مخالفات الرادار

[loai-omar]

يا ريت يا جماعه كل واحد اتسحبت رخصته رادار يقول اتسحبت على كام و كانت مخالفتها اد ايه


رخصتي اتسحبت يوم 4-4 مصر اسكندريه على الكيلو 48 بسرعة 145

بس لسه طبعا ماجتش و مش عارف مخالفتها كام...

[Karim_Monir]

اخر مخافلة سرعة على الدائري
103 ودفعت 140 جنية
قبلها راجع من اسكندرية
178 وكنت شوفت الرادار وعلى ما هديت نزلت لكدة
اصلي كنت ماشي 190
ودفعت 150 بالواسطة
192 الظابط مارضيش يسحبها عشان ماكنوش مستنينيني وادوني الرخصة

[loai-omar]

انتا عارف يا كريم و انا ماشي قعدت بتاع نص ساعه ماشي على 100 و قلت لااااااااا مش حاخلي حد يسحب رخصتي

شويه و لقيت عربيات كتيييييره زن زن زن من جمبي ...

قلت ايه كل دولب مش خايفين على الرخص!

و رحت دايس :)

مافيش يا ريس 10 دقايق هوب اركن حضرتك

و كل ايلي زن زن من جمبي لقيتهم واقفين في الرادار

انا مرور عين الصيره بس متهيألي انها بتروح على مرور الدراسه مش كده؟

[nader makram]

انا رخصتى اتسحبت على 92 فى المحور و كانت الغرامة 101 بس مادفعتش حاجة وجات لغايت بيتى :)

[Akram]

بيت نادر مكرم

انا رخصتى اتسحبت على 92 فى المحور و كانت الغرامة 101 بس مادفعتش حاجة وجات لغايت بيتى :)

يعني لو الرخصة بتاعتي اتسحبت ابقى اديهم عنوان بيتك :) :) :)

[emadno1]

144 كيلو قبل راس غارب و دفعت 103

[khalid_adel]

187كم طريق العين السخنه الصبف اللي فات ولازلت احتفظ بالوصل في محفظتي والظابط اكد الاشاره باللاسلكي 3 مرات قدامي ومكنش مصدق وانا اقوله ابدا لايمكن 187 (وفي سري بقول دي كانت 200 :)
وطلعت بدل فاقد ومدفعتش غير 50 جنيه تمن الجديده

[loai-omar]

187كم طريق العين السخنه الصبف اللي فات ولازلت احتفظ بالوصل في محفظتي والظابط اكد الاشاره باللاسلكي 3 مرات قدامي ومكنش مصدق وانا اقوله ابدا لايمكن 187 (وفي سري بقول دي كانت 200 :)
وطلعت بدل فاقد ومدفعتش غير 50 جنيه تمن الجديده

والله انا فكرت في بدل فاقد

بس في ناس بتقولي ممكن تتعمل قضية او حوار

مش عارف انا بفكر اديهم عنوان بيتك انتا كمان :) طب ايه يا نادر باشا مش هاتعمل معانا انا و خالد حاجه :)

[nader makram]

يعني لو الرخصة بتاعتي اتسحبت ابقى اديهم عنوان بيتك :) :) :)

مش لازم تديلهم العنوان هما عارفينو :)

[Mido80]

دا انتم في نعيم يا جماعة والداخلية مهيصاكم. انتم عارفين اقل مخالفة هنا في قطر بكام؟ ب 500 ريال قطري يعني 750 جنية مصري دة لوكانت السرعة المحددة 80كم وانا مشيت 82كم.

الطامة الكبري بقي مخالفة قطع الاشارة هنا تمنها 6000 ريال قطري يعني 9000 جنية مصري دة بس لو انا عديت منها والاشارة حمرة. اما لو لا قدر الله اتسببت في حادث وانا قاطع الاشارة فدي بقي موال تاني مخالفتها ب 50.000 ريال قطري يعني 75.000 جنية مصري وكمان فيها سجن.

شفتوا بابا حبيب العادلي مدلعكم ازاي............!!

[m_aash]

رخصتى إتسحبت على طريق وادى النطرون كنت ماشى 140 و الرادار سجلها 113 !!!!!!!!!!!!!!!!! مش عارف إزاى , دفعت 104 جنيه و جبتها من مرور الدراسة بعد شهر

[m_aash]

دا انتم في نعيم يا جماعة والداخلية مهيصاكم. انتم عارفين اقل مخالفة هنا في قطر بكام؟ ب 500 ريال قطري يعني 750 جنية مصري دة لوكانت السرعة المحددة 80كم وانا مشيت 82كم.

الطامة الكبري بقي مخالفة قطع الاشارة هنا تمنها 6000 ريال قطري يعني 9000 جنية مصري دة بس لو انا عديت منها والاشارة حمرة. اما لو لا قدر الله اتسببت في حادث وانا قاطع الاشارة فدي بقي موال تاني مخالفتها ب 50.000 ريال قطري يعني 75.000 جنية مصري وكمان فيها سجن.

شفتوا بابا حبيب العادلي مدلعكم ازاي............!!

طبعا متدلعين :) :) :)
بس ياريت كمان زى ما وضحت الفرق فى المخالفات توضح الفرق فى الطرق وإشارات امرور الأوتوماتيكية و إلتزام الناس و الباراشوتات المفاجأة اللى بتنزل علينا من العساكر و الأمناء و..........حاجات كتير أعتقد بسببها إننا محتاجين دلع أكتر من كده

[hazem_khidr]

الحمد لله الحمد لله
داخله علي ال 10 سنين في جيبي منهم 3 سنين في دبي يعني اجمالي 7 سنين في مصر و ما اتسحبتش مني و لا مره رادار :p:p:p:p.
رخصتي الوحيده اللي في صحابي اللي مافيهاش ولا دبوس :D:D

[HESHAM AMIN]

108 كم مدخل بورسعيد و دفعت 25 جم
111 اول الصحراوى ودفعت 101 جم
طبعا حنيالوا لية 25 جم
كان فية وكيل نيابة فى محرم بك نظامة كدة اكتر حاجة ممكن يدفعهالك 50 جم
وطبعا انتوا عارفين مصيرة
تم تغيرة بواحد اقل حاجة عندة 101 ويبقى كارمك وعامل معاك واجب

[aliabutaleb]

انا بقى خواف على الآخر وعمري ما بعدي السرعة القانونية :d
بس هو سؤال كدة على جنب
هو الواحد لو اتسحبت رخصته بيدفع الغرامة دي فورية وياخد الرخصة ولا لازم يسحب الرخصة والغرامة بتتدفع في كل الأحوال؟