مين اللي قال الزينون ممنوع ؟

[Atrees]

صباحكم فل يا رجالة


ممكن اسال سؤال

من اللي قال الزينون ممنوع او ايه المادة في القانون اللي بتمنعه ؟؟؟

مهو في عربيات بتنزل زينون ومش محتاجة تثبت في الرخصة ؟؟؟؟

يبقي ايه الي منعو ؟؟؟؟

[Mshawky]

صباحكم فل يا رجالة


ممكن اسال سؤال

من اللي قال الزينون ممنوع او ايه المادة في القانون اللي بتمنعه ؟؟؟

مهو في عربيات بتنزل زينون ومش محتاجة تثبت في الرخصة ؟؟؟؟

يبقي ايه الي منعو ؟؟؟؟

لا اظن انها ترويشه من اللجان علشان اضواء مبهره لكن مش قانون ده تحمين مش اكتر وممكن حد تانى يفيدنا لو عنده معلومات مروريه

[Atrees]

مهو فعلا كدة زي ما بتقول - الاضواء المبهرة المقصود بيها النور العالي داخل المدة - مش الزينون بالخصوص - ثانيا لو انا معنديش حاجة مخالفة ومركب زينون ملوش حاجة عاندي

[MMamdouh]

محدش قال ان الزينون ممنوع... اللى ممنوع هو الاضواء المبهرة

MMamdouh

[Nistelrooy]

محدش قال ان الزينون ممنوع... اللى ممنوع هو الاضواء المبهرة

MMamdouh

والزينون اضواء مبهرة بالنسبة للمرور عندنا

[Ghamrawy]

و زينون من غير عدسة او بروجيكتور يعتبر من الاضواء المبهرة

[tamertamer]

يا جماعة الممنوع هو استخدامة داخل المدن لكن على الطرق السريعة غير مخالف

[shaddadfalcon1]

بصراحه انا لما ببقي مقابل حد او في حد ماشي ورايا سواء داخل المدن او علي طريق سريع وبلاقيه مشغل الزينون ببقي لا شايف ورايا ولا قدامي وابقي نفسي حاجه تيجي في الفوانيس تدشدها عشان ببقي بجد معمي وخصوصا اللي بيبقي كل شويه عمال يرعش تحس ان في برق شغال في عينيك

[max_ziro]

بصراحه انا لما ببقي مقابل حد او في حد ماشي ورايا سواء داخل المدن او علي طريق سريع وبلاقيه مشغل الزينون ببقي لا شايف ورايا ولا قدامي وابقي نفسي حاجه تيجي في الفوانيس تدشدها عشان ببقي بجد معمي وخصوصا اللي بيبقي كل شويه عمال يرعش تحس ان في برق شغال في عينيك

حاجة مؤزية جدا

و بجد يا ملاك السيراتو
الزينون فى شبورة السيراتو مؤزى بشكل بشع و خصوصا لما تكون فى الناحية المقابلة ..

[alzwawy]

يا جماعه الزينون مش ممنوع هو مجرد احترام لللجنه تطفي النور مش اكتر لو ممنوع مكانتش العربيات نزلت بيه زي الباسات و الجيتا و المازدا و ال بي ام و المرسيدس و لا دول فوق القانون مثلا

[mahmoud_afifi]

يا جماعه الزينون مش ممنوع هو مجرد احترام لللجنه تطفي النور مش اكتر لو ممنوع مكانتش العربيات نزلت بيه زي الباسات و الجيتا و المازدا و ال بي ام و المرسيدس و لا دول فوق القانون مثلا

[M.Osman]

فرق كبير
بين زينون متركب كدا و خلاص
و زينون متركب صح بعدسات و غير مبهر

بشوف عربيات كتير فيها زينون مشاية ورايا و في نفس الوقت الزينون بتاعها مريــــــــــــــح جداً للعين (مرة كان بورش كايين ماشي ورايا على طريق المحلة و منور الزينون ... و لك ان تتخيل مع إرتفاع الكايين عن الأرض و إرتفاع فاونيسها النور كان فين في مرايتي .. بس في نفس الوقت كان مريح جداً و مشتكتش منه)

[shaddadfalcon1]

فرق كبير
بين زينون متركب كدا و خلاص
و زينون متركب صح بعدسات و غير مبهر

بشوف عربيات كتير فيها زينون مشاية ورايا و في نفس الوقت الزينون بتاعها مريــــــــــــــح جداً للعين (مرة كان بورش كايين ماشي ورايا على طريق المحلة و منور الزينون ... و لك ان تتخيل مع إرتفاع الكايين عن الأرض و إرتفاع فاونيسها النور كان فين في مرايتي .. بس في نفس الوقت كان مريح جداً و مشتكتش منه)

بالظبط كده - اللي بينزل في جاهز في العربيات غير البرق والرعد اللي بيبقي راكب بهبل

[sonyericsson]

المخالفات في مصر بالمزاج وتحيا المملكه المصريه

[ashouhdy]

مش كل الزينون الفابريقة بينزل بعدسة ... عندك الكورولا مثلا مش بعدسة هى غتاتة من المرور و خلاص