إعـــــــلان

Collapse

.

,
See more
See less

موضوعات منقولة عن التأمين على السيارات

Collapse
X
 
  • Filter
  • الوقت
  • Show
Clear All
new posts

  • موضوعات منقولة عن التأمين على السيارات

    قريت موضوع على التامين على السيارات حبيت انقله يمكن يفيد اخوانا واتمنى لو حد عنده تجربه فى موضوع التأمين يفيدنا بيه

    دى مقارنة لاغلب الشركات فى السوق المصرى
    عملتها فى اخر ابريل 2009 لما جيت أأمن
    الاول هاشرح بعض المفاهبم

    اهلاك قطع الغيار : نسبة تخصمها شركة التامين نظير استهلاك بعض قطع الغيار المعتاد فى حالة تغييرها فى الحادثة ، بمعنى ان بعد سنتين العربية عملت حادثة ومطلوب تغيير جزء ميكانيكى له عمر افتراضى فيها زى المساعدين او الدبرياج ، فشركة الامين مش هتدفع تمن واحد جديد بالكامل ، بل تخصم جزء من الثمن
    تكلفة الاخطار : تكلفة تدفعها للشركة عند ابلاغك لهم بالحادث
    تكرار المطالبة : يعنى حدوث اكتر من حادث فى السنة وبالتالى معناه انك بتحقق خسائر عالية ليهم وده ممكن يؤدى لزيادة القسط السنة الجديدة ، او رفض الشركة لتجديد الوثيقة
    عدم المطالبة : عدم وجود مطالبة خلال السنة للشركة
    نسبة التحمل : نسبة من قيمة الحادث يتم سدادها بمعرفة صاحب السيارة
    المسئولية المدنية : تعنى وجود تغطية ضد حدوث تلفيات بممتلكات اخرى او سيارات اخرى تسببت فيها
    معدل سعر الدمغة : من 6 الى 7 % من قيمة القسط وليس قيمة السيارة
    يعنى لو معدل القسط 3.5 %
    والدمغة 6 %
    ثمن السيارة 50000 جنيه
    القسط = 3.5 % x 50000 = 1750
    الدمغة = 6 % x 1750 = 105
    القسط شامل المصاريف = 1855 وهوة ما يجب سداده
    واهم حاجة انك تقرا الوثيقة قبل ما تمضى عليها لان ده حقك
    اليانز جابولى ورقة مكتوب فيها جدول المزايا وقالوا ان دى الوثيقة ، انا قلت له لا ، انا عايز الوثيقة كاملة ، ردوا وقالوا ان اما وثيقتى هتطبع هاقراها براحتى ( طبعا هكون سددت والدنيا بح ) قلت لهم : ده عقد بينى وبينكم ، ازاى امضى على عقد قبل ما اقراه
    ويا ريت كل واحد يعيد الاكد من الشروط دى تانى قبل ما يعمل التامين لانى لقيت فى نفس الشركة ناس بتقول شروط وناس تانية بتقول شروط تانية وساعات ناس بتحاول تكدب


    الدلتا للتأمين
    السعر : 3 % + الدمغات + تحمل 4 % من ثمن السيارة
    التغطية : حريق ، سطو
    تكلفة الاخطار : لا
    اهلاك قطع الغيار : حسب ما يحدده خبير المعاينة وغالبا بين 10 الى 20 % لكل سنة وقد تزيد
    نسبة تحمل عند تكرار المطالبة : لا
    الاصلاح فى التوكيل : ممكن بدون خصم
    الونش : حد اقصى لتكلفته 50 جنيه
    الحصول على خصم من قسط السنة التالية فى حالة عدم المطالبة : لا
    المسئولية المدنية : 10000 جنيه حد اقصى ممتلكات وعربيات اخرى
    نسبة الهلاك الكلى : 50 %
    مندوبة الشركة دى قالت ان الشيك بعد اسبوع او عشر ايام
    معاينة الحادث بعد 48 ساعة

    كونتاكت
    السعر : 3.75 % + الدمغات +
    التغطية : حريق ، سطو
    تكلفة الاخطار : لا
    اهلاك قطع الغيار : لا
    نسبة تحمل عند تكرار المطالبة : 15 % من ثانى مطالبة ، 25 % من ثالث مطالبة
    الاصلاح فى التوكيل : ممكن ، هما اللى بيحاسبوا
    الونش : نعم
    [CENTER][SIZE=5][COLOR=darkgreen]E. tamer abdallah[/COLOR][/SIZE][/CENTER]
    [CENTER][SIZE=4][COLOR=#006400]اللهم لك الحمد حتى ترضى [/COLOR][/SIZE][SIZE=4][COLOR=#006400]ولك الحمد إذا رضيت [/COLOR][/SIZE][/CENTER]
    [CENTER][SIZE=4][COLOR=#006400]ولك الحمد بعد الرضا [/COLOR][/SIZE][SIZE=4][COLOR=#006400]ولك الحمد على كل حال[/COLOR][/SIZE][/CENTER]
    [CENTER][SIZE=4][COLOR=#006400]الحمد لله[/COLOR][/SIZE][/CENTER]

  • #2
    ودا موضوع هام جدا يا ريت نقراه بتئنى عشان نستفيد منه كويس
    اخوانى الاعزاء
    ارجو قرائة هذا الموضوع بدقة لانه مهم للجميع
    لنا اخ فى المنتدى عنده مشكلة و عجز عن حلها
    و قد يكون هو السبب فيها بدون قصد
    لما نخلص الموضوع حنرجعله
    صلوا على النبى
    مثلا انا عندى سياره فيرنا 2008 و مأمن في شركة (س) للتأمين
    عملت حادث هو كالاتى و انا ماشى انفجر الاطار الامامى و كنت على
    طريق مصر الاسكندرية الزراعى ولما انفجر الاطار كنت غلى سرعة 90
    كيلو متر فى الساعة فانقلبت السياره و استقرت فى ارض زراعية
    و الحمد لله خرجت بالسلامة ماهو عمر الشقى بقى
    الله لا يقدر دا مثال طبعا
    اتصلت بالنجده و عملت محضر شرطة و اخذت السياره الى التوكيل على ونش
    و طلبت من التوكيل عمل مقايسه اصلاح و عملها وذهبت شركة التأمين و عملت
    اخطار حادث و ارفقت به المحضر ذى الشركة ما بتقول ماهو انا مش عايز اى
    حاجة الشركة تتلكك لى عليها
    و التلفيات اللى فى العربية هى السقف متطبق و الاطار الامامى الايسر و الزجاج
    و الابواب الاربعة و الاكصدام الامامى و الفانوسين الاماميين و الشنطة محتاجة تغير
    و ذكرت هذا فى بلاغ او اخطار الحادث اللى عملته فى الشركة
    ونزل المهندس من الشركة و عاين اعتمد بعض من المقايسة و انتى الاصلاح و دفعت
    20 الف للتوكيل و قدمت الفواتير لشركة التأمين و عند صرف الشيك وجدته بمبلغ 9 الف جنيه
    فقط
    طبعا قلت شركة حرامية و نصب و 00 و00 و00
    بصراحه هبلت و ماخلتش و كل باب ممكن ان اطرقة دخلته و لكن لا مجيب
    الموضوع انتى ولما اخذت الشيك و صرفته قلت
    عايز اعرف ليه كده انا عملت كل حاجة صح الشركة قالت عليها
    ليه كده؟

    دلوقت الموضوع خلص و انا دلوقت حناقش و افسر ليه تم صرف التعويض كده
    علشان الكل يفهم و يستفيد


    المحضر اللى اتعمل كان ممكن ينسف التعويض من الاساس
    لان شركة التأمين بتقول لو قائد السياره وقت الحادث مخالف لاى من
    قواعد المرور لا يستحق تعويض
    و الحادث كان على الطريق الزراعى و السرعه عليه اماكن 60 و اماكن 90
    كيلو متر فى الساعة
    و بعدين بلاغ الحادث اللى حصل فى الشركة و تم سرد التلفيات فيه
    لم يذكر فيه الشنطة و الابواب عشان كده المهندس لما نزل المعاينة
    استثنى الابواب و الشنطة لان العميل لم يذكرها فى بلاغ الحادث
    اللى كتبه العميل بخط يده وطبعا كان تمنهم حوالى 7 الف جنية
    و ساعه المراجعه للفواتير و جد ان هناك غيار زيت
    و تيل فرامل
    و زيت فتيس فى الفاتوره استثنوا من التعويض
    لانهم ليسو من نتاج الحادث
    و كمان المراجع فى شركة التأمين و جد ان الوثيقة فيها نسبه تحمل اختيارى
    4 فى الالف من مبلغ السياره من كل تعويض كان العميل وافق عليها ساعت
    الاصدار علشان يخصم 20 بالمائة من القسط

    وكل دا ادى الى النهايه اللى ذكرناها
    اخذ او اخذت مثلا مبلغ 9 الف مع انى صارف 20 و ماشى ذى الكتاب ما بيقول

    معلش طولت عليكم
    نخرج من القصه دى بايه؟
    قواعد ذهبية

    لازم بلاغ الحادث يكون فيه نقس التلفيات اللى موجوده فعلا و لا ننسى شىء ولا حتى مسمار
    لازم محضر الشرطه يكون غير متضمن اى مخالفة لقواعد المرور
    لازم اكون عارف ايه الفرق بين التحمل و عدم التحمل
    و الاهم من دا كله
    انا مخى مش دفتر و مش ممكن فى وسط كل مشاغل حيلتى و اللى فى دماغى اكون ملم بطل دا
    لازم فيه حل
    وسيط التأمين
    دا دور وسيط التأمين
    كل واحد مننا ذى ما هو محتاج محامى متخصص يتصل بيه لما يكون عتده اى مشكله
    و دكتور لما يحس باى وجع
    و صيدلى لما مايلاقيش نوع دواء
    و واسطة لما تتسحب رخصته علشان يجسيها له
    كل فرد محتاج مستشار تأمين
    لو كنت سألت من اول خطوه وكان معى مستشارى التأمينى على التلفون كان ممكن اصرف 20 الف جنيه تعويض
    حقى كامل تقريبا
    صح
    فعلا ادى العيش لخبازه
    بس ادور من اليوم على مستشار تامين و يكون رقم تلفونه موجود على موبايلى دائما
    و قبل لى شىء اكلمة

    ولو رجعنا لمشكله الاخ ابراهيم فى المنتدى اللى ذكرها
    وراجعنا كل خطوه لازم نلاقى خطا فيها
    و دا اللى انا بدات فيه و ان شاء الله خلال يوم او اثنين حاصل للحل فيها و انشرها
    للجميع

    فعلا الانسان ممكن يظلم نفسه لو ما اخدث باله كان ممكن التعويض يصرف كامل
    ونستفيد بال11 الف دول ما انا صرفتهم و لكن ماحدش بيتعلم ببلاش
    [CENTER][SIZE=5][COLOR=darkgreen]E. tamer abdallah[/COLOR][/SIZE][/CENTER]
    [CENTER][SIZE=4][COLOR=#006400]اللهم لك الحمد حتى ترضى [/COLOR][/SIZE][SIZE=4][COLOR=#006400]ولك الحمد إذا رضيت [/COLOR][/SIZE][/CENTER]
    [CENTER][SIZE=4][COLOR=#006400]ولك الحمد بعد الرضا [/COLOR][/SIZE][SIZE=4][COLOR=#006400]ولك الحمد على كل حال[/COLOR][/SIZE][/CENTER]
    [CENTER][SIZE=4][COLOR=#006400]الحمد لله[/COLOR][/SIZE][/CENTER]

    Comment


    • #3
      شكرا أستاذ تامر على مجهودك
      رجاء تعدل جمله "إن شاء الله" فى بياناتك الخاصه تحت نوع عربيتك
      [CENTER][FONT=Century Gothic][I]I am my problem[/I][/FONT][/CENTER]
      [CENTER][aldl]http://gickr.com/results4/anim_b94f28a8-06c8-72b4-9d4c-9e96384a88f2.gif[/aldl][/CENTER]
      [CENTER]Eng. M.Ali[/CENTER]

      Comment


      • #4
        المشاركة الأصلية كتبت بواسطة normal مشاهدة المشاركة
        شكرا أستاذ تامر على مجهودك
        رجاء تعدل جمله "إن شاء الله" فى بياناتك الخاصه تحت نوع عربيتك
        شكرا على الرد انت الوحيد ال شكرتنا
        وشكرا على طلب التعديل
        [CENTER][SIZE=5][COLOR=darkgreen]E. tamer abdallah[/COLOR][/SIZE][/CENTER]
        [CENTER][SIZE=4][COLOR=#006400]اللهم لك الحمد حتى ترضى [/COLOR][/SIZE][SIZE=4][COLOR=#006400]ولك الحمد إذا رضيت [/COLOR][/SIZE][/CENTER]
        [CENTER][SIZE=4][COLOR=#006400]ولك الحمد بعد الرضا [/COLOR][/SIZE][SIZE=4][COLOR=#006400]ولك الحمد على كل حال[/COLOR][/SIZE][/CENTER]
        [CENTER][SIZE=4][COLOR=#006400]الحمد لله[/COLOR][/SIZE][/CENTER]

        Comment


        • #5
          شكرا علي موضوعك فعلا مفيد

          Comment


          • #6
            شكراً مهندس تامر على الموضوع ...

            Comment


            • #7
              موضوع اكثر من رائع فعلا ...
              وياريت كل الاعضاء الكرام اللي عندهم تجارب مع شركات التأمين يقولوها هنا عشان نستفيد منها
              انا شخصيا لسه مشتري عربية ومأمن مع شركة مصر للتأمين..
              العربية سيراتو مانيوال وتمنها 96 الف جنيه
              انا دفعت بوليصة تأمين بمبلغ 3563.5 جنيه
              حسب مافهمت ان هي 3.5% من تمن العربية + بعض المصاربف الادارية
              لما استلم البوليصة هاجيبلكم تفاصيل اكتر ان شاء الله

              Comment


              • #8
                شكرا يا تامر واهلا بيك فى المنتدى
                بس عادة فى المنتدى بنقول المصدر اللى خدنا منه المعلومات وعلى فكرة الموضوع اللى فى المشاركة الاولى انا اللى كنت عامله
                ولو حد عايز يسال على حاجة فى التأمين انا تحت امره
                A.Saad

                Comment

                Working...
                X