إعـــــــلان

Collapse

.

,
See more
See less

تخيلوا لو نرخص عربيتنا بدون واسطه (تجربه عمليه)

Collapse
X
 
  • Filter
  • الوقت
  • Show
Clear All
new posts

  • تخيلوا لو نرخص عربيتنا بدون واسطه (تجربه عمليه)

    ينهار اسود انت مش هتروح ترخص عربيتك ولا ايه؟
    لو مش معاك وسطه اللى هيحصل فيك كا التالى
    عن تجربه مش كنت زعلان انا وبابا وقلت هرخص عربيتى لوحدى
    مبدئيا رحت اجيب شهاده بيانات من مرور العتبه عشان العربيه كانت تبع العتبه وشهاده المخلفات فى يوم كامل مع ان مرور العتبه اسرع مرور عملت فيه مصلحه

    رجعت مرور المعادى عشان كنت مصدر ورق المتور ليه قبل ميقسموه 3 مرور
    صدرت ورق المتور لمرور حلوان قالى ادامك شهر على الورق ميوصل طبعا اللى هى مده شهاده البيانات والمخلفات

    الحمدلله الورق وصل حلوان فى اخر كام يوم فى الشهر
    رحت ارخص العربيه بقى وانا سعيد ان الورق جيه
    وقفت طاااااااااااببببببببوووووووووووووووووررررر عربيات (بره) المرور بحجه الساحه مليانه
    بعد تقريبا ساعه ونص فى عز الولعه والعربيه بتسلقنى جواها
    دخلت الحمدلله على ملقيت مكان فى الساحه الحلوه عدى يجى ربع ساعه
    وطابووووووووووووور تانى عشان اجيب ورق الفحص
    وطااااااابوووووووووور عشان ياخد منى الورق ويدينى رقم
    وموووووووووووت على الفنى ميجيلك وكان واحد بس اللى شغال
    جاب رقم المتور والشاسيه والحمدلله
    رحت للمهندس قالى عربيتك اللى هناااااااااااااك( البيضه) اللى هناك دى قلتله اه عربيتى اصلا (فضى) ومكتوب فى الورق فضى راح موقع وماضى بس انا الحمدلله عربيتى مفيش فيها حاجه حتى لو كان قام

    المهم روح بقى يا معلم لطابور الورق عشان يخده من على الشباك
    بعد معناه خده
    وبعد معنااااه راح المراجعه
    وكانت المفاجئه
    قالى فين ورق التامينات؟
    قلتله تامينات ايه
    التامين الاجبارى
    قلتله فين الشباك بتاعها عشان املاه
    قلى شباك ايه ؟ ده حضرتك لازم تروح مرور المعادى بسرعه عشان يا دوب فاضل نص ساعه ويقفلوا هناك
    قلتله يعنى هتكونوا انتوا قفلتوا هنا
    قالى طبعا
    المهم اتنيلت على عينى ورحت المعادى
    تلاقى ياباشا طابووووووووووووور مش عايز اقولك انه مثلا لا يقل على 300 فرد وقفين على الشباك

    طبعا قلت بلا عربيه بلا مرور والشمس ايه يا معلم زى الفل محدش عارف يقف
    ليا واحد صحبى شغال فى الشركه فى المركز الرئيسى اتصلت بيه قالى ابعتهالى فاكس بكره وانا اعملهالك
    بعتله فاكس وعملها فى عشر دقائق وقابلته ادانى الورق بتاع عربيتى

    رحت بقى اليوم اللى بعده للمرور بعد يوم طويل راحت المراجعه
    ندانى المراجع وقالى حضرتك رقم المتور اللى مكتوب فى الورق غلط خالص ده رقم المتور القديم

    اتارى بتاع الفحص وهو واخد البصمه الجديده وكاتب فى الخانات رقم المتور القديم
    قالى فى السريع بقى تاخد نفسك لمرور المعادى وتعمل ملحق للتامينات
    تخيل هتقف الطابور الحلو ده تانى
    رحت ورجلى فوق رقبتى وانا بعاند نفسى انى هثبت لبابا انى هرخصها من غيره ( مع انه ممكن يرخصهالى بالتليفون )
    رحت ياباشا وكنت مضطر رحت واقف فى اول الطابور من الجنب وقلت للناس كلها معلش يا جماعه اانا لسه عامل ورق المتور والرقم غلط هعمل ملحق عشان مقفش الطابور اللى انا وقفته ده تانى (وانا ولا وقفته ولا نيله صحبى اللى عملها ):)
    الناس تعاطفت طبعا وقالوا ماشى وعملته بسرعه بس طبعا استنيت لحد ما البيه الموظف راح لرئيس الوحده ورجع يعنى مش كتير نص ساعه بس :)

    رجت المرور رحت للمراجع قالى بس فى حاجه المتور اخره فى البصمه مش واضح روح خد بصمه تانى
    رحت وعملت بصمه تااااااااانى للمتور ورجعتله
    قالى بقى حضرتك فى البصه اخر رقم موجود رقم 5 وفى ورق التامينات فى المتور رقم 9
    روح اعملى ملحق تانى لرقم المتور مش عايز اقول ليكوا احساسى ايه ساعتها
    المهم عملت اللى عمرى مكنت متخيل انى اعمله
    قلتله متعديش قالى تعدى ياباشا قالى تعدى لو عايز وراح فاتح ايده وقالى معاك قلم ازرق؟
    قلتله لا قالى كمان ماشى وراح مطلع قلم ازرق من المقلمه اللى فى جيبه وراح عامل ال9 لى 5 طبعا الارقام فى الورق بالعربي

    وقالى تمام واضطريت اديله 10 جنيه

    قالى روح هات ورقم النمر بقى
    رحت لبتاع النمر قالى فكلى النمر القديمه قلته انا اللى هفكها؟
    انا رايح ببدله بقى عشان اروح الشغل بعد المرور على انى كنت مستئزن ساعتين قالى مفيش حد يفكها هنا
    رحت وطلعت العده من العربيه وفكيت
    رحتله قالى ايه ده انت نمرك سوده قلتله اه
    قالى لا كده لازم تدفع 30 جنيه تامين زياده
    قلتله ليه ده انا هسيب الارقام مش هخدها
    قالى هو كده
    رحت للخزنه اللى رجلى كانت اخدت عليها بقى
    بس رحت وكان عايز شويه طوابع كده المهم الحساب كان 37.5
    رحت قالى مفيش فكه اتصرف وفك قلتله يعنى ايه
    المهم واحد قاله انا معايا باكوا انصاص خده اهوه عندك دول 41.5
    خده عايز اقول الفلوس كانت متاكله 600 مره ومشحمه وكل اللى عايز تقوله قوله
    والباشا بيعد فيها ورقه ورقه برقه عشان متتقطعش
    ويتلخبط ويرجع من االاول الحوار ده 4 او خمس مرات لحد منفجرت فيه
    قتله متدينى ال2.5 بتوعى واتصرف انت معاه بعد كده ده مش مليون جنيه هو كان كتب الوصل وفى ايدى انا ال50 جنيه اللى عايز ادهاله ويدينى الباقى
    قالى معنديش فكه وروح فك من اى حته انا مش مسؤل عن انى افكلك وهنا كانت الشراره
    انت بتسطعبط انت عارف انت بتقول ايه انت بتاع خزنه يعنى لازم انت اللى تفكلى وانا اعد حاطتت رجل على رجل لو انا فكتلك انت شغلتك ايه هو كل الناس هتبقى جايه مظبطه فلوسها كل مره عشان سيتك متعملش حاجه قالى انا مش عندى فكه استنى لما تجيلى فكه وهتمل ايه يعنى
    قلتله ببساطه هلبسك الوصل اللى انت كتبته ده وهروح ادفع الفلوس دى فى اى مكتب بريد والفلوس فى ايدى اهيه والوصل اتكتب وادفعه من جيبك انت بقى
    حسيت ان فى تصفيق حاد من الجماهير اللى واقفه على الشباك معايا قلوله هتعمل ايه يا حلو مكان من الاول اديله حاجته وخلاص
    قالى معلش ياباشا (فى ثانيه بقيت باشا) واخد الفلوس منى وادانى الباقى ومشيت (بس قلتله معلش الواحد متنرفز شويه ورضيته هو غلبان برضه )
    رحت للمراجع تانى بقى
    قالى دخلها الكمبيوتر بقى
    ودتها الكمبيوتر ومش عايز اقول ليكوا فضلت ملا يقل عن خميس ساعات ورقى جوه
    ارحله يقولى هعملها اتاريه الورق الجديد اللى يجي يحطه فوق وعيش يا معلم
    مفيش غير فرد واحد وبيكتب بصباع واحد على الكى بورد ويقلب الورق يمين وشمال الف مره ويقع منه الورق على الارض ويرتبه وبهدله
    والكهرباء تقطع ويقولى استنى لما ترجع الكهرباء والكمبيوتر يقوم فى سنه
    وبعد الخمس سعات دى وانا كنت صايم اصلا فى شوال رحت فطرت من غير محس انى كنت صايم ونسيت
    الورق طلع من الكمبيوتر للشباك اللى بيغلف الرخصه فى ساعه واعد يتغلف فى نص ساعه
    واستنيت
    وقالولى روح خد الارقام بقى
    رحت قلت اخدتها بطابور برضه
    وقلت ليهم محدش هيركبها طيب دى عايزه تتخرم اساسا عشان جديده قالى روح لاى سمكرى بره يعملهالك


    متخيل ممكن اقول ليك ايه لما تقول اعمل ده فى كل سنه
    اخد اجازه اسبوع كل سنه عشان ترخيص العربيه بس كئنه مصيف بالظبط
    [CENTER][SIGPIC][/SIGPIC][/CENTER]
    [CENTER][FONT=Lucida Handwriting, Cursive][SIZE=4]Mohamed Sabry[/SIZE][/FONT][/CENTER]
    [CENTER][FONT=Lucida Handwriting][SIZE=4]بيتلز للبيع يا جماعه :11:[/SIZE][/FONT][/CENTER]
    [CENTER][URL]http://www.nilemotors.net/Nile/102307-63-72-a.html[/URL][/CENTER]

  • #2
    يا صبرك.....

    بس مبروك عليك واكيد اكتسبت خبرة الطوابير
    [SIZE=3][COLOR=navy][gdwl]
    [SIZE=3][COLOR=navy]سبحانك اللهم وبحمدك ، أشهد أن لا إله إلا أنت أستغفرك وأتوب إليك[/COLOR][/SIZE]
    [/gdwl][/COLOR][/SIZE][SIZE=4][COLOR=navy][/COLOR][/SIZE]
    [SIZE=4][COLOR=navy]مـحـمـد الـطـويـل - إسـكـنـدريـه[/COLOR][/SIZE]

    Comment


    • #3
      العند يخليك تعمل اى حاجه ياباشا
      تخيل بقى لما بتكون بتعاند نفسك :)
      [CENTER][SIGPIC][/SIGPIC][/CENTER]
      [CENTER][FONT=Lucida Handwriting, Cursive][SIZE=4]Mohamed Sabry[/SIZE][/FONT][/CENTER]
      [CENTER][FONT=Lucida Handwriting][SIZE=4]بيتلز للبيع يا جماعه :11:[/SIZE][/FONT][/CENTER]
      [CENTER][URL]http://www.nilemotors.net/Nile/102307-63-72-a.html[/URL][/CENTER]

      Comment


      • #4
        انضف مرور شوفتة فى حياتى مرور العتبة لانة المرور الوحيد فى القاهرة الى بيرخص للاجانب علشان كدا برخص فية مع انى سكن فى حتة تانية خالصصص بس عملت بطاقتى على العتبة علشان كدا
        shady_elkady Aveo 2008 f-o

        Comment


        • #5
          المشاركة الأصلية كتبت بواسطة shady_elkady مشاهدة المشاركة
          انضف مرور شوفتة فى حياتى مرور العتبة لانة المرور الوحيد فى القاهرة الى بيرخص للاجانب علشان كدا برخص فية مع انى سكن فى حتة تانية خالصصص بس عملت بطاقتى على العتبة علشان كدا
          بصراحه لو الواحد يعرف يعملها كان عملها
          فعلا هو انظف مرور واسرعهم على الاطلاق
          تقريبا ناقص يركبوله تكيفات عشان الناس تتبسط :)
          [CENTER][SIGPIC][/SIGPIC][/CENTER]
          [CENTER][FONT=Lucida Handwriting, Cursive][SIZE=4]Mohamed Sabry[/SIZE][/FONT][/CENTER]
          [CENTER][FONT=Lucida Handwriting][SIZE=4]بيتلز للبيع يا جماعه :11:[/SIZE][/FONT][/CENTER]
          [CENTER][URL]http://www.nilemotors.net/Nile/102307-63-72-a.html[/URL][/CENTER]

          Comment


          • #6
            الصراحة انا بتعامل مع مرور مدينة نصر وعمرى ما رخصت ولا جددت بواسطة، لكن مع كتر الخبرة اتعلمت السكة السحرية

            السكة السحرية هى الذهاب مبكرا وابراز كروت التوصية الموقعة من محافظ البنك المركزى

            خمسة لبتاع النماذج وخمسة لصبى رفع البصمة وعشرين فى ايد المهندس وتلاتين فى ايد الواد بتاع الشباك لو كان تجديد وخمسين لو عربية جديدة واقعد استنى شغلى يخلص فى عشر دقائق وكل الناس تقول لى يا بيه ويا باشا
            [SIZE=5][COLOR=navy]سبعاوى[/COLOR][/SIZE]
            _______________________________________________

            Comment


            • #7
              ادى اخرة الى مايسمعش كلام اهلة
              :d:d:d:d:d
              [SIZE=4][COLOR=Blue][B][I][FONT=Century Gothic]تعب كلها الحياة فما عجب الا من راغب فى ازدياد[/FONT][/I][/B][/COLOR][/SIZE]

              Comment


              • #8
                المشاركة الأصلية كتبت بواسطة sab3aawy مشاهدة المشاركة
                السكة السحرية هى الذهاب مبكرا وابراز كروت التوصية الموقعة من محافظ البنك المركزى

                خمسة لبتاع النماذج وخمسة لصبى رفع البصمة وعشرين فى ايد المهندس وتلاتين فى ايد الواد بتاع الشباك لو كان تجديد وخمسين لو عربية جديدة واقعد استنى شغلى يخلص فى عشر دقائق وكل الناس تقول لى يا بيه ويا باشا
                فعلا اجدع حاجة الواحد يشترى كرامته ب 100 جنيه ولا اقل شويه وحاجته تخلص وهو قاعد باشا
                انا برضه كنت بعمل كده بس كنت ببقى متضايق

                لكن لما جيت ارخص عربيتى الألنترا كان معايا واسطه جامده حبتين " مدير الأمن " بذات نفسه هو اللى كان موصى عليا
                ومش عايز اقولت اللى تعمل معايا ايه ؟

                1- امين شرطة استنانى عند البيت وطلع معايا بالمتوسكل وانا وراه الوعربية بدون نمر طبعا
                تقولشى تشريفه ههههههههه

                2- مدير مكتب مدير الأمن يتصل بيا كل ربع اعة علشان يطمئن ان كل حاجة ماشيه تمام

                3- الضابط رئيس وحدة المرور فضلت قاعد معاه فى المكتب وكل شويه شاى وحاجة ساقعه

                4- قائمة بأرقام اللوحات المميزة علشان اختار منها رقم واخترت 443334

                5- مكالمات تانى علشان من مدير مكتب مدير الأمن علشان يعرفوا مدى الرضا عن القم اللى اخترته

                فى الأخر انا كنت بأعمل كل ده وانا على مضض وزعلان من نفسى لأنى بحب اكون ملتزم بدورى زى كل الناس...
                [SIZE=3][COLOR=navy][gdwl]
                [SIZE=3][COLOR=navy]سبحانك اللهم وبحمدك ، أشهد أن لا إله إلا أنت أستغفرك وأتوب إليك[/COLOR][/SIZE]
                [/gdwl][/COLOR][/SIZE][SIZE=4][COLOR=navy][/COLOR][/SIZE]
                [SIZE=4][COLOR=navy]مـحـمـد الـطـويـل - إسـكـنـدريـه[/COLOR][/SIZE]

                Comment


                • #9
                  والله يا اخى انت من الصابرين الذين نحتسبهم عند الله 000 اية دة هو دة حصل فى مصر والله فعلاً احنا بنتحرك وهنتغير 000 شكرا يا ايوب المرور
                  رأى صواب يحتمل الخطأ ورأى غيرى خطأ يحتمل الصواب

                  Comment


                  • #10
                    المشاركة الأصلية كتبت بواسطة sab3aawy مشاهدة المشاركة
                    الصراحة انا بتعامل مع مرور مدينة نصر وعمرى ما رخصت ولا جددت بواسطة، لكن مع كتر الخبرة اتعلمت السكة السحرية


                    السكة السحرية هى الذهاب مبكرا وابراز كروت التوصية الموقعة من محافظ البنك المركزى


                    خمسة لبتاع النماذج وخمسة لصبى رفع البصمة وعشرين فى ايد المهندس وتلاتين فى ايد الواد بتاع الشباك لو كان تجديد وخمسين لو عربية جديدة واقعد استنى شغلى يخلص فى عشر دقائق وكل الناس تقول لى يا بيه ويا باشا

                    بس كده هتبقى رشوه يا ابو السباع

                    وده حرااااااااااااام
                    وبلاش نسميه انه حاجه لعدم البهدله
                    وفى حديث فيما معناه لعن الله الراشى والمرتشى والراش
                    [CENTER][SIGPIC][/SIGPIC][/CENTER]
                    [CENTER][FONT=Lucida Handwriting, Cursive][SIZE=4]Mohamed Sabry[/SIZE][/FONT][/CENTER]
                    [CENTER][FONT=Lucida Handwriting][SIZE=4]بيتلز للبيع يا جماعه :11:[/SIZE][/FONT][/CENTER]
                    [CENTER][URL]http://www.nilemotors.net/Nile/102307-63-72-a.html[/URL][/CENTER]

                    Comment


                    • #11
                      والله حاجة تطمئن القلب يا أخ محمد صبري

                      أنا خايف أمر بنفس تجربتك (ويمكن اكتر) لما أروح..

                      مع العلم إن واسطتي هو ربنا سبحانه وتعالي.
                      [SIZE="4"][COLOR="Blue"]Goodle[/COLOR][/SIZE]

                      [SIZE="4"][COLOR="Blue"]محمد عبد الجواد[/COLOR][/SIZE]

                      [COLOR="SeaGreen"][SIZE="5"]موضوع الساعة: الفن المسماري- حقائق تاريخية - متجدد[/SIZE]
                      [url]http://www.nilemotors.com/Nile/showthread.php?t=29892[/url][/COLOR]


                      [CENTER][SIZE="4"]مصر يامّة يا سفينة :)
                      شكلك كده.. هاتغرقينا :)[/SIZE][/CENTER]

                      Comment


                      • #12
                        يا خبر ابيض كل دا انت بجد صبور جدا جدا

                        والف مبروك وياترى اما هشترى العربيه كمان

                        اسبوع هرخص ازاى
                        [CENTER][URL="http://up3.m5zn.com/showimage-3-2008-r361615o7sn.jpg"][IMG]http://up3.m5zn.com/get-3-2008-r361615o7sn.jpg[/IMG][/URL][/CENTER]

                        Comment


                        • #13
                          انا كان هايجيلي heart attack و انا يقرا موضوعك بجد !!!!!!

                          ربنا يستر علييييه
                          [SIZE="2"]i'll miss everyone[/SIZE]

                          Comment


                          • #14
                            المشاركة الأصلية كتبت بواسطة onna مشاهدة المشاركة
                            انا كان هايجيلي heart attack و انا يقرا موضوعك بجد !!!!!!

                            ربنا يستر علييييه


                            يا نونا سسسلامه قلبك يا ستى بس نصيحه امسكى فى خالك بايدك وسنانك ولو ابن خالك ظابط اتجوزيه بسرعه اهو تضمنى راحتك فى الوسايط:D:D:D
                            [CENTER][SIGPIC][SIZE=3][B]لا اله الا انت سبحانك انى كنت من الظالمين[/B][/SIZE][/SIGPIC][/CENTER]

                            Comment


                            • #15
                              ههههههههههههههههههههههههه
                              حمد الله على سلامتك ومتعملش فيها محترم بعد كده
                              ومتزعلش بباك تانى أبداً
                              [CENTER][RIGHT][CENTER][SIGPIC][/SIGPIC]
                              [/CENTER]

                              [/RIGHT]
                              [/CENTER]

                              Comment

                              Working...
                              X