استشارة مرورية

[نور القمر]

ابن خالتي طالب كان معاه موتوسيكل صاحبه ولف عكس الاتجاه ومكملش ولسه بيسأل الظابط ينفع ولا لأ؟
راح قاله لا واخد مخالفة دوران عكس الاتجاه وخوذة
وسأل ناس قالوله مبلغها حوالي 75 جنيه
طبعا سحب منه رخص القيادة والمتوسيكل
وراح النيابة لقى قيمة المخالفة 1105 جنيه
رجع للظابط قاله كتيره هي فعلا متزيدش عن 75 جنيه
هودلوقت مش عارف يعمل ايه
هل قيمة المخالفة كدة فعلا ولا مبالغ فيها ؟
لو ساب الرخص ومدفعش الغرامة فيها مشكلة ؟؟
هل في طريقة يخفض المبلغ لانه طالب وفوق امكانياته

[heshamzaky]

يحاول يشوف حد يكوس الموضوع أنا شخصيا شوفت فى المرور ناس معمولها فيلم علشان السير عكس الاتجاة هوة الظابط لما بيلاقى موتسيكل مش عربية بيشدد علية و دة برضو بصراحة حسب نوع الموتوسيكل الى هوة راكبة يعنى بصراحة لو موتسيكل ريس بيبقى فاهم نوعية الشخص الى راكبة و فاهم ان دة موتسيكل بثمن سيارة و لو موتسيكل عادى ممكن للأسف الشديد يعمل علية منظر بس اظن أنة ممكن التخفيض من نيابة المرور و كويس أنة سابة و ما أخدهوش على القسم و رحلة على نيابة المرور حاولو تشوفو حد يخلص الموضوع للأسف الدنيا ماشية بالواسطة

[heshamzaky]

منقول ...............
العقوبه هى الغرامه 1000
الحد الادنى للعقوبه....
الدفاع....
تطلب من المحكمة التصريح باستخراج شهادة من الحى التابع له مكان ارتكاب المخالفه
يفيد عدم وجود اشارات ارشاديه او علامات تنظم المرور.
وطبعا القرار .....آخر الجلسه
حضرتك شوفى اللينك دة كدة ماهى عقوبة السير عكس الاتجاة المطبقة بمصر ؟ وماهو الدفاع الذى يقدم فى هذه الحالة ؟

[نور القمر]

ده بيقول المتوسيكل ميجبش الف ونص
هو قلقان من موضوع الرخص اللي معاهم ..
ممكن يتعمل له قضية مثلا لومدفعش او اتأخر في الدفع؟

[heshamzaky]

بصى حضرتك علشان ما أفتيش و يطلع كلامى غلط بس الى أنا متأكد منة أنة لازم يحل الموضوع و تحليلى كان مظبوط لما ذكرت لحضرتك نوع الموتسيكل الى كان راكبة للأسف بيتشطرو على الناس العادية و أنا فاهم أن الموتسيكل مش بتاعة بس للأسف الظابط ما كبرش دماغة و هو شايف أنة شاب صغير و طالب حاولى تدخلى على اللينك و تقرأية هو أصلة مكتوب بالاخمر و أنا علشان انزلة لازم اغير اللون

[heshamzaky]

عقوبه السير عكس الاتجاه هى الغرامه من 1000 إلى 3000 والعقوبه والحبس ايضا

ولكن الحبس يحكم به بإيقاف التنفيذ

فمثلا

حكمت المحكمه بالغرامه 1500 جنيها والحبس ثلاثه ايام او اربعه ايام مع ايقاف التنفيذ والمصاريف

[A.Saad]

السير عكس الاتجاه غير ادوران عكس الاتجاه
ليه
من تجربة عضو معانا الظابط كان هياخده سير عكس وغيرها له الى دوران عكس الاتجاه
وقال اما راح المرور لقاها ب 75 جنيه

[M.Nasr]

هى فعلا مش هتمشى غير لما تتكوس كالعادة فى بلدنا وان شاء الله مش هيبقى حوار كبير ربنا يسهل وتخلص من غير مشاكل

[نور القمر]

شكرا لكم