تـــأمين اضطراري !!!

[hulk]

كنت مأمن تبع الجمعية المصرية التعاونية اال فى العباسية دلوقتى معاد التجديد جة وبتصل بلجمعية محدش بيرد ؟؟ اتصلت بنمرة واحد كان هناك قالى انهم قفلو !!! تااااااااااااانى طب ازاى وهما كانو لسة فاتحين من شوية ؟؟؟ الكلام دة صحيح للى يعرف عنهم حاجة ولا هية اشتغالة من الاخ الى كلمتة دة ؟؟؟

وادانى عرض انى اأمن تبع شركة وثاق بــ 1560 ج
هل العرض دة كويس ؟؟ بلمناسبة المبلغ الى هأمن علية هو 56 الف
تقريبا كدة بنسبة 2.8
ونسبة تحميل 4 فى الالف
اكمل معاة ولا فية شركة تانية محترمة ورخيصة بردو
لانة قالى تعالى المهندسين الساعة 10 الصبح اعمل معاينة وتدينى الفلوس وتاخد الوثيقة وتطلع على البنك !
برجااااء النصيحة لوجة الله

[A.Saad]

الجمعية اتقفلت من الرقابة على التامين

ممكن تروح اى شركة انت عايزها
وثاق تامينها اسلامى بس بخاف علشان نسبنهم منخفضة شوية
ممكن تشوف مصر للتأمين او اليانز بس قسطهم اغلى

[hulk]

الجمعية اتقفلت من الرقابة على التامين

ممكن تروح اى شركة انت عايزها
وثاق تامينها اسلامى بس بخاف علشان نسبنهم منخفضة شوية
ممكن تشوف مصر للتأمين او اليانز بس قسطهم اغلى

بـــــــــجــد ربنا يكرمك .. (( شكرااا على اهتمامك والرد عليا ))
انت الوحيد الى رديت عليك :)
الفكرة عندى انى مش بفكر فى التامين نفسة كلة بستر الله !!
انا بس الفكرة كلها بتدور انى عاوز ااااى وثيقة والسلام علشان اديها للبنك علشان يديلى جواب لترخيص العربية ؟؟
بس كدة ف ان شاء الله مش محتاج او هحتاج للتأمين دة مجرد رسوم ادارية
ف لو فكرت كدة هنلاقة ان وثاق غاالبا بتحاول تاخد دور الجمعية فى النسب المنخفضة
الغريبة بقى انى السنة الى فاتت دفعت 1730 للجمعية وكانت لسة فيها مشاكل بردو فى السداد :) بس اييية اخدو منى الفلوس هواااااااا :))
يلا ربنا يعوض علينا والحمد لله
متشكر مرة تانية للى فكر او حاول يرد عليا

[A.Saad]

ما دمت عايز سعر منخفض يبقى خليك معاهم او مع قناة لسويس
ولاداعى للشكر

[جمال]

الجمعية فلست , وبعض البنوك من فترة لاتقبل وثائق تأمين الجمعية
وثاق هى الحل المناسب لحضرتك واغلب موظفى الجمعية انتقلوا الى وثاق
يعنى هى خليفة الجمعية , ربنا يستر ولاتكون نهايتها مثلها , اصل انا مأمن فيها بعد الجمعية لانى كنت فى نفس موقف حضرتك بالضبط

[ahmad82]

السلام عليكم
حاليا انا اقوم بعقد مقارنه بين عدد من شركات التأمين التكافلى لتأمين سيارتى الجديده
سأنتهى منها يوم الأثنين القادم بإذن الله (٣٠-٨-٢٠١٠)
بمجرد الإنتهاء منها سوف اقوم بوضع موضوع كامل عن شروط كل شركه و إنطباعاتى الخاصه عنها ان شاء الله

على فكره عرض وثاق كان 2.8 بدون تحمل 0.004 وبتحمل 10% فى حالة الإصلاح فى التوكيل فقط

[ahmad82]

بالمناسبه الشركات التى فى المقارنه حتى الأن هى
- وثاق للتأمين التكافلي
- بيت التأمين المصرى السعودى
- نايل تكافل
- المصريه للتأمين التكافلي
- المشرق العربي للتأمين التكافلي

[moudyman]

أحب أضيف حاجة اني أمنت مع - المشرق العربي للتأمين التكافلي لكن البنك رفض البوليصة عشان البنك مش بيتعامل مع الشركة دي للعلم د بنك سيتي بنك

[hulk]

السلام عليكم
حاليا انا اقوم بعقد مقارنه بين عدد من شركات التأمين التكافلى لتأمين سيارتى الجديده
سأنتهى منها يوم الأثنين القادم بإذن الله (30-8-2010)
بمجرد الإنتهاء منها سوف اقوم بوضع موضوع كامل عن شروط كل شركه و إنطباعاتى الخاصه عنها ان شاء الله

على فكره عرض وثاق كان 2.8 بدون تحمل 0.004 وبتحمل 10% فى حالة الإصلاح فى التوكيل فقط

انا خلاص امنت مع وثاق
تقريبا 2.6
بس اتعذبت علشان اروح للشركة نفسها فى المهندسين
بس الى حد ماا فعلا هية معقولة كنسبة كويسة واعتقد انها اخدت صورة البديل للجمعية فى الاسعار
بلنسبة للبنك معتقدش ان فية بنك بيرفض شكرات للتأمين بعينها !!!
مش عارف بصراحة بس كنت سألتهم الاول :(

[ahmad82]

المقارنه كامله :

http://www.nilemotors.net/Nile/177433-a.html#post3872998877

[ahmad82]

أحب أضيف حاجة اني أمنت مع - المشرق العربي للتأمين التكافلي لكن البنك رفض البوليصة عشان البنك مش بيتعامل مع الشركة دي للعلم د بنك سيتي بنك

طيب ممكن شروط تعاقدك معاهم .. و لو ممكن تبعتلى مراكزهم المعتمده فى القاهره و اسكندريه لأنى لم احصل على القائمه كامله