حقهم وحقنا

[abokoko]

حق تحصيل المخالفات المروريه واجب ويتم سداده بطريقه سياديه

طاب وحقنا احنا فى السير على طرق محترمه وغير مؤذيه .. فين ..؟؟؟؟
==================

لظروف خاصه نزلت الى البلد ( سوهاج ) وعدت بسلام والحمد لله وحده

وكان ما يلى ( على الطريق قبل سوهاج بحوالى 30 كيلو جنوبا )
1 = مرتان فرامل شديده جدا ادت الى احتكاك شديد وصوت مسموع جدا
- بما يعنى تآكل الكاوتش وتيل الفرامل -
وذلك نتيجه مطب بلدى محترم مفاجئ وطبعا مفيش اى اشارات او علامات
لانه زى ما قلت مطب بلدى طب ازاى الطرق /مجلس المدينه/ المرور
ازاى يسكتوا عليه
على فكره سواقين الخط حافظين المطبات وبيهدوا قبليها بمسافه كافيه
لكن انا كنت مسافر متاخر ومكانشي فى عربيه سرفيس الزق فيها
علشان اعرف مكان المطبات

2 = الاغرب هى نقاط المرور والطريقه العجيبه والمؤذيه جدا بعمل مطبات
تخلى احسن عربيه وحتى الجديد منها لازم يحك من تحت ويمكن اغربها
عند نقطة المرور الغربيه / جنوب سوهاج

3= المطبات قبل وبعد سوهاج ( شمالا وجنوبا )

اخيرا سؤال
أليس الانتهاء السريع لعمر السيارات خساره اقتصاديه للبلد // فضلا عن الخساره الاقتصاديه لاصحابها
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[mostafabakry]

احنا ملناش حقوق يا اخي في البلد دي

مش كفاية راكب عربية

ما تقولش غير حسبي الله و نعم الوكيل

[د.محمود صلاح]

لازم تسترشد بعربية من اهل المنطقة للأسف

[pro_samir]

اوقات كتير كنت بفكر زيك كده والنتيجه إن جالي الضغط وبطلت افكر في الأحلام دي

كل ما بلاقي حاجه اكبر دماغي واقول حسبي الله ونعم الوكيل

[Mostafa.Mahran]

احنا ملناش اى حاجة عند اى حد
-بندفع فلوس للكهرباء و مع ذلك بتتقطع
-بندفع فلوس للمياه و مع ذلك ملوثة
-بندفع تراخيص للعربيات و مع ذلك الشوارع زى الزفت
-بندفع فلوس للاكل و مع ذلك ملوش طعم و غير صحى
-بندفع رسوم نظافة و مع ذلك الشوارع غير نظيفة