إعـــــــلان

Collapse

.

,
See more
See less

تفاصيل التجديد و عمل معارضة للمخالفات .. للفائدة

Collapse
X
 
  • Filter
  • الوقت
  • Show
Clear All
new posts

  • تفاصيل التجديد و عمل معارضة للمخالفات .. للفائدة

    اخواني الاعزاء بناء علي طلب من بعض الاخوة لمعرفة تفاصيل عمل المعارضة اثناء اجراء التجديد للسيارة اكتب هذا الموضوع لتسهيل الموضوع علي من يواجه هذا الموضوع و يحتاج للمشورة لانه لن يجد من يدله في المرور اثناء الاجراءات
    - في البداية اذا اردت ان ينتهي الموضوع في يوم واحد (طبعا في حالة عدم وجود اي مخالفات ) لانه في حالة وجود مخالفات فأنك بلا محالة ستحتاج الي يوم آخر لتعارض فيه و لكن بأمكانك في هذه الحالة ان تستفيد من وقتك و طالما ذهبت للمرور يبقي تخلص كل اجراءتك و تبقي المعارضة فقط ليوم المعارضة . عليك ان تكون في المرور في تمام الثامنة
    - لابد ان يكون معك بطاقتك الشخصية و رخصة السيارة و رخصة قيادتك الخاصة و ان يكون معك علي الاقل 5 نسخ من كل اثبات شخصية و قلم ازرق جاف و حوالي 100 جنيه خمسات و عشرات
    - ستذهب للفحص في البداية و هذه اسهل الاجراءات فهي تشمل اخذ البصمة و رقم الشاسيه و الموتور و الفحص الفني و التشييك علي الطفاية و بالطبع للفني الخاص بالبصمة و الفني الخاص بالطفاية لابد من تظبيطهم لان دول بالذات لو ما ظبطهمش ممكن يعملوا مشاكل و علي فكرة كان فيه رأي للشيخ محمد حسان ان في هذه الحالة لا تعتبر راشي (بدون الدخول في تفاصيل ) بالنسبة للموديلات الحديثة لا يوجد اي قلق اثناء الفحص الفني
    - تركن عربيتك و تذهب للادارة ففي البداية تدخل في اجراءات شهادة المخالفات و ستجد نفسك ماشي بقوة الدفع يعني بمجرد وصولك لاول شباك سيتم تسليمك لبقية الشبابيك و في حالة عدم وجود مخالفات يكون خير طبعا و بتروح علي تنفيذ الاحكام و تختم و بتدفع رسوم بسيطة و بتاخد شهادة براءة
    في حالة وجود مخالفات قدامك حاجة من اتنين لو انت شايف المخالفات صح و انت فعلا ارتكبتها فممكن تديها لاي سمسار من اللي حيتلموا عليك عشان يجيبولك تخفيض و بتديله النصيب و اذا لقيتها كلها افتراءات و ليس لها اساس من الصحة فبتروح علي شباك اجراء المعارضة و بتدفع رسوم بسيطة برضه و بتاخد تصريح بميعاد الجلسة و تحاول تظبط الموظفة عشان تختارلك يوم يكون فيه قاضي كويس
    بتاخد التصريح المختوم ده و بتصوره و بتروح تكمل اجراءات التجديد عادي جدا... يعني لو عايز تجدد 3 سنين تدفع ضريبة 3 سنين و تأمينها و لو حتعلق لوحات جديدة تدفع قيمتها اللي هي 150 جنيه و بتستلم تصريح مؤقت لغاية ميعاد الجلسة زي الترخيص بالظبط انما تاريخه حتي ميعاد الجلسة
    - في يوم الجلسة تذهب صباحا مبكرا ايضا لانك ستجد رول طويل جدا تعرف رقمك في الرول و تقف في الطابور الطوييييييييييييييييييييييييييييييييييييييييل جدا و تكون مجهز بطاقتك و عندما تصل لامين الشرطة تسلمه البطاقة و تخبره عن رقمك في الرول سيبحث عن ملفك و يخبرك بأنه تم التخفيض الي مبلغ كذا ( في حالتي كان التخفيض من 2750 الي 300 جنيه ) اذا كان التخفيض مش عاجبك تعمل معارضة تاني و هلما جره و ممكن في المعارضة التانية تقابل البيه القاضي و ممكن يخفضلك اكتر و ممكن ما يخفضش و ممكن يكون التخفيض اقل من المرة السابقة لانه بيخفض علي اجمالي مبلغ المخالفات من اول و جديد و ليس تخفيض علي المبلغ المخفض
    المهم بتروح تسدد مبلغ المخالفات و دي مهزلة بكل المقاييس في مرور محرم بك و لاتوجد مراعاة لنساء او عواجيز و بكل اسف الكل خلطبيطة سائق الميكروباص و التاكسي مع الملاكي و النساء و الشيوخ و انت و دراعك بقي
    بكل اسف لم اطيق السداد بهذا الشكل و ذهبت للنادي لاستكمال باقي الاجراءات و انا الان في انتظار استلام الترخيص الجديد يوم الاحد القادم ان شاء الله
    اسف للاطالة و ارجو ان اكون قد افدت احدا او حتي الاخ الفاضل الذي طلب مني ذكر تفاصيل التفاصيل
    (وَلْيَعْفُوا وَلْيَصْفَحُوا أَلاَ تُحِبـُّونَ أَنْ يَغْفِرَ اللَّهُ لَكُمْ):satelite:

    [SIZE=4][COLOR=navy]محمد فهمي[/COLOR][/SIZE]

  • #2
    ربنا يباركلك يا باشا على صبرك فى الشرح و الكتابة انت كده افدت ناس كتير.....

    Comment


    • #3
      مبروك التجديد يا استاذ محمد

      بس يا ريت توضح انت قابلت القاضي ولا اية اللي حصل بالظبط ؟ والتخفيض بيكون بناء علي إية ؟

      لأني عملت تظلم قبل كدة وكل اللي حصل اني قدمت التظام وقالولي تروح النيابة بعد كام يوم لو التظلم اتقبل هتتخفض ولو مكانش المخالفات هتفضل زي ما هي ولاقيت المخالفات زي ما هي متخفضتش
      [RIGHT][B][I]Mohamed Samir[/I][/B]
      :sleeping:
      [CENTER]'
      [/CENTER]
      [/RIGHT]

      Comment


      • #4
        المشاركة الأصلية كتبت بواسطة mahora مشاهدة المشاركة
        ربنا يباركلك يا باشا على صبرك فى الشرح و الكتابة انت كده افدت ناس كتير.....
        الله يكرمك ماهر باشا و ده اقل واجب الواحد يقفدمه لاخوانه ..دي حاجة بسيطة جدا
        المشاركة الأصلية كتبت بواسطة pro_samir مشاهدة المشاركة
        مبروك التجديد يا استاذ محمد

        بس يا ريت توضح انت قابلت القاضي ولا اية اللي حصل بالظبط ؟ والتخفيض بيكون بناء علي إية ؟

        لأني عملت تظلم قبل كدة وكل اللي حصل اني قدمت التظام وقالولي تروح النيابة بعد كام يوم لو التظلم اتقبل هتتخفض ولو مكانش المخالفات هتفضل زي ما هي ولاقيت المخالفات زي ما هي متخفضتش
        الله يبارك فيك يا بشمهندس بس انا لسه مستني الترخيص لما النادي يخلصه يو السبت ان شاء الله و حبقي ابلغكم
        يا باشا اللي بيحصل في اول معارضة انك مش بتقابل القاضي انما لو المعارضة مش مقنعة بالنسبة لك تعمل معارضة تانية و ساعتها حتدخل للقاضي
        بس اللي مستغربله ازاي ما اتخفضش ليك حاجة ..يمكن كانت قيمة المخالفات بسيطة و مش محتاجة تخفيض بس بصراحة اول مرة اسمع ان حد عمل معارضة و لم يتم التخفيض له ....طيب سؤال اخير هي نوعية المخالفات كان فيها عكس اتجاه لان اللي اعرفه ان عكس الاتجاه هي المخالفة الوحيدة اللي ما بيتخفضش فيها
        (وَلْيَعْفُوا وَلْيَصْفَحُوا أَلاَ تُحِبـُّونَ أَنْ يَغْفِرَ اللَّهُ لَكُمْ):satelite:

        [SIZE=4][COLOR=navy]محمد فهمي[/COLOR][/SIZE]

        Comment


        • #5
          المشاركة الأصلية كتبت بواسطة Moh.Fahmy مشاهدة المشاركة
          الله يكرمك ماهر باشا و ده اقل واجب الواحد يقفدمه لاخوانه ..دي حاجة بسيطة جدا


          الله يبارك فيك يا بشمهندس بس انا لسه مستني الترخيص لما النادي يخلصه يو السبت ان شاء الله و حبقي ابلغكم
          يا باشا اللي بيحصل في اول معارضة انك مش بتقابل القاضي انما لو المعارضة مش مقنعة بالنسبة لك تعمل معارضة تانية و ساعتها حتدخل للقاضي
          بس اللي مستغربله ازاي ما اتخفضش ليك حاجة ..يمكن كانت قيمة المخالفات بسيطة و مش محتاجة تخفيض بس بصراحة اول مرة اسمع ان حد عمل معارضة و لم يتم التخفيض له ....طيب سؤال اخير هي نوعية المخالفات كان فيها عكس اتجاه لان اللي اعرفه ان عكس الاتجاه هي المخالفة الوحيدة اللي ما بيتخفضش فيها
          كانت 1700 جنية و95% منهم انتظار وتعطيل حركة المرور في وسط البلد يعني متوزعين علي مخالفات كتير

          في ناس معانا هنل علي فكرة برضو عملو تظلمات ومتخفضش حاجة

          يظهر العالم بتوع الدرراسة دول بخلا
          [RIGHT][B][I]Mohamed Samir[/I][/B]
          :sleeping:
          [CENTER]'
          [/CENTER]
          [/RIGHT]

          Comment


          • #6
            اصعب مشاوير تعملها في حياتك هي مشاوير المرور ..

            Comment


            • #7
              ربنا يستر كلها شهرين واجدد
              ادعولي ياجماعة

              Comment


              • #8
                المشاركة الأصلية كتبت بواسطة pro_samir مشاهدة المشاركة
                كانت 1700 جنية و95% منهم انتظار وتعطيل حركة المرور في وسط البلد يعني متوزعين علي مخالفات كتير

                في ناس معانا هنل علي فكرة برضو عملو تظلمات ومتخفضش حاجة

                يظهر العالم بتوع الدرراسة دول بخلا
                طيب خلاص ما تعمل تغيير محل اقامة و تبقي تابع لمرور محرم بك لان فعلا حاجة محبطة انك تدفع قيمة مخالفة لم ترتكبها .. طيب ما تحاول يا باشا ترفع قضية و اي محامي صغير ممكن يقوم بالليلة و حتعمل نتيجة كويسة في المرور لان انا فيه واحد صاحبي عمل كده و اثبت ان العربية المقصودة غير عربيته و شال كل المخالفات

                المشاركة الأصلية كتبت بواسطة د.محمود صلاح مشاهدة المشاركة
                اصعب مشاوير تعملها في حياتك هي مشاوير المرور ..
                بالظبط يا دكتور مشاوير مملة جدا و بتشوف فيها الصورة الحقيقية للبلد بكل اسف
                المشاركة الأصلية كتبت بواسطة ahmed31031 مشاهدة المشاركة
                ربنا يستر كلها شهرين واجدد
                ادعولي ياجماعة
                ربنا معاك و ان شاء الله تلاقي مافيش اي مخالفات متسجلة و تكون الاجراءات سهلة و يسيرة
                (وَلْيَعْفُوا وَلْيَصْفَحُوا أَلاَ تُحِبـُّونَ أَنْ يَغْفِرَ اللَّهُ لَكُمْ):satelite:

                [SIZE=4][COLOR=navy]محمد فهمي[/COLOR][/SIZE]

                Comment


                • #9
                  موضوع جميل جداااااااا
                  [CENTER][B]سامح البقري
                  المحامي[/B][/CENTER]

                  Comment


                  • #10
                    اولا جزاك الله كل خير على الموضوع المفيد جدا
                    انا عندى مخالفة اتجاه معاكس بس فى محافظة مش محافظتى ولة محافظة اهلى حتى !!
                    غير انى ملتزم بقواعد المرور يعني مدخلش اتجاه معاكس ابدا و انا متعمد
                    و كمان المخالفة طبعا مش متلبس و فى غير محافظتى!
                    و للعلم دى اول مرة اخذ مخالفات
                    فهل لو دخلت للقاضي يمكن يعمل لى تخفيض ولة حاجة؟
                    [CENTER][justify][SIZE=3][SIZE=3]حد يشاورنى عملت حادثة و الميكانيكي نصب على و مش عايز يخلص العربية من اكتر من 3شهور
                    [SIZE=3]http://www.nilemotors.net/Nile/236595-a.html[/SIZE][/SIZE] [/SIZE] [/justify][/CENTER]

                    Comment


                    • #11
                      ربنا يباركلك يا باشا

                      Comment


                      • #12
                        ربنا يكرمك، شرح واف وومتاز

                        دلوقتي انا كنت باجدد الرخصة بدون فحص، ولقيت مخالفات بـ955 جنيه، والمشكلة اني انا ملتزم بالقواعد المرورية والسرعات المقررة لأبعد حد، وعمري ما بخالف نهائيا، والمخالفات دي بالتأكيد فيها خطأ ما، طلبت تفصيل من مرور العجوزة اللي انا تابع ليه قالولي مفيش وروح اعمل معارضة في بين السريات، رحت لمرور بين السرايات وعملت معارضة ورحت بعدها بكام يوم قالولي اترفضت، فهل كده مفيش حل نهائيا؟؟؟؟، واللا ممكن يتعملها معارضة أخرى أو أي إجراء آخر، مع العلم ان السيارة باسم أخي ومسافر وانا معايا توكيل عام منه في جميع السيارات، والتوكيل كمان يتيح التعامل مع كافة أقلام ووحدات المرور في مصر، ولكن سؤالي هو هل أدفع وخلاص وأمري إلى الله مع اني متأكد انه معملتش مخالفات، وحتى لو حصل مش بالكم ده الغير طبيعي بالمرة، والحاجة التانية هو لو دفعت هل في إمكانية إني أعمل تظلم تاني بعدها، واللا يبقى خلاص، الف شكر، رجاء سرعة الرد والافادة إن أمكن، وجزيل الشكر لجميع أعضاء المنتدى المحترمين

                        Comment


                        • #13
                          المشاركة الأصلية كتبت بواسطة megoghanem مشاهدة المشاركة
                          ربنا يكرمك، شرح واف وومتاز

                          دلوقتي انا كنت باجدد الرخصة بدون فحص، ولقيت مخالفات بـ955 جنيه، والمشكلة اني انا ملتزم بالقواعد المرورية والسرعات المقررة لأبعد حد، وعمري ما بخالف نهائيا، والمخالفات دي بالتأكيد فيها خطأ ما، طلبت تفصيل من مرور العجوزة اللي انا تابع ليه قالولي مفيش وروح اعمل معارضة في بين السريات، رحت لمرور بين السرايات وعملت معارضة ورحت بعدها بكام يوم قالولي اترفضت، فهل كده مفيش حل نهائيا؟؟؟؟، واللا ممكن يتعملها معارضة أخرى أو أي إجراء آخر، مع العلم ان السيارة باسم أخي ومسافر وانا معايا توكيل عام منه في جميع السيارات، والتوكيل كمان يتيح التعامل مع كافة أقلام ووحدات المرور في مصر، ولكن سؤالي هو هل أدفع وخلاص وأمري إلى الله مع اني متأكد انه معملتش مخالفات، وحتى لو حصل مش بالكم ده الغير طبيعي بالمرة، والحاجة التانية هو لو دفعت هل في إمكانية إني أعمل تظلم تاني بعدها، واللا يبقى خلاص، الف شكر، رجاء سرعة الرد والافادة إن أمكن، وجزيل الشكر لجميع أعضاء المنتدى المحترمين
                          استاذنا الفاضل : انا حاسس بيك كتير لأن الاحساس بالظلم شيء فظيع جدا و الافظع انك تحس ان مافيش قدامك غير ان تستسلم لهذا الظلم
                          لكن نصيحتي لحضرتك ان ما تستلمش لهذا الظلم طالما انت واثق ان معظم المخالفات دي انت ما ارتكبتهاش و اذهب للمرور و علي صوتك و اطلب مقابلة القاضي او تفسير منهم بسبب الرفض ( يعني تترفض امال المعارضة معمولة ليه اصلا) و صدقني طالما انت علي حق و هما مفتريين حيكون صوتك انت الاعلي و لو فيه حد معرفة و لا حاجة يروح معاك يكون افضل و لو مافيش ممكن تلاقي هناك اي امين شرطة يساعدك بس بكل اسف لازم تراضيه
                          و ربنا يعينك عليهم ان شاء الله
                          (وَلْيَعْفُوا وَلْيَصْفَحُوا أَلاَ تُحِبـُّونَ أَنْ يَغْفِرَ اللَّهُ لَكُمْ):satelite:

                          [SIZE=4][COLOR=navy]محمد فهمي[/COLOR][/SIZE]

                          Comment


                          • #14
                            أنا عملت معارضة وما أغرفش ودوني لقلضي وحش وإلا إيه!!

                            وكمان مفيش حاجة إدوهالي بيميعاد الجلسة غير بالبق وده مش مضمون برضه
                            ممكن كمان حد يفهمني مرو محرم به بتتراح إزاي؟
                            [CENTER]نحـــن بحاجــة "للخلافـــات" أحيــــانا ، لمعــــرفة ما يخفيـــــه الأخــرون فــي قلوبـــهم ، قد تجــــد مـــــا يجعــلك فــي ذهــــول و حيــــرة ، وقـــــد تجـــد مـــا يجعلـــك تنــزع قبعتــك إحتـــــــرامـــا لــــــه
                            [/CENTER]

                            Comment

                            Working...
                            X