سير بدون هدف !!!!!!!!

[bmya]

السلام عليكم ورحمه الله وبركاته

كنت قاعد مع وواحد صحبي امبارح وهو اصلا شغال في الكويت وبينتكلم علىالفرق بين السواقه هنا وهناك والنظام والمخالفات وكده يعني

المهم لقيت صحبي بيقولي انه كان راكب مع واحد صاحبه وراكنين في شارع المشايه (الكلام ده عندنا في المنصوره) وبيقولي العربيه فيها ساوند سيست محترم واحنا راكنيين وواقفين بينتكلم وبعدين الناحيه التانيه كان فيه ظابط واقف وعمال يبصلهم كده
المهم بيقولي قلت عادي وركبنا العربيه ومشينا ولفينا لفتين تلاته من المشايه ونلف من عند مترو ونرجع تاني للمشايه (اللفه بتاعت الشباب في المنصوره يعني )
المهم بيقولي بعد لفتين تلاته كده لقيت الظابط اللي كان بيبصلنا واحنا راكنين راح مشاور لنا عشان نقف بيقولي كان كله تمام الحزام مربوط ومفيش فاميه ومحدش بيتكل في موبايل
طبعا انا عملت فيها واعي وقلتله اكيد اداكم مخالفه على الساوند سيستم

قالي ياااااااااااااااريت
قلتله طيب ايه يعني اداكم مخالفه على ايه

لقيته بيقولي الظبط جه وقاله الرخص
قاله اتفضل
قاله مخالفه فوري 150 جنيه قاله بتاعت ايه حضرتك هو في ردار هنا ولا ايه
قاله لا وراح راميله الموصل على رجله بكل قله زوق
صحبي بيبص فيها لقه مكتوب فيها مخالفه سير بدون هدف
صحبي بيقولي انا موت على نفسي من الضحك وبيقولي صاحبه اللي كان سايق دفعها

بصراحه انا اول مره في حياتي اسمع عن مخالفه سير بدون هدف دي هو في كده فعلا ولا ددي اشتتغاله ولا ايه بالظبط
اصل على كده الواحد ممكن يلبس مخالفات كتيير اوي بالطريقه دي

حد اخد مخالفه من الصنف ده قبل كده

[ahmedelzeeny]

يا راااااااااااااااااجل قول كلام غير ده دى الخروجه بتاعتنا وتقريبا نص شباب المنصورة نقعد نلف من عند فيلا غيث لحد الكتب اللى عند متروووووووووووووووووووووووو وشغااااااااااااااااااااال على كده لحد ما تزهق او تتعب ايهما اقرب

[wesam_salom]

ههههههههههههههههههههههههه


3 لفات ب 150 جنيه

انتوا كنتو بتلفوا ايه بالظبط

مخالفه من الصنف ده

هى مخالفه جديده بس عادى

بلدهم واحنا ضيوف عندهم ومن حكم فى عزبته ما ظلم

[أحمد الجندى]

ايه الهبل ده ، ده ظابط مسطول ولا ايه ؟! ده المفروض كان يتجر من قفاه على القسم ويتعمله محضر على الهبل اللى بيعمله ده.

[bmya]

هههههههههههههه
والله حاجه تقرف بجد
لو بقه الناس في راس البر مثلا اللي لف طول اليوم
هو من الاخر كان بيتلكلك لصحبي ده بس المخالفه دي فعلا موجوده
لانه بيقولي شافها على موقع المرور تقريبا


خودو بالكم بقه يا حلويين :)))

[zanativich]

اه طبعا
سمعت عنها كتير
بس مش مقنعة
طالما ماشى صحيح
ايه المانع هو المفروض يوقفوا السيارات ويسالوهم
ايم تذهب هذا المساء

[Mahmoud Mosaad]

هو المفروض يوقفوا السيارات ويسالوهم
ايم تذهب هذا المساء

loooooooooooooooooooool

[bmya]

انا كمان مش مستوعبها ازااااااااااااااااااي
ازاي يعني يقدر يحكم عليه ان ماشي من غير هدف وبعدين معلش يعني انت مال ؟%^&&$%$%@ انت امشي بهدف ولا بدون هدف بتدفعلي حاجه من جيبك مثلا
حاجه مش مقنعه وهي معموله للتلكييييييييييييييك فقط لا غيير

[Ahmed Nouh]

سير بدون هدف ازاى يعنى !!!

مكتبلوش طيب 50 جنيه مشى على الغيار الثالث اكتر من 300 متر !! , صاحبك معلش يستاهل علشان دفع الفلوس ومشى

مفيش نص فى القانون بيقول ان اللى فاضى مينزلش يلف بعربيته فى الشارع او ان اللى موارهوش حاجة وبيتفسح يدفع 150 جنيه

[N.a.j.d]

ههههههههههههههههههههههه
بجد يعني ايه بدون هدف !!!!!!!!!!!!!1

[bmya]

والله انا قلتله وانت غلطاان انك دفعت اصلا
هو عرف منين اني مليش هدف
مش جايز في قطه واقفه مثلا وهو مش واخد باله هههههههههههههه

بس المخالفه دي موجوده فعلا مش عارف مين العبقري اللي اخترعها

[Abo_Lina]

و الله الظابط ده هو اللي ماوش هدف ..

[N.a.j.d]

شكله ظابط شارب حاجه ههههههههه
لا بجد تفسيره ايه دي يعني

[bmya]

هو تقريبا كان مضايق منهم معرفش ليه
لان صحبي بيقولي لما كانوا راكنيين في الاول كان هو واقف الناحيه التانيه من الشارع وعمال يبصلهم
وبعدين قعدوا يلفوا بقه كل شويه يعدو من قدامه يظهر انه اتخنق منهم وقالك هعلم عليهم

[hamada2u2000]

انا من دمياط وطبعا فى الصيف الواحد بيبقى فى راس البر بيلف وعادى يعنى
المهم كنت راكب بيجو بس عربيه بيجو عادية يعنى وكانت حالتها فى التوهان خالص يعنى العربيه لو ما زودتلهاش هاتبطل فا كان فيه لجنه واقفه عند الجامعه الكبير لفيت مرة وطبعا الحزام و كنت كمان ناقص انى البس الخوذه ههههههههههههههههههههههههههههههههههههههههههه
فا لقيت ملازم كده ظروفه صعبه ( لسه ملازم ) فا لما بدخل على الحمله بزود وادوس دبرياج علشان العربيه ما تبطلش لقت المعلم بيقولى الرخص المهم قولتله حاضر فا هاركن على جانب انتوا عارفين شارع بورسعيد بيبقى عامل ازاى فى الصيف لقيت النجم بيزعق وبيقولى اقف عندك رحت باصصله ومزعقله وقولتله اصبر لما اركن على جانب ورحت ركنت ورجعت ليه برخصتى ورخصة العربيه لقيته بيقولى اعملك مخالفة قيادة بلا هدف رديت وقولت ليه جديدة دى والله الميكانيكى قاللى فضى البنزين اللى فى التانك علشان هانحل الموتور فا هافضى التنك ازاى يعنى غير بانى اللف بالعربيه لحد ما البنزين يفضى ( لقيته بيشتغلنى قولت اما اشتغله ) لما لقى مش هايعرف ياخد منى حق ولا باطل سابنى ومعاه الرخص وراح لعربيه ورايا ملاكى بورسعيد مش منطقة حرة اللى سايقها شاب 23 سنة تقريبا وجانبه والدته واخته واخوه الصغير ورا
فا عم الامور طلب رخصة فا بكل ادب الولد اداله الرخصة ورخصة العربيه فا بص فيهم وقاله فين صاحب العربيه
رد عليه وقاله ابويا
ما الرخصة فى ايدك وانا ابنه اللى سايقها قاله لا ما ينفعش وسحب منه الرخص وعمله غرامه رحت اانا رايح ليه وقولتله بقولك ايه ادينى الرخص علشان الميكانيكى مستعجل بصلى قوى وكان هاين عليه ياخدنى المين على وشى بس اخوكوا اصلا برستيج شوية يعنى البدلة وكده فا تقريبا فكر انى محامى فا ناولنى الرخص وقال اقصر الشر احسن
معلش المشاركة طويلة بس كنت عايز اوصلكوا انهم ما فيش عندهم دم ولا اى احترام للبنى ادمين اللى هما المفروض بياكلوهم وبيشربوهم مهو المخالفات دى احنا اللى بندفعها وهما عايشين على المخالفات دى حاجه كده بتاعه مصائب قوم عند قوم