وخد عندك رادار جديد بس كارثة

[Frozen_Pain]

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

أمبارح كنت راجع من المطار وراجع دائرى المهم اخدت الدائرى كله تمام وعديت وصلة المريوطية الجديدة ونزلت على الدائرى بتاع دريم ويادوبك خلصت الزحمة اللى هى بتكون عند نزلة الصحرواى وجريت المهم الكلام ده كان الساعة كام 7 بليل الملفت بئا ان كل العربيات اللى جاية فى المقابل بتدى فليشر كان فى لجنة انا قولت مش معقولة يكون فى رادار بليل المهم لاقيت موضوع الفليشر زيادة وملفت بجد

مفيش ثوانى ومن بعيد شايف فليشر زى بتاع الردارات والاقى عربية شرطة راكنة وواقف جنبها ظابط وامين شرطة قاعد على الارض وشغال بيصور العربيات المهم ان الرادار ده جديد واول مرة اشوفه فى مصر هو زى اللى فى الصورة بالظبط

كان العضو OTEF بيقول يارب مايجبوه فى مصر انا ببشره واقوله ان وصل مصر ،، الصورة على فكرة هى اللى انت كنت رافعها

[ahmed_911_98]

أيوا أنا كمان شفت الرادار دة على طريق مصر اسكندرية الصحراوي بس شفت الفلشر من بعيد
وبيلقتك أبل ما توصله أو تعدي عليه يعني مش حى ينفع تهدي أبليه بمسافة صغيرة
يعني لو شفت النور بتاع الفلشر بيلات واحد ابليك مش عارف لو هديت حى تتلقط إنت كمان ولا لء
هي لها حل إن شاء الله
فيه برامج على الموبيلات إلي فيها gps بممكن تبعت بها ال-location بتاع الرادار
ونت و حظك واحد يكون عدة ابليك أو إنت إلي تبعته و بكدة الكل يستفيد
بس مش فاكر البرنامج دة إسمه اه

[Ahmed.Ali]

دا موجود من زماااااااااااااااااااااااااااااااااااااااااااان لاني

[HeMa_LanCeR]

اللي موجود اكبر من ده شويه
والشاشه بتاعته dvd بصوره رائعه :))))
شوفته شهر 7 اللي فات قاعد في اول طريق العلمين (مارينا)
انا كنت رايح ووقفت عند ماك هو بقي كان قاعد بعد دخله ماك ب 200 متر
فا لما ركنت نزلت بصيت عليه من قريب وشوفت الصوره عامله ازاااااااي
اكتر من رائعه والفلاش خفيف قوي مش زي بتاع زمان اللي كان بينور السما :)))

[د.محمود صلاح]

شكله بيبعت غرامة تجدها عند التجديد - 300 ج -

[Frozen_Pain]

أيوا أنا كمان شفت الرادار دة على طريق مصر اسكندرية الصحراوي بس شفت الفلشر من بعيد
وبيلقتك أبل ما توصله أو تعدي عليه يعني مش حى ينفع تهدي أبليه بمسافة صغيرة
يعني لو شفت النور بتاع الفلشر بيلات واحد ابليك مش عارف لو هديت حى تتلقط إنت كمان ولا لء
هي لها حل إن شاء الله
فيه برامج على الموبيلات إلي فيها gps بممكن تبعت بها ال-location بتاع الرادار
ونت و حظك واحد يكون عدة ابليك أو إنت إلي تبعته و بكدة الكل يستفيد
بس مش فاكر البرنامج دة إسمه اه

بص ياباشا هى الردارات فى مصر مطلوبة جدا ولو حتى جوة البيوت نظرا للسرعة الرهيبة اللى بنسوق بيها فى مصر وغالبا بنتنهى بكوارث

دا موجود من زماااااااااااااااااااااااااااااااااااااااااااان لاني

والله اول مرة اعرف ان فى منها فى مصر

اللي موجود اكبر من ده شويه
والشاشه بتاعته dvd بصوره رائعه :))))
شوفته شهر 7 اللي فات قاعد في اول طريق العلمين (مارينا)
انا كنت رايح ووقفت عند ماك هو بقي كان قاعد بعد دخله ماك ب 200 متر
فا لما ركنت نزلت بصيت عليه من قريب وشوفت الصوره عامله ازاااااااي
اكتر من رائعه والفلاش خفيف قوي مش زي بتاع زمان اللي كان بينور السما :)))

الفلاش خفيف اه بس الغرامة تقيلة جداااااااااا

شكله بيبعت غرامة تجدها عند التجديد - 300 ج -

ده شكله بيبعت كله حاجة يا دكتور

[M.Elgergawy]

دا إدارة المرور شايفين شغلهم أوي وخصوصا على العربيات الملاكي وسيبين اللي مايتسموا يقرفونا في الشوارع ( ميكروباصات وتكتك وعربيات نقل ...........................!!!!!!!!!!!!!!!!!!!

[shaddadfalcon1]

ياجماعه هي يعني الرادرات دي موجوده عندنا بس؟ ماهي في كل حته في الدنيا واكتر وغرامتها اعلي بكتييييييييير

وبعدين يعني هما بيصورو حد ماشي بسرعه قانونيه؟

[newuser2009]

الهدف جمع اموال فقط

[tutankhamoun]

يارب كل طرق مصر تبقى كلها رادرات ثابتة و متحركة

و برافوا للمسئول عن جلب هذه الرادارات ......... بجد ربنا يباركله و يكتر من امثاله ...... و نبقى بلد محترمة بقى

و الاهم قبل الرادارات

يعملوا أمتحانات صح للسواقين ......... مش أي حد يروح يطلع الرخصة و يطلع يخبط في مخاليق الله .

يارب أملاها رادارات ................ آمين يارب العالمين

[MASERATI]

يارب كل طرق مصر تبقى كلها رادرات ثابتة و متحركة

و برافوا للمسئول عن جلب هذه الرادارات ......... بجد ربنا يباركله و يكتر من امثاله ...... و نبقى بلد محترمة بقى

و الاهم قبل الرادارات

يعملوا أمتحانات صح للسواقين ......... مش أي حد يروح يطلع الرخصة و يطلع يخبط في مخاليق الله .

يارب أملاها رادارات ................ آمين يارب العالمين

السلام عليكم و رحمة الله و بركاته

المهم مش الرادار , المهم , هو أن القانون يتطبق بالمساواة على كل أفراد الشعب سواء كانوا سادة أم عبيد , مش يصور بالرادار و لما يلاقينى أنا اللى راكب العربية, يشمبرنى و لما يلاقى عيل فى أولى شرطة و لا عيل, الست والدته, ابن خالها ظابط شرطة , يضربله تعظيم سلام !!!!!!!!!!!!

هو ده اللى هيخلينا دولة محترمة , مش كتر الرادارات و لا المخالفات على الطريق .

شكرا و آسف للاطالة .

[tutankhamoun]

السلام عليكم و رحمة الله و بركاته


و عليكم السلام و رحمة الله و بركاته

المهم مش الرادار , المهم , هو أن القانون يتطبق بالمساواة على كل أفراد الشعب سواء كانوا سادة أم عبيد , مش يصور بالرادار و لما يلاقينى أنا اللى راكب العربية, يشمبرنى:i_angr1[1]: و لما يلاقى عيل فى أولى شرطة و لا عيل, الست والدته, ابن خالها ظابط شرطة , يضربله تعظيم سلام !!!!!!!!!!!!:i_angr1[1]:

هو ده اللى هيخلينا دولة محترمة , مش كتر الرادارات و لا المخالفات على الطريق .

شكرا و آسف للاطالة .

كلام حضرتك صحيح 100 %
و لكن لو فكرنا بالمنطق ده يبقى مش هايكون فيه أصلاح نهائي

و بعدين هما عددهم كام المخالفين الواصلين ؟؟؟ مش كتير
يبقى برضه الرادار عمل بعض الامان على الطريق ........ حتى لو فيه أستثناء

و اللي بيعمل الاستثناء حسابه عند خالقه

انا الفايدة اللي جت عليا ............... ان الطريق أصبح أهدى (آمين يارب)

مش مهم بقى أن فيه أستثناء ............... مش مهم هما واقفين ليه (علشان يلموا فلوس أو علشان يحموا أرواح الناس )
المهم النتيجة اللي أنا كمواطن عادي أشعر بها .........
أن الطريق يهدي شوية و عدد الحوادث تقل

و عسى أن تكرهوا شيئا و هو خيرا لكم

و الحضارة لها عوامل و جوانب كتيرة ............ لو نقدر نحصل عليها عامل ..... عامل ........ مش لازم كلهم ييجوا مرة واحدة

و الناس عمرها ما هاتلتزم مرة واحدة ........
لان اللي أتعود على شئ مش سهل يغيره إلا إذا كان فاهم وواعي و مقتنع بالتغيير و فوائده و فوائد ترك المخاطرة

و الأهم من ده كله

محدش يقول ............... الحوادث دي بتاعة ربنا ........... علشان الكلمة دي بتفرسني

[amribrahim]

ده رادار ليزر و مش أي جهاز يقدر يكشفو فيه جهاز في أمريكا بحوالي ٥٠٠ دولار و فيه كمان جهاز جامر ده بيعمل جام أو تضليل لليزر أو ممكن تعمل حاجة بلدي بس عاوزة مهندس كهربة فاهم يعمل جهاز يطلع الكترو ماجنتيك سيجنال أو وفيز electro magnetic waves و كدة هو هيعطل الجهاز لما يكون هو قريب منه

[tutankhamoun]

ده رادار ليزر و مش أي جهاز يقدر يكشفو فيه جهاز في أمريكا بحوالي ٥٠٠ دولار و فيه كمان جهاز جامر ده بيعمل جام أو تضليل لليزر أو ممكن تعمل حاجة بلدي بس عاوزة مهندس كهربة فاهم يعمل جهاز يطلع الكترو ماجنتيك سيجنال أو وفيز electro magnetic waves و كدة هو هيعطل الجهاز لما يكون هو قريب منه

طيب ما الأسهل الألتزام بسرعة الطريق

و ليه بنفكر في التحايل و مش بنفكر في الألتزام ؟

[Frozen_Pain]

هى ايه ج ع ع

انا اعرف ج م ع جمهورية مصر العربية

س ح م سكك حديد مصر

ز ل ف هـ زمالك لعب فن هندسة

دول اللى انا اعرفهم