سؤال هااااااام عن رخصة السيارة

[beshomilan]

دلوقتى ياجماعة انا كنت شارى عربية مستعملة فيها رخصة لحد شهر 7 /2011 والفحص 2013 وطبعا الرخصة باسم صاحبها والمفروض تتجدد شهر 7 الجاى ده..تمام كده

دلوقتى انا عايز اعرف

ينفع انقل الرخصة باسمى ويتضاف لى سنتين الفحص الباقيين دول على الرخصة اللى هتكون باسمى..ولا لازم لو نقلتها باسمى اعمل فحص جديد للعربية ويطيروا سنتين الفحص دول؟؟
ولا
لازم تتجدد باسم صاحبها السابق عشان استفاد بسنتين الفحص الباقيين دول؟؟

علما انى امتلك عقد مسجل ولكنى غير موقع عليه عشان لما اشتريت العربية استفاد بمده الرخصة الباقية

--------------------------------------------------------------------------------------------------------------------------
سؤال اخر

اعمل ايه وايه الاجراءات اللى لازم اخدها عشان انقل ملف عربيتى من مرور بين السرايات الى مرور عبود علما انى اتبع مرور عبود واللى باعهالى كان تبع مرور بين السرايات

اشكركم يا اخواتى جدااااااا

[SS]

لو شارى بعقد يبقى كده كده مفروض انك ما ينفعش تجدد باسم صاحبها

لو نقلت الرخصة باسمك و هى لسه سارية تقدر تستفيد بمدة الضريبة و التأمين ....لكن لازم هتفحص

اللى هتحتاجه لما تيجى تنقل شهادة المخالفات.....و احياناً بتوع الفحص بيطلبوا مطابقة بصمة لما بيحبوا يرخموا

[beshomilan]

مشكور استاذى على الرد

يعنى كده انا افهم انى شهر 7 الجاى (تاريخ انتهاء الرخصة ) لازم هفحص بكل الاحوال وهيضيع عليا سنتين الفحص اللى فى الرخصة القديمة

وبعد اذنك يعنى ايه هيطلبوا مطابقة بصمة؟؟؟ايه مطابقة بصمة دى ولزمتها ايه؟؟

[SS]

بالظبط يا باشا....الا لو استخدمت الطرق البديلة

و طبعاً الموضوع مش مستاهل ...طالما انك كده كده ناوى تنقلها باسمك و هتفضل معاك

بالنسبة لموضوع البصمة ده ...فعلى حد علمى انه و انت بتفحص ممكن يرجعك المرور اللى العربية تابعة له

علشان يطابقوا بصمة العربية اللى هو رفعها بالبصمة اللى موجودة ف ملف الغربية ف المرور اللى بتنقل منه

على فكرة لو عملت بحث على موضوع التجديد و الفحص ده ...هتلاقى مواضيع كتير اصحابها شارحين بالتفصيل

سواء فى المنتدى هنا او فى منتديات تانية

http://www.nilemotors.net/Nile/10902-a.html

[shooter123]

لو نقلت الملكية اكيد حتفحص وحيروح عليك السنتين
لو ممكن يعملك توكيل بالبيع لنفسك وللغير يبقي تمام اوي وحتستفيد من السنتين

[mhmdalsaadany]

يا باشا الراجل خلاص عمل عقد مسجل وممضاش عشان الرخصه يستفاد بيها

[zyadahmed]

هايضيعوا عليك السنتين لكن مش مهم فى مقابل انك هاتنقل العربية باسمك وهاتسجلها كده امان اكتر فى الايام الغريبة اللى احنا فيها
انا رخصتى خلصت من اسبوع والملف بتاعى اتحرق فى مرور محرم بك اسكندرية وماشى شهر السماح والله اعلم المستقبل ايه ؟؟؟
خليك فى المضمون

[beshomilan]

اشكركم يا اخواتى بجد على مساعدتكم ليا

بس سؤال هو لو العربية فيها خبطة صغيرة عند الفانوس من الجنب دى لازم تتظبط ولا عادى ممكن تعدى فى الفحص