إعـــــــلان

Collapse

.

,
See more
See less

امتحان المرور

Collapse
X
 
  • Filter
  • الوقت
  • Show
Clear All
new posts

  • امتحان المرور

    شباب انا ناوي باذن الله امتحن يوم الخميس انا تبع مرور مدينة نصر
    ياريت لو حد عنده اي نصيحة يقدر يفيدني بيها افادكم الله انا ليا بعض الأسئلة
    1- لازم اخد ميعاد الأول ولا اروح على طول
    2- امتحان النظري دا بيبقى الأشارات الى مع الملف دي ولا في ميكانيكا وحاجات كده
    3- العملي بيبقى uولا s
    4- هل النظري والعملي في يوم واحد
    5- لا قدر الله لو منجحتش اقدر اقدم تاني امتى

    مستني اجابتكم ونصايحكم شكراااااااااااااااااااااا

    تم النقل بواسطتى
    مشرف دايو
    13أ

  • #2
    المشاركة الأصلية كتبت بواسطة toni مشاهدة المشاركة
    شباب انا ناوي باذن الله امتحن يوم الخميس انا تبع مرور مدينة نصر
    المشاركة الأصلية كتبت بواسطة toni مشاهدة المشاركة
    ياريت لو حد عنده اي نصيحة يقدر يفيدني بيها افادكم الله انا ليا بعض الأسئلة
    1- لازم اخد ميعاد الأول ولا اروح على طول
    2- امتحان النظري دا بيبقى الأشارات الى مع الملف دي ولا في ميكانيكا وحاجات كده
    3- العملي بيبقى uولا s
    4- هل النظري والعملي في يوم واحد
    5- لا قدر الله لو منجحتش اقدر اقدم تاني امتى

    مستني اجابتكم ونصايحكم شكراااااااااااااااااااااا


    شوف حضرتك أنا من اسكندرية و هقول لك على اللى أعرفه بالنسبة انى مريت بالتجربة

    مش لازم تأخد ميعاد انت بتاخد معاك تحليل فصيلة دم + كشف نظر و باقى الأوراق

    و بعدين تقدم و فى نفس اليوم المفروض تدخل إمتحان الكمبيوتر

    ان شاء الله تنجح فيه برده فى نفس اليوم تدخل امتحان السواقة

    -بالنسبة للاسئلة مش كلها إشارات و على العموم الأسئلة مش بتخرج من الكتاب اللى عملته الوزارة و ده ممكن تنزله من الموضوع ده

    http://www.nilemotors.net/Nile/100519-a.html

    هتلاقى فيه كل حاجة

    الامتحان العملى بيكون على شكل S

    ده اللى أقدر أفيدك بيه و شوف باقى تجارب الزملاء
    [CENTER][B][SIZE=4]لا تعجبن على حال الزمان لطالما...رقصت على جثث الأسود كلاب[/SIZE][/B][/CENTER]
    [CENTER][B][SIZE=4]لا تحسبن برقصها تعلو على أسيادها...تبقى الأسود أسود و الكلاب كلاب[/SIZE][/B][/CENTER]

    Comment


    • #3
      امتحان مدينة نصر بيبقى في التجمع الخامس بس معرفش اذا كان اتغير ولا لأ بس هقلك اللي انا مريت بيه من سنتين بالظبط

      مبدئيا محتاج شهادات طبية نظر و باطنة

      مفيش امتحان اشارات في التجمع الورقة بتاعة الاشارات بتمضي و انت بتسحب الملف

      الامتحان بيبقى على شكل حرف u و في النص مطب و خلي بالك و انت بتلف تاخدو على واسع ماتخفش علشان لو لمست قمع و معكش واسطة هيقلك تعالى كمان اسبوع

      العملي و النظري في نفس اليوم

      و لو عاوز نصيحتي بلاش تمتحن يوم الخميس لأني امتحنت بردو يوم خميس و ده بيبقى نص يوم و بيبقوا مستعجلين و بيدخلوا بال 3 عربيات في المرة الواحدة و ده سببلي مشكلة وقت الامتحان علشان العربيات اللي قدامي كانو بيريحوا عليا عند المطب =) روح يوم في وسط الاسبوع علشان ميبقاش زحمة
      يجب تعديل حجم الصورة

      Comment


      • #4
        بالنجاح انا مش حأدر افيدك انا مطلعها من 13 سنة

        Comment


        • #5
          شكراااا

          اشكركم وعايزكم تدعولي انا هاروح بكره المرور ابص برضه وهقلكم على تجربتي

          Comment


          • #6
            يبقي تبع مرور التجمع الخامس
            انت هتحتاج صور شخصية ليك لو بتلبس نضارة الصور الشخصية تكون فيها بالنضارة
            و شهادتين نظر و باطنة
            بتشتري الملف و تقدم في الشباك و بعدها بتقدم الملف جوة عند مكتب الظابط و بيتنده عليك تخش اختبار الاشارات
            و بعدين الظابط بيطلع يمتحنكم عملي
            اهم حاجة متنساش تحط الحزام و انت بيختبروك عملي
            العملي كالآتي
            هتخش بالعربية من البوابة تمشي شوية بعدين تلف شمال حاجة بسيطة في يمين حاجة بسيطة شمال تاني تاخد مطب صغير زي بتاع الرحاب كده في يمين ع البوابة تاني و خلاص بسيطة يعني و ربنا معاك و متقلقش اهم حاجة متخفش و جمد قلبك لما تنجح ان شاء الله هترجع تااني و تخش تتصور و تمضي ورق من مكتب جوة و بعدين تطلع تستني الرخصة ان شاء الله

            ههههه انا لما طلعت الرخصة امين الشرطة و انا بلف العربية راح شايل القمع و راح حاطه جنب الباب اوي عشان يزنقني هههههه اصلي رخمت عليه الي حدا ما و انا داخل بالعربية ههههههه

            و بالتوفيق ان شاء الله
            [CENTER][SIGPIC][/SIGPIC]
            [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
            [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
            [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
            [/CENTER]

            AXEL سابقا

            Comment


            • #7
              ربنا يوفقك سواء نظرى او عملى انت روح مجهز نفسك اصل كل وحدة مرور فى المحروسة بنظام لوحدها بس خد ورقك كله و يكون معاك عربية عشان لو فيه عملى و بالتوفيق ان شاء الله
              [SIGPIC][/SIGPIC]

              Comment


              • #8
                فكرتنى كان الظابط مرديش يدينا عربية المرور نمتحن بيها قال كل واحد ييجى بعربيتة بس كان فى راجل بعربية نص نقل ادهلنا نمتحن بيها ومكنش امتحان اساسا بس اهم حاجة تدفع مصاريف المدرسة وتكون بتعرف تسوق دا النظام الى ماشى عندنا

                [CENTER][flash1=http://flash02.arabsh.com/uploads/flash/2012/02/19/0c30444d62.swf]WIDTH=599 HEIGHT=228[/flash1][/CENTER]

                Comment


                • #9
                  عربية المرور

                  هو فعلا في عربيه في المرور

                  Comment


                  • #10
                    المشاركة الأصلية كتبت بواسطة toni مشاهدة المشاركة
                    هو فعلا في عربيه في المرور
                    انا اللي اعرفو نا كل واحد بيمتحن على عربيتو
                    يجب تعديل حجم الصورة

                    Comment


                    • #11
                      لازم تروح بعربية المرور ما عندوش عربيات
                      [SIGPIC][/SIGPIC]

                      Comment


                      • #12
                        باركولي

                        انا نجحت الحمد ل الله بس الكميبيوتر كان بايظ راحوا طلعولي تصريح ب 3 شهور و قالولي تعالى اتصور في اي وقت هل كده همتحن تاني ولا ايه انا مش فاهم حد حصل معاه الموقف ده؟؟؟

                        Comment


                        • #13
                          المشاركة الأصلية كتبت بواسطة toni مشاهدة المشاركة
                          انا نجحت الحمد ل الله بس الكميبيوتر كان بايظ راحوا طلعولي تصريح ب 3 شهور و قالولي تعالى اتصور في اي وقت هل كده همتحن تاني ولا ايه انا مش فاهم حد حصل معاه الموقف ده؟؟؟
                          لا يا باشا كدة مبروك عليك الرخصة و الحكومة اعترفت انك بتعرف تسوق

                          انت كدة في المرور معاك رخصة سارية بس لحد مالكومبيوتر ما يتصلح علشان يدولك الرخصة الحلوة بتاعتنا الملونة دي بعد 3 اسابيع بس مش اكثر
                          هتروح تتصور و تستنى بتاع 15 دقيقة و تستلم رخصتك
                          يجب تعديل حجم الصورة

                          Comment


                          • #14
                            قشطة

                            كده قشطة انا كنت خايف يطلع فيه حواااارررر

                            Comment


                            • #15
                              يفضل ان يكون معاك عربية صغيره متعود عليها عشان تعرف تناور بيها في الإمتحان

                              Comment

                              Working...
                              X