مشكلة فى الرخصة

[M.Alaa92]

ازيكم يا جماعة انا انهاردة روحت المرور عشان اطلع الرخصة المهم دخلت الكمبيوتر و غلطت فى سوال واحد المهم جه وقت اختبارر السواقة الست اللى امتحنت قدامى حطت العربية غلط المهم المهندس قالى ارجع بس المهم بدات ارجع و عديت اول قرطاس بس ماخدتش بالى من بوز العربية فطااااااااااااااااااااخ فالى انزل وتعالى بعد اسبوعين انا مش حستحمل اسبوعين بصرراااااحة فيارريت حد يلاقى صرفة للمصيبة دي اللى يضحك والدى كان معايا و قاللى " هااااااااااااا هاااااااااااااااا هااااااااااا" بقالك 8 سنين بتسوق و مقضيها تزويغ بالعربية و انا عامل نفسى مش واخد بالى و توقعلى قرطاسس فياريت لو حد يعرف سكة او حد يعديلى الموضوع ده فى مرور طوسون please

[kono]

انت بتطلب واسطة :o
ولا تكون عاوز تدفع رشوة :o
يا باشا احنا فى بلد محترم استنى الاسبوعين يعدوا وخش تانى بمجودك :)))))))))))))

لو بقالك 100 سنة بتسوق العربيات اللى فى المرور دى مش عربيات اصلا
كان الله فى العون

[Mostafa.Mahran]

روح بعد اسبوع وشوف الملف بتاعك و امتحن تانى ولا فى اى مشكلة

[Dr.Karim Emam]

استحمل يا وحش
يعني بقالك 8 سنين بتنزل بالعربيه من غير رخصة بجملة بقى الأسبوعين دول

[M.Alaa92]

و الله مش فارقة معايا حوار الرخصة من اصلة انا مطلعها عشان السفر انما عليا بروح كل حتة منغير رخصة بس الفكرة ان الست اللى قدامى فى الامتحان امتحنت مرتين و انا اما جيت اكلمة قالى ما ينفعش جو ده اللى غايظنى مش اكتر انا داخل الحوار ده مع الظابط عند بس بينى و بين نفى اصلو كمان عمال يتنطط عل الناس و يشخط و ينتر ولا كانه ابن رئيس الوزرا

[Eng.Geo]

لو خلاص يعني ولازم
يبقي تنزل بكرة الصبح بدري علي 8:30 وتنقيلك عسكري من اللي هناك اللي بيبقوا حوالين الظابط
وتقوله علي اللي حصل بالظبط
وتقوله هبقي أشوفك
هيخلصهالك علي طول في نفس اليوم
وتكون مديله 200 جند
بس
ولو ان تستني أسبوعين وخلاص