تطليع الرخصة

[love7amada]

انا هاطلع رخصة لسه من مرور حدائق القبة ورحت اخد فكرة عن الامتحان
لقيت عملين زاوية جامدة جدا في القمع الي بيحطوا والمسافة بين الاقماع صغيرة
وكل اللي كان بيمتحنوا كان بيسقطوا في السواقة بالظهر

محدش يعرف اي كوسة هناك احتياطي
وثمن كيلو الكوسة كام

وعندي سؤال تاني
هوه اية اللي يحصل لو اتقفشت في كمين من غير رخصة

[smsm_cato]

بص يا معلم انا اخدتها معلومة من واحد ودخلت امتحنت ونجحت بدون كوسة لان اهم حاجة فى الامتحان السواقة بالظهر وفعلا الاقماع بتكون زاويتها ضيقة بس هقولك تعمل ايه وانت راجع بالعربية اذا كان الاقماع اللى وراك على يمين العربية هتكسر يمين وخلى اخر شنطة العربية تبقى قريبة جدا من القمع اللى هيبقى ناحيتك يعنى ممكن تلمسة واول ما طرف الشنطة يوصل للقمع ده اكسر كل عجلك شمال متستناش تعدى القمع اكسر اول ما اخر الشنطة يجيى عنده بعد ما كسرت شمال انسى بقى القمع ده ومتبصش علية وشوف فى المراية اللى على اليمين اول ما القمع التانى اللى وراه يظهر فيها اعدل عربيتك عليه لغاية ما اخر الشنطة يلزق فيه واول ما توصلة اكسر كل عجلك يمين وهكذا هتعدى زى السكينة فى الحلاوة بس اهم شئ انك ترجع براحتك متستعجلش وهبقى اعملك رسم توضيحى انا اقصد ايه

[smsm_cato]

ده رسم توضيحى علمته دلوقتى على قد ما قدرت اربط الكلام اللى كتبتة بالصورة دى وانت هتفهم قصدى ان شاء الله

[Adham]

شوف عربية صغيرة ميرا او شاريد تروح تمتحن بيها

[smsm_cato]

شوف عربية صغيرة ميرا او شاريد تروح تمتحن بيها

معظم اقسام المرور مبيسمحوش بانك تمتحن بعربية غير عربيتهم اللى هى الشاهين طبعا انا لما روحت امتحن طلبت اخش بعربيتى لكن رفضوا وقالوا لازم عربية المرور ومرضيتش اكتر فى الكلام علشان المهندس او الظابط ميقفلش معايا ويسقطنى ركنت العربية ودخلت امتحنت وربنا وفقنى

[Adham]

على ايامنا كنت بتمتحن بعربيتك

[nouranwar]

علي ايامي بقي مكنش فيه امتحان خالص والحمدلله
ربنا يوفقك ان شاء الله

[love7amada]

شكرا جدا ياجماعة
و خصوصا العضو smsm_cato

[smsm_cato]

شكرا جدا ياجماعة
و خصوصا العضو smsm_cato

لا شكر على واجب بس اهم حاجة تكون استفدت من الشرح اللى قولتهولك ولو ليك اى استفسار انا تحت امرك فى اى وقت

[love7amada]

اه الواحد ف مرور الحدايق ينفع يدخل باي عربيه انشاله بتوك توك
هما اصلا معندهمش عربيه و بيقولوا اللي عاوز يمتحن يجي بعربيته