موضوع التسجيل والتأمين ؟؟؟؟؟

[إسلام شاهين]

أنا يا جماعه إن شاء الله هشتري عربية جديدة بس مش فاهم إيه هو موضوع التسجيل ده يعني لما آخد جواب المرور وأروح أرخص هدفع كام ؟ ولازم اسجل ؟ وفين ؟ علما إن العربية لانسر 2007 --- 1300 --- مانيوال ، وبعدين موضوع التأمين ده أنا استفيد من خدمة الموقع إزاي مع العلم إني هاشتري العربية بالقسط .
شكرا لوقتكم الثمين .

[حسام كرم]

يا استاذ اسلام انت هتشترى العربيى زيرو ولا مستعملة وهل ولو زيرو كاش ولا تقسيط
عشان نعرف نرد عليك

[إسلام شاهين]

زيرو قسط
مع الشكر

[حسام كرم]

اولا فى الزيرو لايوجد ما يسمى تسجيل
فالتسجيل هذا المقصود بة هو تسجيل العقد فى الشهر العقارى وهذا فى حالة شراء المستعمل الكاش اما فى حالة التقسيط للزيرو فانك لن تستطيع التسجيل لانة سيكون هناك حظر بيع حتى سداد كامل الاقساط وسيذكر على الرخصة ان السيارة تقسيط
وفى حالة الزيرو الكاش فلا داعى للتسجيل لان السيارة ستنتقل ملكيتها لك بموجب جواب المرور مباشرة وستكون الرخصة باسمك
اما فى حالة الزيرو التقسيط
فانك ستقوم بعمل تامين شامل من خلال احد شركات التامين التى سيخيرك المعرض عنها
وهذا الامر اجبارى مادامت السيارة تقسيط
فيما عدا ذلك ستتوجة بجواب المرور + بوليصة التامين الشامل وستقوم بشراء ملف من المرور التابع لة وعمل بوليصة تامين اجبارى من احدى الشركات الموجودة بالمرور وستقوم باستخراج رخصة لمدة عام واحد وستجدد سنويا
وشكرا

[إسلام شاهين]

أشكرك جدا على المعلومات ديه بس برضه أنا عايز أعرف في المرور هادفع كام بالضبط ؟ وليه هطلع رخصة سنة واحده بس ؟ ما ينفعش ثلاثة ؟ وده له علاقة إنها قسط يعني ؟ وبعد فترة القسط لازم أسجل ؟ ولو هسجل هدفع كام ؟
معلهش انا عارف إني غلس جدا وجاهل جدا بس ديه أول مرة أشتري عربية جديدة .
شكرا

[حسام كرم]

يا اخ اسلام احنا تحت امرك وربنا يوفقك
- اولا السيارات القسط لايرخص لها الا سنة واحدة فقط وتجدد سنويا وبشرط الاستمرار فى التامين الشامل ولايسمح بالتجديد الا بتقديم البوليص كل عام ويكون مكتوب على الرخصة بالبنط الكبير بعلامة مائية ان السيارة تقسيط حتى لاتقوم ببيعها
- بعد سداد الاقساط ملكية السيارة تنتقل مباشرة اليك ولاداعى للتسجيل فهى ملكك والتسجيل يكون فقط فى السيارات المستعملة التى اتباعت من ميت يد ليد لضمان الحقوق فى حالة اى نزاع عليها ولكن الزيرو ستكون انت اول يد فلا داعى للتسجيل
- ما ستدفعة بالمرور هو ثمن الدوسية حوالى 25 جنية
الضريبة حوالى 70 جنية
التامين الاجبارى حوالى 30 جنية
طفاية حوالى 100 جنية
شوية اكراميات حوالى 20 جنية لعامل قراءة البصمة ولاختيار نمرة كويسة
اى ان كل الى هتدفعة حوالى 250 جنية شامل الطفاية
وربنا يوفقك
ولو عندك سؤال اخر تحت امرك

[Mina W]

انا برضة محتاج شوية معلومات فى الموضوع ده و ارجو ان ا/ حسام يقدر يفيدنى انا كمان
انا اشتريت العربية كاش و خرجت من التوكيل بنمر ميناء و رخصة لمدة شهر و قالولى ان بعد 20-30 يوم اروح المرور و اسأل عن ورق الافراج الجمركى و اسلم النمرة اللى على العربية و الرخصة المؤقتة و استلم رخصة الدايمة و نمر جديدة

فى الحالة دى ياترى احتاج ايه :?: و اعمل حسابى على اد ايه فلوس :?:
و اذا كنت حضرتك تقدر تقولى الاجراءات اكون فى غاية الشكر :)

[حسام كرم]

اسف لتاخير الرد يا اخ مينا ولكننى للاسف لم اقرا رسالتك الا الان
وبصراحة هذا الامر لااستطيع ان افيدك فية لعدم درايتى الكاملة بة
ولكن الافضل دائما عند شراء سيارة مستوردة كاش زيرو من معرض هو ان تكون العربية خالصة جميع الاجراءات الجمركية والمعرض يسلمك ورق الافراج وجواب المرور حتى لاتدخل انت فى متاهات فهذة الشغلانة شغلة المعرض فلماذا تقوم انت بها وعلى العموم انشاء الله ستوفق وتكون الاجراءات بسيطة

[Abonora]

علي فكره يا اسلام في الغالب المعرض بيبعت معاك حد يخلصلك الورق وده اريح ليك من وجع الدماغ والتوهة في المرور والمناهدة مع الموظفين (انا الاجراءات اخدت معايا اقل من 15 دقيقة في مرور الوايلي) وده لان المندوب بتاع المعرض يبقي مظبط حالة مع الناس كويس فضلا عن ان انهاء الاجراءات في صالح المعرض عشان البنك مش هيصرفله فلوس الا لما العربية تترخص

اما بالنسبة للترخيص لسنة واحدة بس فده النظام المعمول بيه في التقسيط بترخص سنة واحدة بس وبيتعمل حظر بيع علي العربية ولما بتخلص اقساط السنة بتروح البنك تاخد شيك بمجموع اقساط السنة (واحد من الشيكات اللي انت مضيتها) وبتاخد جواب من البنك للمرور وبوليصة التامين وتروح تجدد الترخيص سنة كمان وهكذا لحد ما ربنا يعفي عنك وعنا :?