إعـــــــلان

Collapse

.

,
See more
See less

تغيير كروسليه وموتور وبلاوى ايه وضع المرور

Collapse
X
 
  • Filter
  • الوقت
  • Show
Clear All
new posts

  • تغيير كروسليه وموتور وبلاوى ايه وضع المرور

    السلام عليكم
    الفكرة دلوقتى انا عايز اعمل الاتى ان شاء الله وهحاول احط اختيارات عشان لو حاجة ممنوعة
    1 -1- اشترى عربية لادا 1200 كانت تاكسى و حولت لملاكى تكون بالوان التاكسى واخد جواب المرور اللى ارخص بيه ملاكى
    1 -2 - اشترى عربية لادا 1200 تكون متحولة ملاكى بالطريقة السابقة

    والعربية لو كانت تاكسى سعرها عندنا ممكن يكون من 3 ل 4 الاف جنيه ويزيد شوية لو مترخصة ملاكى وطبعا حالتها ضايعة

    2 -1 - اشترى عربية لادا 1200 نصين استيراد كاملين بكل محتوياتها ودى سعرها من 4 ل 5 الاف
    2 - 2- اشترى عربية لادا 2107 نصين استيراد كاملين بكل محتوياتها ودى سعرها من 4 ل 5 الاف

    3 -1 - اغير الكروسليه كامل 2107 والموتور والعفشة وكل حاجة ما عدا الشاسيه واروح المرور يدقوا رقم الشاسيه الاصلى على الجديد واثبت الموتور وانقل مكلية

    طيب ايه بيكون الاول نقل الملكية ولا الفحص ولا تغيير الكروسليه ولا الموتور ولا كله مع بعض ؟
    ممكن فى وسط الشغل ده بدل موتور اللادا اركب موتور شاهين مع العلم انه يركب على نفس القواعد ومش محتاج تعديل فى الحوض بس النقطة انه فيات طيب ايه وضعه فى التسجيل ؟

    الموضوع ممكن يتكلف معايا بالمصنعيات من 9 ل 13 الف حسب الظروف

    طيب انا ايه غرضى من البلاوى دى ووجع القلب والجرى ورا المرور والصنايعية شهور :
    كده اكون اولا وفرت كتير فى ثمن العربية لانها ساعتها تساوى ما لا يقل عن 20 الف بس مش الفلوس اللى شاغلانى لانى طبعا هاضيع وقت كتير يساوى المبلغ ده ده الاستفادة الحقيقية لو كل النقاط انى اكون بانى العربية على ايدى وضامن انها ما فيهاش نقطة بارومة ولا راشة برة ولا جوة وضامن كل الرفايع والتقايل من موتور وعفشة لحد الولاعة ودراع النور كله سليم وشغال وبحالة ممتازة بالاضافة لو امكن موتور الشاهين اكون استفدت جدا من نعومة وقوة مش موجودة فى مواتير اللادا والعربية تبقى اتحولت من موديل سبعينات لموديل 2000 على الاقل لان النصين هايكونوا موديل عالى ان شاء الله

    مع العلم انا بتكلم كتير مع سواقين تاكسى وكتير منهم قالولى مغيرين كروسليه عادى بس بيروح الموتور يثبته ومعرفش موضوع تغيير الموديل من 1972 ل 1995 فيه مشكلة مع ان كله لادا عادى طالما كروسليه لنفس الموديل ولا ايه نظامه وناس تانية قالتلى ينفع موتور الشاهين يتثبت عادى فى لادا طالما مفيش تعديل فى القواعد وطبعا كل الكلام ده سماعى مش واثق منه وانا معرفش هل فيه استعلامات للمرور وجوا بيبقوا رخمين ومابيتكلموش كتير

    سؤال ثانى هل اصلا الشاهين تعامل فيات فى المرور (زى البولونيز كده) ؟

    الحاجة التانية بقى لو فكرت اعمل نفس الموضوع ده مع عربية بولونيز وتحويل الموديل ده من الفوانيس المدورة لموديل الفوانيس المستطيلة اللى بعد 1997 او مع عربية 131 وتحويلها لشاهين وطبعا الاثنين نفس الشاسيه

    وده موقع المرور
    ظˆط²ط§ط±ط© ط§ظ„ط¯ط§ط®ظ„ظٹط© - ط£ط³ط¦ظ„ط© ظˆط£ط¬ظˆط¨ط©?

    انا عايز كل اللى يعرف معلومة من حضراتكم يقوللى عليها ويلغى نقاط او يضيفها من الخطوات اللى انا قلتها بس يا ريت حد يقدر يفيدنى لانى تعبان تعبان جدا والله فى الفلوس ومقدرش على زيرو وظروف شغلى لازم عربية جدا ومش حمل كل شوية وقف حال وعطلة اسف انى طولت عليكم بس ياريت يكون فيه افادة للجميع

  • #2
    متابع باهتمام , بالتوفيق ان شاء الله

    Comment


    • #3
      يا مسهل محدش يعرف حاجة عن المواضيع دى ؟؟؟؟؟؟؟؟

      Comment


      • #4
        ايه يا جماعة فين رجالة النايل

        Comment


        • #5
          الي اعرفه هو حوار تسقيط الموتور انه لازم يكون نفس الماركه بتاعت العرييه
          لكن ليه ياعم اللفه دي هاتلك عريه زيرو هتبقي ضمنها 100% بس طبعا مترحش تجيب صيني وتبقي ضمنه
          بالنسبه انك تعمل العربيه دي نصين انا اخاف من النقطه دي غير كدا انا لما والدي انقلب بعربيته القديمه بيجو 504 قالوله لو هتغير ربع ولا نص السيرفو مش هيبقي مظبوط ختمت واستعدلنا بس غيرنا السقف
          لو بقي من ناحيه الامان
          العربيات القديمه كلها مفيهاش وسائل الامان زي اهم حاجه نقاط الانهيار
          يعني لاقدر الله لو لبست مثلا علي 120 في هدف ثابت العربيه هتجيب قوايم وش عمي بقي لبس في عربيه جيش بس مش الايام دي كان ماشي 140 وعربيه الجيش ماشيه حوالي اربعين القوايم سليمه بس السقف اتنا لان عجله العربيه التانيه طلعت فوقيها الفردة اليمين ودي بقا نقاط الانهيار الي بكلم فيها زي اتاكلت وشتت الصدمه وطلع راح معانا مشاوير في سعتها ايه رئيك
          هجبلك صولاة لعربيتين وابقي احكم
          معلش خرجت عن الموضوع
          الاستاذ ايمن علي منسق قسم الشيفروليهaymanmaly
          <img src="http://store2.up-00.com/Sep11/5wT06061.jpg">
          الهم اغفر له وارحمه واسكنه فسيح جناتك

          Comment


          • #6
            المشاركة الأصلية كتبت بواسطة hpxp مشاهدة المشاركة
            الي اعرفه هو حوار تسقيط الموتور انه لازم يكون نفس الماركه بتاعت العرييه
            لكن ليه ياعم اللفه دي هاتلك عريه زيرو هتبقي ضمنها 100% بس طبعا مترحش تجيب صيني وتبقي ضمنه
            بالنسبه انك تعمل العربيه دي نصين انا اخاف من النقطه دي غير كدا انا لما والدي انقلب بعربيته القديمه بيجو 504 قالوله لو هتغير ربع ولا نص السيرفو مش هيبقي مظبوط ختمت واستعدلنا بس غيرنا السقف
            لو بقي من ناحيه الامان
            العربيات القديمه كلها مفيهاش وسائل الامان زي اهم حاجه نقاط الانهيار
            يعني لاقدر الله لو لبست مثلا علي 120 في هدف ثابت العربيه هتجيب قوايم وش عمي بقي لبس في عربيه جيش بس مش الايام دي كان ماشي 140 وعربيه الجيش ماشيه حوالي اربعين القوايم سليمه بس السقف اتنا لان عجله العربيه التانيه طلعت فوقيها الفردة اليمين ودي بقا نقاط الانهيار الي بكلم فيها زي اتاكلت وشتت الصدمه وطلع راح معانا مشاوير في سعتها ايه رئيك
            هجبلك صولاة لعربيتين وابقي احكم
            معلش خرجت عن الموضوع
            والله لو مقدرتى تجيب زيرو مكنتش احترت كده ومعلش مش فاهم ايه علاقة السيرفو بتغيير نصف انا اعرف ان السيرفو تبع الفرامل !
            وعموما انا لما فكرت فى موضوع تغيير صاج كامل فكان غرضى انه يكون على ايه صنايعى نضيف واكون كده معايا كروسليه سليم من غير ا بارومة او استعدال او حوادث سابقة

            Comment

            Working...
            X