نقل الملكيه

[piezo]

السلام عليكم ياشباب
ازيكم جميعا و ايه اخباركم يارب تكونوا جميعا كويسسين
المهم
انا عايز انقل ملكيه العربيه من مرور بين السريات لي مرور السلام وانا كنت ماشي بتوكيل فا المفروض انقل ملكيه واجدد في السلام
المشكله ان الرخصه انتهت بتاعة العربيه
عايز اعرف ايه الي المفروض اعمله لاني سئلت كذا حد بس شاكك
الناس قلتلي مادام الرخصه انتهت لازم تجيب شهادة بيانات وتطلع علي الشهر العقاري الي في مرور بين السريات ومعاك صاحب العربيه وتكون شهادة المخلفات كمان معانا وتخلص علي كده وتاخد العقد و شهاده البيانات وشهاده المخلفات و دور صاحب العربيه كده خلص
اخد بقي العربيه واطلع مرور السلام بعد كده هنا بقي انا وقفت و هنجت وحامل هم مرور السلام الجميل
فياريت تفيدوني هل الكلام الي فات ده صح وياتري هاعمل ايه في مرور السلام المفروض اني هافحص و ادفع الضريبه و التامين الاجباري وخلاص علي كده
وليكم جزيل الشكر

[tamertamer]

لازم تسجل العربية اولا
والباقى اجرائات فى المرور

[ابو فرح]

حضرتك هتروح المرور بتاع العربيه وتطلع بالتوكيل شهاده بيانات ومخالفات
بعد كده هتروح الشهر العقارى وتسجل باسمك من عير مايكون صاحب العربيه معاك مالوش لزمه
بعدين هتروح مرور السلام وتشترى ورق فحص ونقل ملكيه وتجدد عادى

[piezo]

ياسلام ربنا يكرمك يارب والف الف شكر ليكم جميعا

[adel1212]

حضرتك هتروح المرور بتاع العربيه وتطلع بالتوكيل شهاده بيانات ومخالفات
بعد كده هتروح الشهر العقارى وتسجل باسمك من عير مايكون صاحب العربيه معاك مالوش لزمه
بعدين هتروح مرور السلام وتشترى ورق فحص ونقل ملكيه وتجدد عادى

كلام سليم وجميل
+11111111111

[mahmoud19]

شهاده بيانات للشهر العقارى وشهاده بيانات موجهه الى المرور الى انت هتنقل ليه يعنى شهادتين مش واحده وربنا معاك

[piezo]

شهاده بيانات للشهر العقارى وشهاده بيانات موجهه الى المرور الى انت هتنقل ليه يعنى شهادتين مش واحده وربنا معاك

ربنا يخليك علي المعلومه ديه علشان مادوخش كتير
والف الف شكر ليك

[mahmoud19]

ربنا يخليك علي المعلومه ديه علشان مادوخش كتير
والف الف شكر ليك

العفو و تحت أمرك فى أى حاجه

[piezo]

السلام عليكم ياشباب
انا النهارده الحمد الله نقلت ملكية العربيه الحمد الله في الشهر العقاري الي في مرور بين السريات والي تم كالاتي
روحت انا وصحبيت العربيه دفعنا المخلفات و الحمد الله كانت 10 جنيه
وبعد كده روحنا علشان نجيب شهادة البيانات وسعتها افتكرت محمود19 ربنا يكرمه وطلعت شهادتين بس دفعتني الضريبه بتاعة السنه مش عارف ليه 239 جنيه
وبعد ما الشهادتين طلعوا روحنا الشهر العقاري الي في المرور وعملنا عقد البيع و دفعت مصاريف نقل الملكيه بتاعة العربيه 590 جنيه ورجعنا تاني للشهر العقاري وخلاصه وختمناه وبكده مبروك علي العربيه الحمد الله
ايه الي جي بقي مش عارف
المفروض هاروح المرور الجميل بتاع السلام هاعمل ايه هل هادفع الضريبه تاني وللعلم شهادة البيانات موضح فيها ان الضريبه مدفوعه لسنة 2011
مش عارف هاعمل ايه تاني المفروض الملف بتاع العربيه هايخد وقت قد ايه علشان يوصل مرور السلام ولا انا ماليش دعوه بالقصه ديه
انا هاجدد وخلاص لغية الملف يوصل مش عارف ؟

[mahmoud19]

لا خلاص كده انت دفعت الضريبه تمام بس انت لو مركب نمر جديده هتسلمهالهم وهتاخد نمر جديده وهتدفع تمنها هتقولى ليه هقولك علشان احنا فى مصر

[piezo]

مش عارف اقولك ايه ياحوده بجد ربنا يخليك ليا يارب
انا مش مركب النمر الجديده انا الي عندي النمر القديمه وياتري تمنهم كام الي منهم لله دول

[mahmoud19]

ياباشا متقولش حاجه وتمام اوى ان انت لسه مركبتش نمر جديده وهيخدو منك حوالى 115 حاجه كده مش فاكر اوى بس اكتر من 100جنيه وربنا معاك

[piezo]

اخيرا ياشباب طلع كتاكيت كتاكيتي هاحكيلكوا ايه الي حصل فيها امبارح في المرور الجميل مرور السلام
انا قلت اروح المرور من بدري علشان الحق اخلاص لان كان وراي مشاوير تانيه بعد الظهر قمت من النوم الساعه 5.30 فطرت وزبطت حالي و هدوم البهدله وقومت نازل غاسل العربيه علشان مش عايز هسس من حد المهم خلصت الغسيل وقمت لابس طقم البهدله وطلعت علي المرور وديه بداية المشوار الموررررررررررررررررررررر
وصلت الساعه 7.30 دخلت ساحة الفحص وقفت وجيبت ورق الفحص و كان بي 23.50 جنيه
وخدت راجل من الي بيرفعوا البصمه و اديته ال5 جنيه الئيمه وهو بياخ البصمه بتاعة الماتور شاف الزجاج عندي مشروخ قلي خلي العربيه بوشها للحيطه علشان المهندس مايخدش باله قلة تمام انا مش ناقص جيه المهندس وبص و ماخدش باله الحمد الله
بص علي بصمة الماتور قلي مش واضحه قلت اجري اجيب الراجل تاني ياخد واحده تانيه الرجل قلي ليه ماهي واضحه اهي وراح للمهندس معايا وقاله لا يستني لما يجي مهندس مطابقة الباصمه قلت بس ان اتحط علي المهم روحت اختم ورقة الطفايه الراجلي قلي لا ديه مش بتاعتك قلت يادي النيله المهم جالي واحد كده بيكنس قالي ياتيشتري واحده جديده يا تبدله قلتله ازي قالي تعالي لقيته راحت حته كده ودفس الطفايه بتاعتي وادني واحده تانيه معاليهاش اي ختم وخد 70 جنيه خدها وروحت ختمتها و ختمة الورقه المهم جيه مهندس مطابقة الباصمه وقلي انا مش هاخليك تروح مرو الجيزه تاني و همشاهلك انا اول ماقلي كيده قلبي رقص من الفرحه وقمت مديله ال 20 جنيه الئيمه وقالي لازم تجيب المثلث وشنطة الاسعافات علشان اختمك ورق الفحص قالت يادي النيله تاني رحت جبتهم بي 71.50 جنيه ورحتله شفهم و ختملي الورق وخدت العربيه و طرت بره علشان انفد بلحمي ونا طالع بره لقيت شبابيك جباية التامين الاجباري الي مش عارف ايه لزمته لغيت دلوقتي ركنت العربيه ورجعت شتريت ورقة التامين الاجباري بي 80 جنيه وقمت فاك الواح الي عندي علشان اسلمها وخد الجديده وطبعا بره المرور كله بيجري عليك علشان يفكهالك وياخد الي فيه الناصيب بس انا فكتها لوحدي ودخلت الملحمه
طبعاوقفت اسئل فين شباك نقل الملكيه مافيش حد عارف اي ابن كلب هناك بسئل عسكري قلي معرفش لولا واحد ابن حلال سمعني و دلني علي الشباك روحت وقفت في الطابور لقيت الناس الي تجي عند الشباك بتمشي بسرعه قلت الحمد الله تمام
بس للاسف طلع غير كده الهانم الي قعده كل الي يجلها تقوله اعمل استعلام عن البطاقهعلشان لو عليك قضيه ولا احكام معرفش برده ايه لزمته غير الخنق علي الناس وخلاص طلعت النيابه و عملت استعلام والحمد الله كنت مصور البطاقه ادتهاله وقعدت بتاع نص ساعه عقبال ماجتلي خدها و قمت جاري علي الطابور وانا واقف لقيت الناس كلها جيبه الملف الورق الكبير ده قمت سايب الطابور و عرفت الي قدامي اني وراه جبته وجيت بسرعه وهو كان بي 1 جنيه وفضلت واقف مالا يقل عن ساعه تعبت ورحت قاعد ورجعت تاني
وشويه كده النور قطع في المرور كله قلتي هيه هيه هيه قعد بتاع 10 دقائق ورجع تاني و الظريف بقي ان الواحد كان بيوقف بتاع نص ساعه عند الشباك ليه مش عارف المهم وقفت اجاهد نفسي لاني كنت زهقت و كنت هامشي فعلا قلت اقف عند الشباك و اشوف ايه الي بيجري وورق ايه الي بتحتاجه واحطه في الملف الورق وقفة وشوفت هي بتحتاج ايه وفعلا الحمد الله حطيت كل حاجه وبرده فين و فين عقبال ماجيه دوري ووقفت وكان لي هنا وقفه كل شويه حد يجي من جنب الطابور ويديها ورق ومش راضيه تاخد الملف بتاعي المهم خادته وانا كنت بزغرط من جوايا بصة في الورق كله تمام الحمد الله قالتي هتزود علي الضريبه الي مادفوعه لغيت 2011 قلتلها لا وفي بالي هو ناقص طابور الخزنه لا والف لا لقيتها عملتي وصل بي 155 جنيه مش عارف باين علشان الوح الجديده خدت الوصل و اديتني ورقه بتاعت اذن صرف لوحات وقلتلي صورها 6 نسخ قلت ان شاله 1000 نسخه بس امشي دفعت وصورة الورقه ورجعتلها بس مش في الطابور من جنب الطابور هو انا ناقص قامت كاتبت اذن تسليم لوحات وقالتلي امضي عند الشباك الي جنبي وسلم النمر القديمه روحت سلمته النمر القديمه و مضيت ورجعتلها تاني خدت الورق مني وقلتلي استني تحت التانده وهما هينادوا عليك هلشان تاخد الرخصه و اللوح قلتها كده مافيش حاجه تاني قلتلي لا خلاص انا قلت الحمد الله ربنا تاب علي من الجري هنا و هناك وفضلت قاعد لغيت الساعه 4 الا 5 دقائق لقيت المنادي بتعهم بينادي باسمي انا كان هيغمي علي ساعتها اول ماسمعت اسمي جريت ومن لهفتي رايح اجري كنت هاتقلب علي ظهري في زجاجة مايه بلاستيك و مقفوله بس لحقت نفسي الحمد الله خدتها وفرحت مراتي بالتلفون خدتها كانت هاتزغرط في التلفون المهم خدت الرخصه و روحت شباك تسليم الوح وخدت الوحه وحضنتها بقلبي وجريت ولقيت ناس بره طبعا تقولك هاتركب يابيه كنت بقولهم لا هو انا اتعب فيها وانت تركبها بس طبعا علشان كان ورايا كذا مشوار بعد الحرب الاهليه ديه وفقت وخليت حد منهم يركبها و خد 10 جنيه ...................
كده حكايتي خلصت من الساعه 7.30 الصبح لغيت الساعه 4 العصر
ونبي ده مش حرام اقف في مرور وسخ زي ده كل ده 8 ساعات ونص هاشان انقل ملكيه واجدد انا كان نفسي المرور يولع وانا واقف فيه علشان اقول لنفسي وانا وبولع احسن و تستاهل حد يعمل في نفسه كده مرور السلام حسبي الله و نعم الوكيل في الناس الي هناك ده كلها من اصغر واحد لي اكبر واحد هناك 8 ساعات و نص بنقل ملكيه و اجدد
اناكتبتلكم الملحمه ديه من الساعه 1 و مخلصها الساعه 2 وكان نفس تاخد الوقت ده في المرور ساعه واحده بس للاسف لازم دورت الورق الملعونه ديه الله يحرق الورق و سنينه امال ايه لازمت الكمبيوتر انا مش عارف
كفايه كده عليكم علشان عندي شغل بكره ولازم انام بس خايف اروح الشركه الاقي في طاوابير جوه الشركه
ياله تصبحوا علي خير

[shaaban2008]

علشان تخلص كل ده في يوم واحد وكمان في مرور السلام الجميييييييل أوي أوي وتقولي طلع كتاكيت كتاكيتك
ومعرفش ايه ياراااااااااجل طب قول الحمد لله ده انت كده سوبر مان
امال تقول ايه لما تعرف اني اخذت اكتر من شهرين في مرور السلام الجمييييييييل أوي ده علي مطلعوا الملف بتاع العربيه من الارشيف

[piezo]

اكتر من شهرين ليه ولاد الجذمه دول
وبعدين ده طبيعي من الاهمال الهباب الي هما فيه ورمي الملفات بتاعة الناس و مفيش نظام ولا ترتيب الملفات ديه لو في نظام من الاول كان الدنيا اتغيرت حالها