Tweet
حكايتي مع التأمين
أنا كنت قرأت هنا في المنتدى موضوع مخصوص عن التأمين وشركات التأمين اللي موجوده وترتيبها من حيث الأفضليه لكن للأسف بدور على الموضوع دلوقتي مش لاقيه فا قلت أكتب في المنتدى العام حتى تعم الفائده....................انا حكايتي مع التأمين حكايه غريبه جداً ولغاية دلوقتي مش فاهم ايه اللي بيحصل .....ما علينا هاحكي وانت احكموا.
عربيتي موديل 2007 استلمتها من سنه وعملت عليها تأمين شامل عند شركة كونتاكت التأمين كان وقتها 3.7 % من قيمة السياره تقريباً المهم فضل ربنا ساترها معايا الحمد لله حوالي 7-8 شهور كده ونزلت في يوم لقيت العربيه مخبوطه من ورا ومتدشدشه وحالتها صعبه المهم كلمت خدمة عملاء كونتاكت الحقيقه قمة في الأدب والمعامله الحسنه وده ما يختلفش عليه حد وبالفعل الموظف قاللي سلم العربيه التوكيل وروح بالسلامه ومالكش دعوه بأي حاجه المهم ده اللي حصل بالفعل وبمتابعه مني بسيطه جداً فهمت انهم بعتوا مهندس معاينه قبل الاصلاح صور العربيه واعطى امر الاصلاح للتوكيل وتم اصلاح العربيه الحمد لله وكله تمام والتوكيل بعد حوالي اسبوع من تسليم العربيه كلمني وقالي اتفضل استلم العربيه رحت وكان كله تمام والله ويشهد ليهم بكده انهم محترمين ومدفعتش حاجه ولا حد كلمني .........مر شهرين تلاته وجه ميعاد التجديد المهم في يوم الصبح لقيت واحد بيكلمني من كونتاكت قلتله ايوه شكراً على اهتمامكم وانا هاجيلكم أجدد بكره او بعده لقيته بيقوللي ( احنا اسفين جداً يا فندم بس التجديد اترفض ) فا انا الأول مافهمتش وقلتله تاني من فضلك عاد الجمله زي ما قالها الأول فانا ركبني عفاريت الدنيا كلها وقلتله طيب شكراً وأخدت بعضي تاني يوم الصبح ورحت افهم .....الحقيقه كانت الصدمه لما رحت واتكلمت مع المدير لقيته بيقوللي اصل احنا مش شركة تأمين فانا بسخريه قلتله امال شركة تجاره أدويه مثلاً أمال عاملين خدمات تأمينيه ليه وإزاي ؟ قاللي والله احنا مش شركة تأمين احنا شركة تجارة سيارات والتأمين بتاعنا ده تأمين عند المجموعه العربيه المصريه للتأمين حاجه كده وبالتالي هم اللي يقبلوا ويرفضوا التأمين................نهاية الموضوع انهم حرقوا دمي وتعبولي أعصابي ........صحيح يمكن ماتكونش خسارتي في مبلغ التأمين لئن بحسبه بسيطه اللي دفعته تأمين اترد اكتر منه في اصلاح السياره بس الخساره اللي حسيت بيها هي أد ايه في نصب ولعب كتير في المواضيع دي يعني سبحان الله المفروض شركات التأمين دي منتظره اللي يأمن عندها مايعملش حوادث ابداً ولا ايه مش فاهم ولا منتظرين الحوادث بس تكون خدوش وبس :) مش عارف والله أقول ايه كمان اللي جه في دماغي ومازال يطارد أحلامي الورديه اني لو فضلت سنه اتنين تلاته بادفع اقساط التأمين وفجأه أصحى الصبح ألاقيهم بيقولوا مش هانجدد !!!!
أنا آسف للإطاله لكن انا حابب بس الفائده تعم وحبيت اطرح حكايه حصلة معايا ..........وربنا معانا ومعاكم.
عربيتي موديل 2007 استلمتها من سنه وعملت عليها تأمين شامل عند شركة كونتاكت التأمين كان وقتها 3.7 % من قيمة السياره تقريباً المهم فضل ربنا ساترها معايا الحمد لله حوالي 7-8 شهور كده ونزلت في يوم لقيت العربيه مخبوطه من ورا ومتدشدشه وحالتها صعبه المهم كلمت خدمة عملاء كونتاكت الحقيقه قمة في الأدب والمعامله الحسنه وده ما يختلفش عليه حد وبالفعل الموظف قاللي سلم العربيه التوكيل وروح بالسلامه ومالكش دعوه بأي حاجه المهم ده اللي حصل بالفعل وبمتابعه مني بسيطه جداً فهمت انهم بعتوا مهندس معاينه قبل الاصلاح صور العربيه واعطى امر الاصلاح للتوكيل وتم اصلاح العربيه الحمد لله وكله تمام والتوكيل بعد حوالي اسبوع من تسليم العربيه كلمني وقالي اتفضل استلم العربيه رحت وكان كله تمام والله ويشهد ليهم بكده انهم محترمين ومدفعتش حاجه ولا حد كلمني .........مر شهرين تلاته وجه ميعاد التجديد المهم في يوم الصبح لقيت واحد بيكلمني من كونتاكت قلتله ايوه شكراً على اهتمامكم وانا هاجيلكم أجدد بكره او بعده لقيته بيقوللي ( احنا اسفين جداً يا فندم بس التجديد اترفض ) فا انا الأول مافهمتش وقلتله تاني من فضلك عاد الجمله زي ما قالها الأول فانا ركبني عفاريت الدنيا كلها وقلتله طيب شكراً وأخدت بعضي تاني يوم الصبح ورحت افهم .....الحقيقه كانت الصدمه لما رحت واتكلمت مع المدير لقيته بيقوللي اصل احنا مش شركة تأمين فانا بسخريه قلتله امال شركة تجاره أدويه مثلاً أمال عاملين خدمات تأمينيه ليه وإزاي ؟ قاللي والله احنا مش شركة تأمين احنا شركة تجارة سيارات والتأمين بتاعنا ده تأمين عند المجموعه العربيه المصريه للتأمين حاجه كده وبالتالي هم اللي يقبلوا ويرفضوا التأمين................نهاية الموضوع انهم حرقوا دمي وتعبولي أعصابي ........صحيح يمكن ماتكونش خسارتي في مبلغ التأمين لئن بحسبه بسيطه اللي دفعته تأمين اترد اكتر منه في اصلاح السياره بس الخساره اللي حسيت بيها هي أد ايه في نصب ولعب كتير في المواضيع دي يعني سبحان الله المفروض شركات التأمين دي منتظره اللي يأمن عندها مايعملش حوادث ابداً ولا ايه مش فاهم ولا منتظرين الحوادث بس تكون خدوش وبس :) مش عارف والله أقول ايه كمان اللي جه في دماغي ومازال يطارد أحلامي الورديه اني لو فضلت سنه اتنين تلاته بادفع اقساط التأمين وفجأه أصحى الصبح ألاقيهم بيقولوا مش هانجدد !!!!
أنا آسف للإطاله لكن انا حابب بس الفائده تعم وحبيت اطرح حكايه حصلة معايا ..........وربنا معانا ومعاكم.
Comment