يعني ايه؟

[hugan]

انا والدي كان ضابط طيار من ايام زمان من اللي حاربوا في اليمن و 67 و 73 و ضيعوا عمرهم في الجيش

و ماعتقدش ان اللي قاعدين في كتايب في الصحراء يتقال عليهم موظفين

كفاية انهم مش قاعدين على مكاتب في جهه حكومية جوة القاهرة

و مرميين في خيمة او ملجأ (قوشلاق) في الجبل

انا قلت في بدايه الكلام انهم فعلا كانو محاربين
لكن هذا الجيل انتهي
انا والدي حارب في 67 ورجع من العريش علي قدميه
لكن الان الوضع فعلا مختلف منتهي الرفاهيه والراحه
حتي القوات المنتشره في صحراء مصر
فعلا يعيشو في رفاهيه للضباط فقط
انا كنت في مجند ضابط احتياط في سلاح الحدود في سانت كاترين عام 95
ورائيت بنفسي مفيش
ايوه مفيش الحياه بالنسبه لهم اخر رحرحه
ااسئل اي ضابط الان فعلا مو ظفين
والدوله علي الاخص موجهه كل الامتيازات للمؤ سسه العسكريه طبعا اكيد عارف ليه
لضمان الولاء ليس اكثر
انما فعلا الجيل اللي ضحي بدمه وحارب علشان الارض خلاص
معلومه صغير ه
عبد العاطي صائد الدبابات الشهير اكيد عارفه
مات بدون ان يجد علاجه عارف ليه
علشان كان عسكري
تقبل تحياتي

[Adham]

كلامك فية جزء كبير من الحقيقة فعلأ

واضح ان كل اللي حاربوا في 67 رجعوا من العريش ماشيين حافيين

والدي كان بيخدم في مطار العريش سنة 65 و 66 برضة




و يقال ان عبد العاطي كان يعاني ماليا و مش بس مش لاقي علاج و انما بيجد قوت يومة بصعوبة

الراجل اللي اصطاد 28 دبابة اسرائيلي بصواريخ مواجهه بالسلك و كان مجننهم اسبوع مش لاقي يتعالج و لا ياكل

الله يرحم ابو غزالة

اللي ما حضرش ايامة محضرش جيش

[SunSet]

ما الاطباء ليهم نقابة و دة بيديهم برضة مميزات تانية

علاج و مصيف و سكن و حج و عمرة و كذلك المهندسين و غيرهم

ده على أساس إنهم بيوزعوا الحاجات دي مجانا علينا

أنا كل سنة بأدفع إشتراك النقابة ومش بأستفيد أي شئ اللهم إالا القليل من المؤتمرات والندوات اللي بندفع فيها برضه واللي بدأت تظهر مؤخرا


لكن كل حاجة تانية أسعارها بتبقى زي بره الا لم يكن اكثر


يمكن حضرتك بتتكلم عن حاجة تانية غير اللي انا اعرفها


واحب اضيف كمان


انا والدي الله يرحمه كان طبيب بشري

تعرف سيادتك النقابة اديتنا معاش كام
؟؟؟


150 جنيه زادوا بعد كدة ل 200 جنيه

ومعاش الحكومة كان اقل من 400 جنيه


في حين وعن تجربة شخصية احب اقولك ان الدكتور بيتبهدل اضعاف مضاعفة من اللبهدلة المزعومة للضباط االعسكريين

بيتحدف على الحدود دون مراعاة لنوعه ولا ظروفه ويعامل اقل من معاملة العبييد


يمكن خرجنا عن الموضوع والسؤال الاصلي لكن الشئ بالشئ يذكر

[Adham]

ضابط الجيش برضة بيدفع في المصيف و العلاج و غيرة و غيرة و بيتخصم من مرتباتهم و معاشاتهم سواء ليهم او لاسرهم و اولادهم

مافيش حاجة ببلاش في البلد دي

[SunSet]

ضابط الجيش برضة بيدفع في المصيف و العلاج و غيرة و غيرة و بيتخصم من مرتباتهم و معاشاتهم سواء ليهم او لاسرهم و اولادهم

مافيش حاجة ببلاش في البلد دي

انا عارفة برضه كويس لان اخويا ضابط قوات مسلحة

بس شوف كام نادي للاطباء وكام نادي للضباط

مستوى ده ومستوى دول

والفنادق والشقق اللي بتتوفر لهم من وهم طلبة حتى لو بخصم رمزي من مرتبهم و و و و


وكمان شوف المرتب بتاع دكتور عقليته عاملة ازاي وطلع عينه قد ايه في كليته وكام سنة ومرتب زميله اللي اهله زقوه بمجموعه القليل في كلية عسكرية بعد لما ما كانوش عارفين حيروح فين واتخرج قبله بكام سنه

وشوف ده بقى ايه وده بقى ايه

انا بس بأتكلم في الموضوع ده من باب وصف الواقع وعدم قبول الكلام البعيد عنه وعن الموضوعية

[hugan]

انا عارفة برضه كويس لان اخويا ضابط قوات مسلحة

بس شوف كام نادي للاطباء وكام نادي للضباط

مستوى ده ومستوى دول

والفنادق والشقق اللي بتتوفر لهم من وهم طلبة حتى لو بخصم رمزي من مرتبهم و و و و


وكمان شوف المرتب بتاع دكتور عقليته عاملة ازاي وطلع عينه قد ايه في كليته وكام سنة ومرتب زميله اللي اهله زقوه بمجموعه القليل في كلية عسكرية بعد لما ما كانوش عارفين حيروح فين واتخرج قبله بكام سنه

وشوف ده بقى ايه وده بقى ايه

انا بس بأتكلم في الموضوع ده من باب وصف الواقع وعدم قبول الكلام البعيد عنه وعن الموضوعية

كلامك حضرتك صح
ابسط شيء عالم من العلماء المجهولين اللي البلد دمرتهم
لو قدر الله ومرض
اكاد اجزم انه لو ماعندوش دعم مالي خاص لن يجد ثمن العلاج ولسوف يرمي في المستشفيات الحكوميه الي ان يقدر الله امرا كان مفعولا
انما ضباط الجيش
علاج له ولعائلته ووالديه ان وجدا علي اعلي مستوي مجانا
اليس كل هذا من ميزانيه الدوله التي للجميع حق فيها من اول الغفير الي الوزير

[ahmed1981]

العيب ليس في مرور القوات المسلحة ولن نلوم رجال القوات المسلحة

العيب في مرور المواطنين العاديين

أنا شخصياً تابع لمرور السلام وأعتبر نفسي مجند بمرور السلام
لأن من يتبع مرور السلام لابد أن يكون محارباً حتى يواصل المسيرة من البداية للنهاية

مثال آخر
مرور النزهة الجديد خاص بمواطنين عاديين وهو في قمة الرقي وينافس مرور القوات المسلحة

المشكلة في عدم وجود سيدنا عمربن الخطاب

ونبقى مع الفاصل حتى يعود العدل العمري

[SunSet]

انا المرور اللي انا تبعه مريح للاعصاب رغم ان اكيد فيه زحمة


اعتراضي على مبدأ التفرقة العنصرية الغريبة اللي في البلد العجيبة دي

[rodyA113]

[QUOTE=muslima;3872983364]انا عارفة برضه كويس لان اخويا ضابط قوات مسلحة

بس شوف كام نادي للاطباء وكام نادي للضباط

مستوى ده ومستوى دول

والفنادق والشقق اللي بتتوفر لهم من وهم طلبة حتى لو بخصم رمزي من مرتبهم و و و و


وكمان شوف المرتب بتاع دكتور عقليته عاملة ازاي وطلع عينه قد ايه في كليته وكام سنة ومرتب زميله اللي اهله زقوه بمجموعه القليل في كلية عسكرية بعد لما ما كانوش عارفين حيروح فين واتخرج قبله بكام سنه

وشوف ده بقى ايه وده بقى ايه

انا بس بأتكلم في الموضوع ده من باب وصف الواقع وعدم قبول الكلام البعيد عنه وعن الموضوعية[/QUOTE
1111111111111111111+ متابعه باهتمام وعندك حق انا مدرس مساعد في الجامعه ولا الهوا ايه المميزات لا شيئ مقارنته بالجيش واهتمام الدوله بيهم حتي شوفي المرتبات


















=

[Adham]

وكمان شوف المرتب بتاع دكتور عقليته عاملة ازاي وطلع عينه قد ايه في كليته وكام سنة ومرتب زميله اللي اهله زقوه بمجموعه القليل في كلية عسكرية بعد لما ما كانوش عارفين حيروح فين واتخرج قبله بكام سنه
وشوف ده بقى ايه وده بقى ايه
انا بس بأتكلم في الموضوع ده من باب وصف الواقع وعدم قبول الكلام البعيد عنه وعن الموضوعية

يا هانم في الستينات كانت الكليات العسكرية ارقى كليات و كانت حلم كل الشباب انهم يدخلوها (قبل النكسة) و كانت تسمى سلاح الفرسان ايام الملك و لا يدخلها الا ابناء البشوات و علية القوم و اذكر ان والدي كان تنسيقة كلية علوم و لكنة كان قد قبل في الكلية الجوية وقتها, يعني ان الكليات العسكرية كانت تفضل على كثير من الكليات الاخرى نظرية و عملية و اذكر ان لي اصدقاء فضلوا الكليات العسكرية على كليات قمة

و بلا شك تعرفين ان المهندسين و الاطباء بعد التخرج حلم معظمهم التقدم لكليات الضباط المتخصصين ليكونوا اطباء او مهندسين في الجيش الذي هو ارقى و اضبط منظومة في البلد

و لعلم حضرتك ان الضباط بياخدوا حاجة اسمها "اركان حرب" و دي عبارة عن ماجستير و دكتوراة في العلوم العسكرية و دي قمة في الصعوبة و دراساتهم فيها بيقي فيها جزء هندسي و جزء تكتيكات عسكرية و استراتيجيات يعني بتتاخد من "كلية الحرب العليا" و قلة من الضباط "الأكفاء" فقط اللي بيقدروا يحصلوا عليها و بيبقوا من المميزين في الجيش و تعرفيهم من الإسبليتات الحمراء امام الياقة في البدلة العسكرية

و فية ضباط كتير بتسافر برة و تدرس دورات و بعثات علشان تتعلم احدث الاسلحة و احدث تكتيكات الحرب , زي بعثات روسيا بتاعه زمان اوائل السبعينات, ثم تحولت الي امريكا الان

و بالتالي مش كل الضباط في الجيش هم الموظفين على مكاتب في القاهرة في شئون ضباط او عاملين في نوادي القوات المسلحه

فية ناس عايشة في مطارات و ناس عايشة في غرف عمليات (تحت الارض) و ناس في قواعد صواريخ و رادار في الصحراء

ناس بتتعب و بتدي من مجهودها لخدمه البلد

و مش ذنبهم ان مجانية التعليم اللي عملها ناصر خلت الدكاترة في البلد اكتر من الصنايعية و بالتالي قوى العرض و الطلب خلت السباك او الميكانيكي بياخد اكتر من الدكتور اللي قاعد مستني الحكومة تعلمة و تعينة في مستشفى حكومي و تديلة مرتب و شقة و عربية وتعالجه و تحججة و تعلملة ولادة ببلاش و تعينهملة كمان دكاترة زية و في نفس المستشفيات, و لما يموت تدفنة

و زي ما فية ضباط اكفاء و اركان حرب فية دكاترة اكفاء و نوابغ , ناس اجتهدت و اتعلمت و طورت نفسها و بقت من اكفأ الدكاترة في العالم و فتحوا عيادات و مستشفيات خاصة ويعدوا من نوابغ الطب في العالم
و ما اعتمدوش على الدولة و لا التعيين في المستشفى الحكومي كنهاية السلم و لا المرتب الهزلي كمصدر دخل و مستنيين العلاوة السنوية

الاجتهاد في اي مجال هو اللي بيخللي الشخص من النوابغ او العلامات المشرفة فية

و اللي بيفضل محلك سر و مستني الحكومة تديلة و تديلة وتشغلة وتسكنة و تعالجه و تعلمة هو اللي بيقضي طول عمرة يشتكي و يتأفف و و عايز كل حاجة تجيلة لحد عنده و مش عاوز يطور من نفسة و لا يتعب و يجتهد في مجالة اي كان

[SunSet]

يا هانم !!!!!

أول القصيدة تنذر بما فيها فلا داعي للإستمرار في قراءة ما يليها

[أحمد كمال]

و بلا شك تعرفين ان المهندسين و الاطباء بعد التخرج حلم معظمهم التقدم لكليات الضباط المتخصصين ليكونوا اطباء او مهندسين في الجيش الذي هو ارقى و اضبط منظومة في البلد

دلوقتي و لا في الستينات؟ اصل لو دلوقتي تبقى اكيد غلطان ...... انا بعد 7 سنين شغل مدني دلوقتي باحمد ربنا اني ما ارتكبتش الجناية دي في حق نفسي و لله الحمد ..... كان زماني باقبض ملاليييييييم !!! و كبيري ايه ؟؟؟ رائد !!!

[wesam_salom]

دلوقتي و لا في الستينات؟ اصل لو دلوقتي تبقى اكيد غلطان ...... انا بعد 7 سنين شغل مدني دلوقتي باحمد ربنا اني ما ارتكبتش الجناية دي في حق نفسي و لله الحمد ..... كان زماني باقبض ملاليييييييم !!! و كبيري ايه ؟؟؟ رائد !!!

كل ما افتكر انى كنت هعمل العمله المنيله دى فى نفسى

احمد ربنا انهم خسرونى ورفضونى

[أحمد كمال]

كل ما افتكر انى كنت هعمل العمله المنيله دى فى نفسى

احمد ربنا انهم خسرونى ورفضونى

و الله أكيد الحاجة دعت لك بالخير

[لجنة فض المنازعات 2]

تم غلق الموضوع نزولا على رغبه كاتبته