاقة، بعد كدة عادي ممكن تنقل من مرور السلام لمدينة نصر " قسم مرور مدينة نصر الخاص تراخيص القيادة بالتجمع الثالث ".

[moudy2002]

شكرا نادر باشا على اهتمام
ولكن حضرتك تعرف الاجراءات اية ؟؟؟
يعنى اروح اجيب الملف بتاعى من مرور السلام واودية مدينه نصر ولا اروح مدينة نصر فقط بالتصريح والبطاقة الجديدة وهما يعيشو فى الاجراأت مع مرور السلام ..
انتم متصوروش مررو السلام مقرف ومتعب اد اية ...

[Nader]

مرور السلام :( انت هتقولي علية، اول ما كنت هطلع رخصة كنت هطلعها من هناك كانت ايام عصيبة، المهم ... اول حاجة انت هتغير عنوانك الاول في البطاقة بعد كدة هتاخد التصريح بتاعك والبطاقة وتطلع على مرور مدينة نصر وتستنى لحد ما الملف بتاعك ما يطلبوة، لو عندك واسطة خد تنقل لك الملف يبقى افضل علشان معتقدش انك ممكن تاخد الملف بنفسك.

ربنا يوفقك.

[moudy2002]

نادر باشا كتير عليا الصراحة المعلومات القيمة دية .. متشكرين ياباشا

بس يا كبير انت موضحتش يعنى انا لما اديهم التصريح والبطاقة الجديدة . هيدونى رخصة كمبيوتر على طول . ولا هيخدو منى تصريح السلام وهيدونى تصريح تانى من عندهم ؟؟ ولا اية الى هيحصل باظبط . انا اسف بس علشان محدش يشتغلانى هناك .

وشكرا ياباشا مقدما

[Nader]

المفروض الاول انك تخطرهم بتغير عنوانك، بعد كدة حكاية الرخصة دي ممكن تاخدها في نفس اليوم زي رخض التسير الخاصة بالعربية لما بتيجي ترخص وتنقل من مرور لمرور بياخدوا القديمة وبيعملة غيرها.