إعـــــــلان

Collapse

.

,
See more
See less

ورق الملكية ضاع...ايه العمل دلوقتي؟

Collapse
X
 
  • Filter
  • الوقت
  • Show
Clear All
new posts

  • ورق الملكية ضاع...ايه العمل دلوقتي؟

    السلام عليكم

    عربية أخويا كانت تقسيط من سيتي بانك و الحمد لله ربنا كرمه و خلص قسطها على خير.

    راح للبنك يطلب ورق الملكية وهو بمعنى اصح رفع حفظ الملكية اللي عاملينه...رفضوا وقالو ان الورق بيتحول للمرور و دي تعليمات السيد وزير الداخلية!

    بعتوا جواب للمرور بتاع الدراسة وادوله رقم صادر، رحنا تابعناه لاقينا ان مرور الدراسة بعته تاني يوم لمرور شبرا و ادولنا برضو رقم صادر وتاريخ.

    المفأجئة كانت عند الذهاب للمرور اللي المفروض الورق يوصله وهي أن مفيش حاجة وصلت!! طيب ياعم الرقم الصادر معايا دا اروح بيه فين؟ مجالناش...

    كلمت البنك قلتلهم عايز بدل فاقد لان الورق دا ضاع في المرور...قالو مستحيل ومينفعش واحنا مسؤوليتنا دلوقتي خلصت لاننا بعتنا الورق ومعانا رقم صادر!


    دلوقت انا اعمل ايه بالظبط؟ هل خلاص كدا ورق العربية ضاع لمجرد ان المحروس وزير الداخلية قرر ان كل حاجة تروح للمرور من كتر النظام يعني ولا ايه التصرف ؟

  • #2
    مش فاهم حضرتك ورق ملكية أيه أنا لما خلصت القسط اللي عليا أخدت جواب من البنك للمرور اللي انا تبعه بالمخالصه

    وبفك الحظر ورحت المرور بالجواب وفكيت الحظر وطلعولي رخصه جديده مفهاش حظر بيع ولاحفظ

    ملكيه وبعدين البنك بعتلي بوليصة التأمين متهيألي ملف العربيه والرخصه بتاعتك هما أوراق ملكيتك للعربيه

    ولا حضرتك قصدك علي جواب البنك للمرور برفع الحظر ياريت حضرتك تقولي أحسن يكون فيه حاجه

    ناقصه لأني هاجدد أول شهر 6 وربنا يستر ومادخوش السبع دوخات تاني

    Comment


    • #3
      المشاركة الأصلية كتبت بواسطة r0xer مشاهدة المشاركة
      السلام عليكم

      عربية أخويا كانت تقسيط من سيتي بانك و الحمد لله ربنا كرمه و خلص قسطها على خير.

      راح للبنك يطلب ورق الملكية وهو بمعنى اصح رفع حفظ الملكية اللي عاملينه...رفضوا وقالو ان الورق بيتحول للمرور و دي تعليمات السيد وزير الداخلية!

      بعتوا جواب للمرور بتاع الدراسة وادوله رقم صادر، رحنا تابعناه لاقينا ان مرور الدراسة بعته تاني يوم لمرور شبرا و ادولنا برضو رقم صادر وتاريخ.

      المفأجئة كانت عند الذهاب للمرور اللي المفروض الورق يوصله وهي أن مفيش حاجة وصلت!! طيب ياعم الرقم الصادر معايا دا اروح بيه فين؟ مجالناش...

      كلمت البنك قلتلهم عايز بدل فاقد لان الورق دا ضاع في المرور...قالو مستحيل ومينفعش واحنا مسؤوليتنا دلوقتي خلصت لاننا بعتنا الورق ومعانا رقم صادر!


      دلوقت انا اعمل ايه بالظبط؟ هل خلاص كدا ورق العربية ضاع لمجرد ان المحروس وزير الداخلية قرر ان كل حاجة تروح للمرور من كتر النظام يعني ولا ايه التصرف ؟
      مش فاهم حضرتك ورق ملكية أيه أنا لما خلصت القسط اللي عليا أخدت جواب من البنك للمرور اللي انا تبعه بالمخالصه

      وبفك الحظر ورحت المرور بالجواب وفكيت الحظر وطلعولي رخصه جديده مفهاش حظر بيع ولاحفظ

      ملكيه وبعدين البنك بعتلي بوليصة التأمين متهيألي ملف العربيه والرخصه بتاعتك هما أوراق ملكيتك للعربيه

      ولا حضرتك قصدك علي جواب البنك للمرور برفع الحظر ياريت حضرتك تقولي أحسن يكون فيه حاجه

      ناقصه لأني هاجدد أول شهر 6 وربنا يستر ومادخوش السبع دوخات تاني

      Comment


      • #4
        الحل طبعا انك ترجع لمرور الدراسه ووتشوف رقم الصادر وتاريخه وانت هناك في المرور بتاع الدراسه تسأل عن مندوب شبرا هتلاقيه قاعد قدام شباك الافراجات تسألأه عن الجواب بتاعك هيطلعهولك من الشنطه وتقفشوا الخمسين جنيه النظيفه وتاخده معاك عشان يسلم الجواب في مرور شبرا ومبروك الترخيص مقدما

        Comment


        • #5
          المشاركة الأصلية كتبت بواسطة ahmed-moga مشاهدة المشاركة
          مش فاهم حضرتك ورق ملكية أيه أنا لما خلصت القسط اللي عليا أخدت جواب من البنك للمرور اللي انا تبعه بالمخالصه

          وبفك الحظر ورحت المرور بالجواب وفكيت الحظر وطلعولي رخصه جديده مفهاش حظر بيع ولاحفظ

          ملكيه وبعدين البنك بعتلي بوليصة التأمين متهيألي ملف العربيه والرخصه بتاعتك هما أوراق ملكيتك للعربيه

          ولا حضرتك قصدك علي جواب البنك للمرور برفع الحظر ياريت حضرتك تقولي أحسن يكون فيه حاجه

          ناقصه لأني هاجدد أول شهر 6 وربنا يستر ومادخوش السبع دوخات تاني
          المقصود هو جواب رفع حفظ الملكية! لو حضرتك استلمته وسلمته للمرور يبقى متقلقش.

          لكن المشكلة ان دلوقتي بهوات الداخلية خلو الجواب دا يوصلهم هما مش العميل اللي يستلمه.



          madoo_600: دا الموضوع بقاله فوق الشهرين ياباشا! يعني انا لفيت كتير في الدراسة و كل مرة يدوني نفس الرقم ويقولو وصل وصل وفعلا مستحيل جواب هيقعد شهرين عندهم خصوصا انهم عندهم رقم صادر وتاريخ.


          اي مقترحات ياجماعة كمان؟

          Comment


          • #6
            ياباشا زي ما قولتلك الورق فعلا طلع من الدراسه واتبعت لشبرا لكن مراحش المرور عشان المندوب حطه في الشنطه لحد ما يظهرله صاحب عشان يقفش منه دي سياسه استرزاق ياريس وبعدين اسمع كلامي وجرب مش هتخسر حاجه تحيا مصر

            Comment


            • #7
              لا حول ولا قوة الا بالله ... إهمال بالطبع .

              Comment


              • #8
                المشاركة الأصلية كتبت بواسطة madoo_600 مشاهدة المشاركة
                ياباشا زي ما قولتلك الورق فعلا طلع من الدراسه واتبعت لشبرا لكن مراحش المرور عشان المندوب حطه في الشنطه لحد ما يظهرله صاحب عشان يقفش منه دي سياسه استرزاق ياريس وبعدين اسمع كلامي وجرب مش هتخسر حاجه تحيا مصر
                والله يامادو لو هتخلص يعني بال50 جنيه فمش مشكلة...انت متخيل عربية تقعد 3 سنين تدفع قسطها وبعدين مش عارف تاخدها؟!! انا جالي عصب سابع من يوم الموضوع دا من الزعل بجد الله يخربيوتهم البعدا.

                الف شكر لتضامنك دكتور محمود صلاح.

                Comment


                • #9
                  ياباشا جرب بكرة وطمني مفيش حاجه اصلا اسمها ضاع مادام في رقم صادر من الدراسه ومفيش رقم وارد في شبرا يبقى لازم يكون الجواب في شنطه المندوب ملهاش حل تاني شوف كده وطمني

                  Comment


                  • #10
                    اعمل محضر في قسم الشرطه وارفق به ارقام الصادر من البنك واي ارقام اخري وتابع المحضر وادخل لوكيل النيابه احكيله الموضوع وهو هيتصرف
                    اه في المحضر اتهم البنك بتضيع الجواب واتهم المرور ايضا وهم هيجيبوا الجواب
                    د \ محمد البربري

                    Comment


                    • #11
                      المشاركة الأصلية كتبت بواسطة r0xer مشاهدة المشاركة
                      المقصود هو جواب رفع حفظ الملكية! لو حضرتك استلمته وسلمته للمرور يبقى متقلقش.

                      لكن المشكلة ان دلوقتي بهوات الداخلية خلو الجواب دا يوصلهم هما مش العميل اللي يستلمه.
                      المشاركة الأصلية كتبت بواسطة r0xer مشاهدة المشاركة
                      انا جالي عصب سابع من يوم الموضوع دا من الزعل بجد الله يخربيوتهم البعد
                      المشاركة الأصلية كتبت بواسطة dode2002 مشاهدة المشاركة
                      اعمل محضر في قسم الشرطه وارفق به ارقام الصادر من البنك واي ارقام اخري وتابع المحضر وادخل لوكيل النيابه احكيله الموضوع وهو هيتصرف
                      اه في المحضر اتهم البنك بتضيع الجواب واتهم المرور ايضا وهم هيجيبوا الجواب
                      شكرا ياباشا طمنت قلبي وعقبال ماربنا يطمن قلبك ان شاء الله وألف سلامه علي حضرتك صدقني

                      مفيش حاجه مستهله انك تجيب لنفسك التعب ووجع القلب وأسأل مجرب

                      والحل السليم زي ماأستاذه dode2002 قالت وربنايخلصلك الموضوع ده علي خير وياريت لما يخلص تقولنا علشان نبارك تقبل تحياتي

                      Comment


                      • #12
                        المشاركة الأصلية كتبت بواسطة dode2002 مشاهدة المشاركة
                        اعمل محضر في قسم الشرطه وارفق به ارقام الصادر من البنك واي ارقام اخري وتابع المحضر وادخل لوكيل النيابه احكيله الموضوع وهو هيتصرف
                        اه في المحضر اتهم البنك بتضيع الجواب واتهم المرور ايضا وهم هيجيبوا الجواب
                        كلام مظبوط 100 فى ال 100
                        [COLOR=Blue]على عبد الفتاح[/COLOR]
                        أبو أحمد

                        Comment


                        • #13
                          أحدث التفاصيل:

                          بعد لف هنا وهناك، اتضح ان الورق راح لمرور تاني خالص! لان البهوات بتوع البنك كاتبين ان الجواب يروح مكان تاني غير مرور شبرا الخيمة.

                          والخطأ في النهاية طلع من "سيتي بانك" وليس من المرور. والمرور أرسل الجواب تاني يوم بالظبط!

                          وطبعا رايح يوم الاتنين بإذن الله ارتكب جناية في البنك بعد الشحططة والمشورة دي كلها لان الدعم بتاعهم بيقول ان مفيش حل غير اني اقابل الادارة...فاضي انا كل يوم اروح للبهوات!!

                          هل لو رحت عملت محضر ضد البنك هيحصل حاجة ولاكالعادة طبعا ولا كأن حاجة حصلت؟
                          انا بصراحة دمي محروق و عايز أضر الناس دي أشد ضرر لانهم ضيعولي وقت وحرقولي دمي في وقت انا كنت محتاج فيه للراحة جدا جداً. فهل في جهة ممكن اشتكيلها غير الشرطة ؟ هيئة رقابية مثلا ولا اي حاجة؟

                          Comment

                          Working...
                          X