محتاج أعمل رخصه دوليه ضروري

[marsguy]

السلام عليكم ورحمة الله وبركاته

يا شباب أنا محتاج مساعدتكم

أنا محتاج أعمل رخصه دوليه ضروري عشان مسافر بعد 3 أسابيع. أنا عارف الإجراءات بس المشكله إني مش عارف إذا كان مرور مدينة نصر فاتح ولا لأ ونادي السيارات فاتح ولا لأ.

يا ريت ما حدش يبخل عني بأي معلومه إذا كان عارف نعمل ا لرخصه الدوليه إزاي اليومين دول.

شكراً

[AHMED1718]

http://www.nilemotors.net/Nile/196026-a.html

[marsguy]

جزاك الله خيراً

بس أنا لي سؤال

أنا طلعت الرخصه الدوليه قبل كده. لازم في التجديد أروح الإداره العامه للمرور برضه؟

شكراً

[mohamed_selim]

ايوه مفيش تجديد بتعملها زى ما تكون اول مره و لازم رخصتك يكون فاضل عليها اكتر من سنه

[marsguy]

ألف شكر يا شباب

أنا كلمت نادي السيارات وقالولي إنهم شغالين من 9 إلى 1

وقالولي إن الإداره العامه للمرور شغاله برضه

ربنا يكرم

[marsguy]

ألف شكرا يا شباب

الحمد لله ربنا كان ميسرلي الأمور جداً النهارده

رحت الإداره العامه للمرور وعملت الجواب في أقل من 5 دقائق. والجميل كمان هي الطريقه الجديده للمعامله من الداخليه. لما رحت أختم الجواب الراجل اللي ختمهولي كان قمه في الإحترام وكان بيقوللي يا فندم وحضرتك.

بعد كده رحت نادي السيارات وبرضه الموضوع ما خدش مني 10 دقائق على بعض. منهم خمس دقائق أنا مليت فيهم الإستماره.

نصيحه بقى عشان ما تضيعوش وقت، جهزوا صور الرخصه والبطاقه قبل أما تروحوا وأتأكد إن معاك قلم. ويفضل يكون معاك الباسبور أو صوره منه عشان المفروض تملى الإستماره بتاعت نادي السيارات من واقع بيانات الباسبور.

شكراً

[a7madramadan]

لازم يكون اساسا معاك الباسبور أصل وصورة (في الإسكندرية كان ده المطلوب وأعتقد ان الموضوع ده عام لمصر كلها مش الاسكندرية بس)

وكلامك مظبوط كل المرور بقوا محترمين حبتين زيادة عن الطبيعي بتاعهم ويارب يفضلوا على كده علطووول وتتحسن أحوالنا مع الحكومة كلها