هل ينفع قيادة التاكسى برخصة خاصة

[ahmedshehata45]

اولا الف شكر لكل القائمين على المنتدى ثانيا ارجو من اصحاب الخبرة ان يفيدونى فى هزا الموضوع حيث لدى رخصة قيادة خاصة وعايز اشترى تاكسى واشتغل عليه بنفسى فهل ينفع اسوقه برخصة قيادة خاصة ولا لازم اطلع رخصة مهنية وشكرا مقدما

[lada2010]

لازم رخصة مهنية

[hugan]

لاززززززززززززم تكون مهنيه
لكن لو الامر ضروري ممكن يكون شغلك عليه خلال الليل يعني من بعد المغرب
الامور بتكون اسهل لو زنقت قوي بتراضي سعاده الامناء

[ahmedshehata45]

الف الف شكر بس انا صاحب التاكسى ورخصته باسمى فهل القانون يمنع ان اسوق عربيتى حتى وان كانت تاكسى وشكرا

[amribrahim]

الف الف شكر بس انا صاحب التاكسى ورخصته باسمى فهل القانون يمنع ان اسوق عربيتى حتى وان كانت تاكسى وشكرا

ماهو التاكسي يعني أجرة يعني إنت سوري يعني سواق يعني إنت مش شاري تاكسي علشان تروح بيه الشغل إنت شاريه علشان تشتغل عليه فإنت لازم تجيب مهنية و بعدين يا سيدي انت زعلان ليه روش رشة جريئة هههههة و طلع رخصة مهنية عادي خالص ههههههة

[ahmedshehata45]

ماهو التاكسي يعني أجرة يعني إنت سوري يعني سواق يعني إنت مش شاري تاكسي علشان تروح بيه الشغل إنت شاريه علشان تشتغل عليه فإنت لازم تجيب مهنية و بعدين يا سيدي انت زعلان ليه روش رشة جريئة هههههة و طلع رخصة مهنية عادي خالص ههههههة

الف شكر يا باشا ربنا يخليكم لينا ودايما عامر يا نيل موتورز

[amribrahim]

الف شكر يا باشا ربنا يخليكم لينا ودايما عامر يا نيل موتورز

سؤال بقى هتعمل ديسكونت لأعضاء نايل موتورز ؟؟

و لو حد طلب انك تواصلوا من شبرا لمدينة نصر و تاخد 10 جنيه توافق .. بس من غير ضرب ولا شتيمة ههههههة

[ahmedshehata45]

سؤال بقى هتعمل ديسكونت لأعضاء نايل موتورز ؟؟

و لو حد طلب انك تواصلوا من شبرا لمدينة نصر و تاخد 10 جنيه توافق .. بس من غير ضرب ولا شتيمة ههههههة

:pointiy2[2]:

بس يا باشا انا من السويس تبقى تيجى عندنا وانا اعملك اكبر دسكونت

[bassem.naguib]

أعتقد لو التاكسي بأسمك .. ممكن تسوقه برخصتك الشخصية وليس المهنية .. والعكس صحيح .. لو عاوز تشتغل على تاكسي وهو مش بأسمك .. يبقى لازم رخصة مهنية .
وكذلك السيارات الربع نقل .. ممكن تسوقها برخصة شخصية لو العربية بأسمك .. إنما الميكروباص (إلا لو ملاكي) والنقل لازم رخصة مهنية .

[amribrahim]

أعتقد لو التاكسي بأسمك .. ممكن تسوقه برخصتك الشخصية وليس المهنية .. والعكس صحيح .. لو عاوز تشتغل على تاكسي وهو مش بأسمك .. يبقى لازم رخصة مهنية .
وكذلك السيارات الربع نقل .. ممكن تسوقها برخصة شخصية لو العربية بأسمك .. إنما الميكروباص (إلا لو ملاكي) والنقل لازم رخصة مهنية .

معتقدش علشان هو بيزاول مهنة لكن لو هو عندو عربية ملاكي ممكن يشغلها ليموزين من غير رخصة مهنية زي بتوع المشاوير بالساعة و مشاوير للمطار و كلام من ده لكن تاكسي أجرة معتقدش

[M.FOUAD]

لو التاكسي باسمك ممكن تسوقة برخصتك الخاصة مفيش مشاكل و لو ميكروباص كمان او نص نقل شرط ان تكون الرخصة باسمك
بس النقل او التريلات مستحيل

[Ashraf_Ibrahim]

ممكن تسوقه برخصتك الخاصة على شرط ميكونش معاك ركاب
لأن ساعتها هتبقا بتزاول مهنة وهيقلك فين رخصتك المهنية
لافضل ما دمت ناوي تجيبه وهتشتغل عليه بنفسك -ودا الاحسن طبعا عشان تحافظ عليه - انك تطلع رخصة مهنية عشان محدش يرخم عليك وتبقا انت في السليم
وربنا يباركلك فيه مقدما يا جميل

[mazdawy]

تحياتى لكل أعضاء المنتدى وأود أن أرد على أخونا صاحب الموضوع بما يلى :
1- السيارة التاكسى ( الأجرة ) نقل ركاب لا يجوز قيادتها إلا برخصة مهنية حتى لو كان هو المالك .
2- لو مالكها سيقودها بنفسه فقط تصدر رخصة السيارة مدون بها بيان : ( لا يقودها الا مالكها ) ويسدد فى التأمينات تأمين صاحب عمل فقط .
3- لو سيستخدم سائق فانه يسدد تأمين صاحب العمل بالاضافة لتأمين سائق ويدون على رخصة السيارة بيان ( مؤمن على سائق) .
4- مخالفة هذه القواعد ينجم عنها سحب الرخصة والجزاءات الواردة بالقانون ولا ننصح بها واتباع القانون أفيد وأريح .
لذا وجب التوضيح تعميماً للفائدة( حلوة تعميماً للفائدة دى! ) وحباً منى لكل أعضاء المنتدى الرائع .

[amribrahim]

ممكن تسوقه برخصتك الخاصة على شرط ميكونش معاك ركاب
لأن ساعتها هتبقا بتزاول مهنة وهيقلك فين رخصتك المهنية
لافضل ما دمت ناوي تجيبه وهتشتغل عليه بنفسك -ودا الاحسن طبعا عشان تحافظ عليه - انك تطلع رخصة مهنية عشان محدش يرخم عليك وتبقا انت في السليم
وربنا يباركلك فيه مقدما يا جميل

تمام كدة علشان مش معقولة واحد يشتري تاكسي و يروح كل يوم الشغل بيه

[bassem.naguib]

أعتقد لو التاكسي بأسمك .. ممكن تسوقه برخصتك الشخصية وليس المهنية .. والعكس صحيح .. لو عاوز تشتغل على تاكسي وهو مش بأسمك .. يبقى لازم رخصة مهنية .
وكذلك السيارات الربع نقل .. ممكن تسوقها برخصة شخصية لو العربية بأسمك .. إنما الميكروباص (إلا لو ملاكي) والنقل لازم رخصة مهنية .

بعتذر يا جماعة على المعلومة الخاطئة دي .. أنا لسه سائل ومتأكد أنه فعلاً لازم رخصة مهنية .. ويكون مؤمن عليه كصاحب عمل .

بس الربع والنص نقل (لحد الحجم اللي زي الشيفر الدبابة) والميكروباص ممكن يتساقوا برخصة خاصة لو مش معلقة نمر نقل أو أجرة .