جماك السيارات القديمة ؟؟

[keko]

السلام عليكم
كنت عايز اعرف ما هى جمارك السيارات المستعملة موديلات قديمة من السبعينات لاواخر الثمانينات تتكلف كام تقريبا فى مواتير 1500 او 2000 سسى

السبب انا بشوف العربيات الاستيراد بتاعت قطع الغيار اللى بتيجى نصين حالة فوق الوصف ولو ممكن الواحد يخلى حد جاى من بره يجيبله معاه عربية موديل قديم لان ميزانيتى مش عالية اكون استفدت بعربية فابريقة دواخل وخوارج وموتور وكله حتى لو الموضوع اتكلف شوية خصوصا ان الاسعار بره فى الارض

مع الشكر

[mertahgedan]

أنسي الكلام ده

[hossam_elwani]

لازم يكون المالك الاول ليها غير كده لا

[dode2002]

انا اسف علي التعليق الي هقوله
بس
مكنش حد غلب

[MASERATI]

السلام عليكم
كنت عايز اعرف ما هى جمارك السيارات المستعملة موديلات قديمة من السبعينات لاواخر الثمانينات تتكلف كام تقريبا فى مواتير 1500 او 2000 سسى

السبب انا بشوف العربيات الاستيراد بتاعت قطع الغيار اللى بتيجى نصين حالة فوق الوصف ولو ممكن الواحد يخلى حد جاى من بره يجيبله معاه عربية موديل قديم لان ميزانيتى مش عالية اكون استفدت بعربية فابريقة دواخل وخوارج وموتور وكله حتى لو الموضوع اتكلف شوية خصوصا ان الاسعار بره فى الارض

مع الشكر

السلام عليكم و رحمة الله و بركاته

ياااااااااااااااااااه .

ماكنش حد غلب , كان كل الناس سابت العربيات اللى هى مش عربيات اللى هنا فى مصر و جريت على بره جابت عربيات مستعملة , موديل التمانينات و لا التسعينات من بره و ركبت و انبسطت.

العربيات اللى سيادتك بتتكلم عليها دى , ماينفعش أنها تخش خالص خالص خااااااااااااااالص الا قطع غيار مستعملة و متقطعة و ماينفعش تترخص هنا فى مصر على الاطلاااااااااااااااق .

الا فى حالة واحدة :

أنك تجيب واحدة من بره و تدخلها تربتكت عادى من ميناء الاسكندرية و بعد كده ترميها فى قرية البضايع لحاااااااااااااااد , ما تتصادر و تنزل فى مزاد من بتوع الهيئة العامة للخدمات الحكومية , تقوم , أنت داخل و مزايد عليها و شاريها و فى الحالة دى , العربية ممكن تترخص فى المرور عندنا ( اذا كنت شاريها على أنها تترخص و مانتش شاريها على أساس أنها لاترخص, خد بالك من كراسة الشروط بتاع المزاد ), أنا كنت شفت ناس عملت كده مرة سنة 2001 , فى مزاد من بتوع ميناء اسكندرية اللى عند باب 6 و كان راجل مصرى جاى من ألمانيا و معاه عربية مرسيدس 380sel مو 1983 و طبعا اتصادرت منه , بس لما نزلت فى المزاد , دخل هو و اشتراها ب حوالى 85000 جنيه -طبعا سعر مبالغ فيه جدا- , بس طبعا مخاطرة , لأن ممكن أى حد من اللى قاعدين فى المزاد يزايد عليها و ياخدها منك .

[most_wanted]

انا اسف علي التعليق الي هقوله
بس
مكنش حد غلب

انا نزلت عزبه شلبي لاقيت ريجاتا نصين فبريه بره وجوه بتتباع قطع غيار والعربيه شكلها حاله الزيرو وشوفت عربيات كتير نفس الحكايه

[MBhead]

كان راجل مصرى جاى من ألمانيا و معاه عربية مرسيدس 380sel مو 1983 و طبعا اتصادرت منه , بس لما نزلت فى المزاد , دخل هو و اشتراها ب حوالى 85000 جنيه -طبعا سعر مبالغ فيه جدا- .

لا يا دكتور دي سعرها كده عادي مش غالي و لا اي حاجة هيا من 10 سنين كانت سعرها اكتر كم كده
يعني لو حالة نضيفة اوووي سنة 2000 كانت تعمل 140 و 160 احنا كان معانا 500sel موديل 89 كانت كاملة بعناها سنة 2001 تقريبا او 2000 ب 225 الف دلوقتي تعمل 120 او 150 دي لو حالة شاذة

[MASERATI]

لا يا دكتور دي سعرها كده عادي مش غالي و لا اي حاجة هيا من 10 سنين كانت سعرها اكتر كم كده
يعني لو حالة نضيفة اوووي سنة 2000 كانت تعمل 140 و 160 احنا كان معانا 500sel موديل 89 كانت كاملة بعناها سنة 2001 تقريبا او 2000 ب 225 الف دلوقتي تعمل 120 او 150 دي لو حالة شاذة

السلام عليكم و رحمة الله و بركاته

حمدالله عالسلامة يا باشا , أنت فين من بدرى , هو أنت ماتدخلش الا اذا كان الموضوع فيه مرسيدس !!!

هو فعلا السعر ده أيامها كان بتاعها لكن للأسف دلوقتى بتعمل بتاع 45000-50000 جنيه, بس خلى بالك أنه, على حسب كلامه لأنى كنت اتكلمت معاه, أنه كانت العربية دى بتاعته فى ألمانيا , يعنى هو دفع تمنها مرتين , غير أى اصلاحات هو هيعملها فى العربية بعد ماترمت فى قرية البضايع فى ميناء الاسكندرية و امتدت اليها أيدى العابثين اللى بيعرفوا ينفضوا العربيات كويس أوى , منهم لله , دول ليهم سمعة عالمية و الله و الجرايد كتبت عن الحرامية دول .

أنا فاكر أنه فى نفس المزاد ده, كان فيه عربية تانية mercedes 300sel موديل 1990 , بس آخر التمساحة مش الشبح, اتباعت ب 130000جنيه, بس مش فاكر هو اللى اشتراها برضه و لا حد تانى .

[hossam_elwani]

اعتقد انه ينفع ياجماعة بس بشرط انه يبقى المالك اول ليها حتى ولو من 20 سنة

[MASERATI]

اعتقد انه ينفع ياجماعة بس بشرط انه يبقى المالك اول ليها حتى ولو من 20 سنة

السلام عليكم و رحمة الله و بركاته

أنا لما أروح و أقولهم أن أنا معايا عربية مرسيدس معدلة e200 مو 1980 و أن أنا أنا أول مالك ليها, هما هيعملوا الآتى ذكره :

هيقولولى , يعنى أنت مقيم بره من سنة 1980, ده على أساس أنه أول ماحط رجله فى ألمانيا , قام رايح شارى عربية مرسيدس, المفروض اللى تملك عربية مرسيدس سنة 1980 ده , يكون موجود هناك من سنة 1978 مثلا, بس مش؟؟؟؟؟, خلى بالك أن ممكن صاحب العربية اللى بيقول أنه أول مالك ده, يكون هو أصلا مواليد 1983 , ماعلينا ,هنقول أنه راح سنة 1980 و اشتراها سنة 1980 , هيقولولك ايه اللى يثبت أنك مقيم بره من سنة 1980, مش فيه جواز سفر فيه الكلام ده و تأشيرات و كلام من ده و لا ايه؟؟؟ و هو فيه واحد بقاله مثلا 31 سنة فى ألمانيا , ممعاهوش الجنسية الألمانية و هيلف و يدور عشان يدخل مرسيدس معدلة مو 1980 برضه , الا اذا كان الراجل ده كان قاعد فى مصر و كل حاجة بس كان شارى العربية المرسيدس مو 1980 دى بره و راكنها عشان ييجى سنة 2011 و يدخلها مصر.

و أنت عارف لو عدى من كوووووووووووول الكلام ده , هيحسبوله الجمارك ازاى؟؟؟ , أقولك,هيقولوله, أنت جايب عربية ايه يا حلو؟؟؟؟؟ , هيلاقوها مرسيدس E200 مو 1980 , يقوموا عاملين ايه , حاسبين جمارك المرسيدس E200 مو 2011 و يشيلوا خصم الاستعمال اللى هو بحد أقصى 50% و يضيفوا ضريبة التنمية و المبيعات و القرف ده كله و يقولوله , ادفع بالتى هى أحسن , يقوم يلاقى أن المرسيدس المعدلة دى , وقفت عليه مثلا ب 250000 جنيه , أغلى مرسيدس معدلة فى تاريخ الشرق الأوسط و شمال أفريقيا , دول عالم حريفة ولاد كلTEEEEEEEEEET .


فيه ناس بتدور آناء الليل و أطراف النهار على حلول للموضوع ده و مالقيتهوش و لو كانت لقيته , كانت البلد اتملت زلموكات فابريكة ب 10000 جنيه

[MBhead]

السلام عليكم و رحمة الله و بركاته

حمدالله عالسلامة يا باشا , أنت فين من بدرى , هو أنت ماتدخلش الا اذا كان الموضوع فيه مرسيدس !!!

هو فعلا السعر ده أيامها كان بتاعها لكن للأسف دلوقتى بتعمل بتاع 45000-50000 جنيه, بس خلى بالك أنه, على حسب كلامه لأنى كنت اتكلمت معاه, أنه كانت العربية دى بتاعته فى ألمانيا , يعنى هو دفع تمنها مرتين , غير أى اصلاحات هو هيعملها فى العربية بعد ماترمت فى قرية البضايع فى ميناء الاسكندرية و امتدت اليها أيدى العابثين اللى بيعرفوا ينفضوا العربيات كويس أوى , منهم لله , دول ليهم سمعة عالمية و الله و الجرايد كتبت عن الحرامية دول .

أنا فاكر أنه فى نفس المزاد ده, كان فيه عربية تانية mercedes 300sel موديل 1990 , بس آخر التمساحة مش الشبح, اتباعت ب 130000جنيه, بس مش فاكر هو اللى اشتراها برضه و لا حد تانى .

الحمد لله يا دكتور و طبعا طول ما العربية مركونة في الميناء او في الجمارك و في جراج مرور لازم تتسرق
و طبعا تلاقي الراجل الغلبان الكاسيت البيكر بتاعه اتسرق .......انا كنت عايز اجيب كاسيت بيكر اسمه Mexico
نفس كاسيت بتاع عربيتي و نفس الموديل بس الامكانيات حديثة جدا لقيتوا ب 1000 يورو في النمسا
مش عارف في مصر عامل كام دا اول حاجة بتتسرق من العربية المرسيدس
هوا مستحيل حد يدخل عربية مستعملة هوا مش المالك الاول لها بس في ناس بتاخد فلوس و تضرب ورق لان طبعا مصر مش بترخص عربيات اكتر من 8 سلندر و انا مرة شفت بي ام 850i حمرا موتورها 12 سلندر و لما سالت صاحبها قالي انو كان ضارب ورقها و مكتوب في الدوسه انها 8 سلندر من 12 و كل مابيفحص بيدفع رشوة ة في حركة حلوة ان اللي نفسه في عربيه معينة يجيب منها واحدة اي حالة من مصر(بس اساسيتها سليمة ) و لو بيسافر بره مصر او يعرف حد هناك يشوفلو واحدة و يقطعها و يبعتها لمصر و ياخد الصاج و الموتور والعفشة و كل حاجة و يركبهم علي العربية اللي معاه و كده يبقي معاها عربيه نضيفة
و علي فكرة في دول بتمنع تصدير العربيات اللي عدي علي تصنعها 30 سنة لانها بتدخل في بند الكلاسيك و تعتبر ارث قومي (عشان كده بيقطعوها هناك )

[keko]

السلام عليكم و رحمة الله و بركاته

ياااااااااااااااااااه .

ماكنش حد غلب , كان كل الناس سابت العربيات اللى هى مش عربيات اللى هنا فى مصر و جريت على بره جابت عربيات مستعملة , موديل التمانينات و لا التسعينات من بره و ركبت و انبسطت.

العربيات اللى سيادتك بتتكلم عليها دى , ماينفعش أنها تخش خالص خالص خااااااااااااااالص الا قطع غيار مستعملة و متقطعة و ماينفعش تترخص هنا فى مصر على الاطلاااااااااااااااق .

الا فى حالة واحدة :

أنك تجيب واحدة من بره و تدخلها تربتكت عادى من ميناء الاسكندرية و بعد كده ترميها فى قرية البضايع لحاااااااااااااااد , ما تتصادر و تنزل فى مزاد من بتوع الهيئة العامة للخدمات الحكومية , تقوم , أنت داخل و مزايد عليها و شاريها و فى الحالة دى , العربية ممكن تترخص فى المرور عندنا ( اذا كنت شاريها على أنها تترخص و مانتش شاريها على أساس أنها لاترخص, خد بالك من كراسة الشروط بتاع المزاد ), أنا كنت شفت ناس عملت كده مرة سنة 2001 , فى مزاد من بتوع ميناء اسكندرية اللى عند باب 6 و كان راجل مصرى جاى من ألمانيا و معاه عربية مرسيدس 380sel مو 1983 و طبعا اتصادرت منه , بس لما نزلت فى المزاد , دخل هو و اشتراها ب حوالى 85000 جنيه -طبعا سعر مبالغ فيه جدا- , بس طبعا مخاطرة , لأن ممكن أى حد من اللى قاعدين فى المزاد يزايد عليها و ياخدها منك .

طيب من موضوع المزادات ده ممكن اوصى ناس ف الميناء وساعة المزاد اروح اشوف العربيات اللى معروضة للبيع واشترى واحدة ولا ايه ؟؟

الحمد لله يا دكتور و طبعا طول ما العربية مركونة في الميناء او في الجمارك و في جراج مرور لازم تتسرق
و طبعا تلاقي الراجل الغلبان الكاسيت البيكر بتاعه اتسرق .......انا كنت عايز اجيب كاسيت بيكر اسمه mexico
نفس كاسيت بتاع عربيتي و نفس الموديل بس الامكانيات حديثة جدا لقيتوا ب 1000 يورو في النمسا
مش عارف في مصر عامل كام دا اول حاجة بتتسرق من العربية المرسيدس
هوا مستحيل حد يدخل عربية مستعملة هوا مش المالك الاول لها بس في ناس بتاخد فلوس و تضرب ورق لان طبعا مصر مش بترخص عربيات اكتر من 8 سلندر و انا مرة شفت بي ام 850i حمرا موتورها 12 سلندر و لما سالت صاحبها قالي انو كان ضارب ورقها و مكتوب في الدوسه انها 8 سلندر من 12 و كل مابيفحص بيدفع رشوة ة في حركة حلوة ان اللي نفسه في عربيه معينة يجيب منها واحدة اي حالة من مصر(بس اساسيتها سليمة ) و لو بيسافر بره مصر او يعرف حد هناك يشوفلو واحدة و يقطعها و يبعتها لمصر و ياخد الصاج و الموتور والعفشة و كل حاجة و يركبهم علي العربية اللي معاه و كده يبقي معاها عربيه نضيفة
و علي فكرة في دول بتمنع تصدير العربيات اللي عدي علي تصنعها 30 سنة لانها بتدخل في بند الكلاسيك و تعتبر ارث قومي (عشان كده بيقطعوها هناك )

موضوع اللعب فى الورق ده مش بحبه والا كان زمانى شارى عربية لانوس 2005 نصين وضاربلها ورق ورخصة ونمر كله مضروب والموضوع ما كانش هايكلف معايا 12 الف

طيب كده فيه اقتراح على السيرة اسمع ان مزادات الشركات والحكومة والسفارات بيكون فيها عربيات لقطة ينفع اروح واسال عادى ولا الموضوع ليه مافيا تجار مسيطرين عليه ؟؟

[MASERATI]

طيب من موضوع المزادات ده ممكن اوصى ناس ف الميناء وساعة المزاد اروح اشوف العربيات اللى معروضة للبيع واشترى واحدة ولا ايه ؟؟

طيب كده فيه اقتراح على السيرة اسمع ان مزادات الشركات والحكومة والسفارات بيكون فيها عربيات لقطة ينفع اروح واسال عادى ولا الموضوع ليه مافيا تجار مسيطرين عليه ؟؟

السلام عليكم و رحمة الله و بركاته

بالنسبة لموضوع المزادات, مفيش سيطرة تجار و لا حاجة ساعة المزاد,المزاد بيتعلن عنه فى الأهرام و بيكون فى القاهرة فى المطار أو فى الاسكندرية فى الميناء أو فى بورسعيد فى الميناء و على ما أعتقد أن كراسة الشروط كانت بتبقى ب 50 جنيه و التأمين كان بيبقى 2000 جنيه, ممكن المعلومات دى تكون قديمة لأنها كانت من حوالى 5 سنين و لا حاجة.

كل اللى أنت بتعمله , أنه لما بيتعلن عن المزاد فى الأهرام أو الأخبار, أو لو أنت ليك حد قريب أو معرفة فى الهيئة العامة للخدمات الحكومية , بتعرف أن فيه مزاد و أن البضاعة بتكون فى المكان الفلانى , بتشترى كراسة الشروط و بتروح تعاين البضاعة و أنت بتقدر أن العربية الفلانية حالتها كذا و أنها محتاجة كذا و كذا عشان تتشد و بالتالى هتصرف معايا كذا و بالتالى يبقى أنا لازم ماتزيدش معايا عن كذا, عشان مابقاش خسران فيها و هكذا يعنى .....

أنت بتدفع التأمين الصبح على باب قاعة المزاد و بتاخد وصل و بتدخل القاعة و بتدخل تزايد و زى أى حاجة فى مصر هتلاقى فيه تربيطات و هتلاقى اللى بيديروا المزاد أحيانا بيهجصوا علشان يرفعوا سعر العربية لأن بيقى عندهم تعليمات أن سعر العربية الفلانية ماينفعش تخلص بأقل من كذا, يعنى مثلا, مفيش عربية شبح s320 مو1996, هتخلص مثلا ب 50000 جنيه زى ما كنا بنشوف فى الأفلام و المسلسلات و حتى لو كان الكلام ده بيحصل زماااااااااااااااان , أيام ماكانت الناس مش عارفة حاجة و ماكانشى بيحضر المزادات الا التجار و الناس اللى عارفة و فاهمة يعنى ايه مزاد, لكن اليومين دول , ممكن تلاقى واحد مش تاجر و بيدور على عربية يركبها و تلاقيه داخل المزاد عشان فيه عربيات تنفعله و عاوز يزايد عليها عشان ياخد واحدة منها و لازم يكون جاهز معاك فلوس عشان أى عربية من دول لو رسيت عليك , أعتقد أنك لازم تدفع بتاع 30% من تمنها أثناء الجلسة . .

لكن لأن هناك عنصر الفساد منتشر فى البلد , فممكن تلاقى فيه مزادات بتتعمل و مابيتعلنش عنها و بالتالى بيقى اللى بيعرف بيها ناس محدودين, اللى هما ليهم واسطة فى الجمارك و المينا و الهيئة العامة للخدمات الحكومية .

أما بالنسبة للسفارات و الهيئات الأجنبية و الهيئات الدولية , فالعربيات بتاعتها ماتتباعش فى مزادات الهيئة العامة للخدمات الحكومية لأنها مالهاش علاقة بيها , لكن السفارة اللى عاوزه تبيع, هى اللى بتعمل اعلان بنفسها و تبيع .

و العربيات بتاع السفارات و الهيئات الأجنبية أكيد بتكون حالتها أفضل من بتاع الهيئة اللى مرمية فى الميناء و كل يوم بيتسرق منها حاجات ياما و عالعموم , مفيش عربية فى كووووووووووووووووول المزادات دى بتخلص أقل من توبها , لأن اذا كنت أنت عاوز تاخدها رخيصة عشان تبيعها و تكسب , فيه غيرك, مستعد ياخدها بتوبها و لا يمكن أغلى شوية على أساس أنها عربيات بتبقى على الأقل أساسياتها سليمة و مش هتكون مقلوبة و لا مغيرة سقف و لا نص و هو مش عارف .

بالتوفيق ان شاء الله .

[keko]

طيب وتكهين الشركات
انا مرة بتكلم مع واحد معاه عربية بولونيز 91 قاللى مكلفاه 8 الاف !!!
لما سالته قاللى انه اخدها من مزاد شركة متكهنة كخردة وبعدين راح المرور اعاد ترخيصها ! وفى الاجمالى وقفت عليه ب 8 !!
ممكن حد يفهمنى هوا عمل كده ازاى وبعدين قاللى كمان فيه عربيات تانية بتتباع شركات مترخصة برضه بس اللى عمله اوفر قلتله مش كده مخاطرة انهم ما يرضوش يرخصوها قاللى لا عادى

[anaskhal]

السلام عليكم و رحمة الله و بركاته

بالنسبة لموضوع المزادات, مفيش سيطرة تجار و لا حاجة ساعة المزاد,المزاد بيتعلن عنه فى الأهرام و بيكون فى القاهرة فى المطار أو فى الاسكندرية فى الميناء أو فى بورسعيد فى الميناء و على ما أعتقد أن كراسة الشروط كانت بتبقى ب 50 جنيه و التأمين كان بيبقى 2000 جنيه, ممكن المعلومات دى تكون قديمة لأنها كانت من حوالى 5 سنين و لا حاجة.

كل اللى أنت بتعمله , أنه لما بيتعلن عن المزاد فى الأهرام أو الأخبار, أو لو أنت ليك حد قريب أو معرفة فى الهيئة العامة للخدمات الحكومية , بتعرف أن فيه مزاد و أن البضاعة بتكون فى المكان الفلانى , بتشترى كراسة الشروط و بتروح تعاين البضاعة و أنت بتقدر أن العربية الفلانية حالتها كذا و أنها محتاجة كذا و كذا عشان تتشد و بالتالى هتصرف معايا كذا و بالتالى يبقى أنا لازم ماتزيدش معايا عن كذا, عشان مابقاش خسران فيها و هكذا يعنى .....

أنت بتدفع التأمين الصبح على باب قاعة المزاد و بتاخد وصل و بتدخل القاعة و بتدخل تزايد و زى أى حاجة فى مصر هتلاقى فيه تربيطات و هتلاقى اللى بيديروا المزاد أحيانا بيهجصوا علشان يرفعوا سعر العربية لأن بيقى عندهم تعليمات أن سعر العربية الفلانية ماينفعش تخلص بأقل من كذا, يعنى مثلا, مفيش عربية شبح s320 مو1996, هتخلص مثلا ب 50000 جنيه زى ما كنا بنشوف فى الأفلام و المسلسلات و حتى لو كان الكلام ده بيحصل زماااااااااااااااان , أيام ماكانت الناس مش عارفة حاجة و ماكانشى بيحضر المزادات الا التجار و الناس اللى عارفة و فاهمة يعنى ايه مزاد, لكن اليومين دول , ممكن تلاقى واحد مش تاجر و بيدور على عربية يركبها و تلاقيه داخل المزاد عشان فيه عربيات تنفعله و عاوز يزايد عليها عشان ياخد واحدة منها و لازم يكون جاهز معاك فلوس عشان أى عربية من دول لو رسيت عليك , أعتقد أنك لازم تدفع بتاع 30% من تمنها أثناء الجلسة . .

لكن لأن هناك عنصر الفساد منتشر فى البلد , فممكن تلاقى فيه مزادات بتتعمل و مابيتعلنش عنها و بالتالى بيقى اللى بيعرف بيها ناس محدودين, اللى هما ليهم واسطة فى الجمارك و المينا و الهيئة العامة للخدمات الحكومية .

أما بالنسبة للسفارات و الهيئات الأجنبية و الهيئات الدولية , فالعربيات بتاعتها ماتتباعش فى مزادات الهيئة العامة للخدمات الحكومية لأنها مالهاش علاقة بيها , لكن السفارة اللى عاوزه تبيع, هى اللى بتعمل اعلان بنفسها و تبيع .

و العربيات بتاع السفارات و الهيئات الأجنبية أكيد بتكون حالتها أفضل من بتاع الهيئة اللى مرمية فى الميناء و كل يوم بيتسرق منها حاجات ياما و عالعموم , مفيش عربية فى كووووووووووووووووول المزادات دى بتخلص أقل من توبها , لأن اذا كنت أنت عاوز تاخدها رخيصة عشان تبيعها و تكسب , فيه غيرك, مستعد ياخدها بتوبها و لا يمكن أغلى شوية على أساس أنها عربيات بتبقى على الأقل أساسياتها سليمة و مش هتكون مقلوبة و لا مغيرة سقف و لا نص و هو مش عارف .

بالتوفيق ان شاء الله .

ايه الابداع ده كلامك فى الصميم الله يفتح عليك واضح ان حضرتك دايس جامد فى موضوع المزادات