سرقة اللوحات المعدنيه

[ابوهاشم]

والله ياجماعة انا ليا رأى ظريف ممكن ننفذه لتجنب سرقة اللوحات
هى اللوحات اصلا مربوطة بمسامير قلاووظ وصامولة ممكن نخلى الصامولة من الداخل ونروح لاى
واحد بتاع لحام ويلحم الصامولة ببنطة لحام فى المسمار علشان يبقى مستحيل فكها والحرامى لما يلاقى فيها صعوبة يسيبها ويشوف غيرها اسهل وربنا يسترها علينا

[mohamed_88sk]

تصدق فكرة يا أستاذ hashem1999 ....والله بجد حلوة بس تعتقد أن ممكن الحرامي يغلب ؟؟ دول ولاد تيت.

[Adham_Sabry]

طيب ولو حبيت انت تفكهم هاتعمل ايه في اللحام ؟؟
الأفضل بدل المسمار ما بيتربط من جوه بصاموله واحده يتربط بصامولتين ويتحرق عليهم
وبكده ممكن تعرف تفكهم لو حبيت
بس الخوف ان الحرامي تكبر في دماغه انه لازم يسرقها فيخلعها بالعافيه فيبهدل الشنطه
الله يرحم عسكري الدوريه .... هاه مين هناك

[mbluethunder]

إده إده.... أنا أول مره أعرف إن اللوح المعدنيه مصنوعه من الحديد... طول عمري أعرف إنها مصنوعه من الصاج المقوى ... ولا انا غلطان

والله يا أستاذ hashem1999 فكرتك كويسه وقابله للتنفيذ

أنا مش عارف ليه الناس مش متخيله الموقف... أنا متهيألي إن الموقف ممكن يحصل كالأتي وده من وجهة نظري:

* نزلت تركب عربيتك لقيت اللوحات مش موجوده أو البيه البواب طلعلك البيت على الساعه 6 كده أو 7 وخبط على الباب وإنت لسه يدوبك بتفوق وبيقولك ( يا بيييه يا بييه إلحج إلللححج .. ده أنيه وأنا بطوج العربيه مالاجيتشي اليفط البيضه اللي مكتوب عليها أرقام سودا ده.. هو سعادتك خلعتهم ولا إيه ولا مؤأخذه )

طبعا إنت مش فايق وهاتفتكر إن البواب بيخرف وبيشتغلك على الصبح.. ساعتها ممكن تفوق من الخضه وتنزل جري للعربيه تتطمن.. وساعتها هاتكتشف الكارثه

* أول حاجه هاتيجي على بالك إن لازم تبلغ بسرعه القسم قبل ماتحصل جريمه وتدبس إنت فيها

* تيجي حضرتك تروح القسم علشان تبلغ .. تلاقي يجي تلاتين واحد ذي حلاتك بيبلغوا على نفس المشكله .. ويبدأ الفار يجيب العيله كلها ويقولهم تعلوا نلعب في المراجيح اللي في عب الراجل اللي إتسرق منه اليفط البيضه :D

* طبعا حضرتك هاتعمل محضر ويدوك رقم المحضر علشان تطلع على المرور وهما هناك يتصرفولك في لوح تانيه

* المشكله تبدأ من هنا بقى.. لإما ربنا يكرمك وتلاقي لوح جديده تاخدها وتخلع أو حتى لوح نص لبه .. برده تخدها وتخلع.. لإما ربنا يكرمك برده ويقولولك هناك عدي كمان إسبوع علشان ماعنديناش لوح دلوقتي.. خلصت:(.. وتفضل ماشي بالوصل اللي ممكن يضيع أصلا

* طبعا.. الإسبوع بالتوقيت العالمي معناه شهر بالتوقيت المصري

* فجأه وبقدرة قادر .. واحد عسكري بيخبط على بابك برده الصبحيه ومعاه البواب ( اللي إنت خلاص كرهته أصلا ) والعسكري بيقولك البيه المأمور عايزك بكره في سرايا النيابه.. ياريت تيجي الساعه 6 في التو واللحظه علشان البيه المامور مابيحبيش التأخير

* تروح هناك وتفاجأ إن حضرتك لبست في قضية قتل ولا مخدرات ولا أي مصيبه من المصايب ده وإنت أصلا كنت قاعد في بيتك ومعاملتيش حاجه.. وتلاقي البيه المأمور يقولك أصل لوح عريبتك ديه كانت في مسرح الجريمه الشعبي أو كانت على عربيه شايله نص كيلو بدرة تلج :D وإنت مش مصدق نفسك

* تيجي إنت تحلفلوا إن اللوح بتاعة العربيه ده مسروقه منك وبلغت . ويجي هو يدور ومايلاقيش حاجه .. لييييه ... علشان البهوات اللي في المرور نسيوا رقم من الأرقام الأصليه بتاعة اللوحات بتاعتك أو نسيوا حرف من إسمك أو حاصل أي خطأ بشري في إدخال البيانات أدي إلى هذه الكارثه

* هايطلع عينك بقى لغاية ماتجيب حقك وتثبت إن اللوح بتاعتك مسروقه .. وحته لو معاك ورقه من المرور بتثبت إنك عاملت محضر .. ممكن ساعة الجد مافيش حد ياخد باله من اي حاجه والمهم مين اللي قتل المجني عليه

* طبعا المشكله ده هاتبقى كبيره اوي وصعبه لو حصلت السرقه بعيدا عن مكان إقامتك زي الأسكندريه او أي محافظه تانيه

فالمشكله ده أنا شايف إنها من أصعب المشاكل اللي ممكن تقابل أي واحد معاه عربيه .. لأنها تشبه حالة كائن بشري له جسد كامل النمو وليس له ذاكره

من الأفكار اللي كنت بفكر فيها علشان الواحد يخلي باله من لوحه.. هي وضع لاصق من النوع المحبب أو المخشوشن ده ( انا مش عارف إسمه أيه بالظبط) بس ده النوع اللي بيستخدم دائما في أحذية الأطفال الصغيره.

لو جبت اللاصق ده ممكن ساعتها تفك اللوحه الأصليه بتاعة العربيه بسهوله في كل مره تسيبها. وممكن برده تضربلك لوح أي كلام بأي أرقام وتحطها مكان اللوح الأصليه علشان البيه اللي هايجي يسرقهم... يسرق المضروبين

ياريت لو أي حد من الأعضاء هنا مر بالتجربه ده .. يحكلنا عمل آيه بالظبط...

[Karim_Monir]

ها ها ها
عايز تحوط لزق الكوتش تلزق بيه اللوح يا علاء
وتكون جاي الشغل متاخر وتنسي تاخدهم وهوب تنزل مالاتقيهومش
ولا تاخد مطب يقعو منك
يا راجل قول كلام غير ده
بدل ما تقول اعمل مغناطيس كهرباء وافتكاسات من بتوع مهندسين الكهرباء بتوع الضغط الواطي ده
يا راجدل ده انت علتلي الضغط بالكوتش بتاعك ده

قوم نام قوم بدل ما تيجي الشغل متاخر وتركن صف تالت زي كل يوم
الكلام ليك يا جارة عشان بنق عليك انك كل يوم بتيجي بدري وتلاقي مكان كويس تركن

[Hisham_ElFeky]

هو انا فكرتكو ولا ايه ليه بس الرعب اللي انتو عملتوهولي دا انا ناقص

mbluethunder7000 باشا

انت حكيت النص الاولاني اللي حصلي بس انا عملت محضر وربنا يستر وما يحصلش النص التاني


هما يديوني اللوح الجديدة وانا اكهرب العربية كلها وهلحم اللوح في الاكصدام واحتمال احطهم جوا الازاز ويجعله عز

[ahmedezzat78]

إده إده.... أنا أول مره أعرف إن اللوح المعدنيه مصنوعه من الحديد... طول عمري أعرف إنها مصنوعه من الصاج المقوى ... ولا انا غلطان

والله يا أستاذ hashem1999 فكرتك كويسه وقابله للتنفيذ

أنا مش عارف ليه الناس مش متخيله الموقف... أنا متهيألي إن الموقف ممكن يحصل كالأتي وده من وجهة نظري:

* نزلت تركب عربيتك لقيت اللوحات مش موجوده أو البيه البواب طلعلك البيت على الساعه 6 كده أو 7 وخبط على الباب وإنت لسه يدوبك بتفوق وبيقولك ( يا بيييه يا بييه إلحج إلللححج .. ده أنيه وأنا بطوج العربيه مالاجيتشي اليفط البيضه اللي مكتوب عليها أرقام سودا ده.. هو سعادتك خلعتهم ولا إيه ولا مؤأخذه )

طبعا إنت مش فايق وهاتفتكر إن البواب بيخرف وبيشتغلك على الصبح.. ساعتها ممكن تفوق من الخضه وتنزل جري للعربيه تتطمن.. وساعتها هاتكتشف الكارثه

* أول حاجه هاتيجي على بالك إن لازم تبلغ بسرعه القسم قبل ماتحصل جريمه وتدبس إنت فيها

* تيجي حضرتك تروح القسم علشان تبلغ .. تلاقي يجي تلاتين واحد ذي حلاتك بيبلغوا على نفس المشكله .. ويبدأ الفار يجيب العيله كلها ويقولهم تعلوا نلعب في المراجيح اللي في عب الراجل اللي إتسرق منه اليفط البيضه :D

* طبعا حضرتك هاتعمل محضر ويدوك رقم المحضر علشان تطلع على المرور وهما هناك يتصرفولك في لوح تانيه

* المشكله تبدأ من هنا بقى.. لإما ربنا يكرمك وتلاقي لوح جديده تاخدها وتخلع أو حتى لوح نص لبه .. برده تخدها وتخلع.. لإما ربنا يكرمك برده ويقولولك هناك عدي كمان إسبوع علشان ماعنديناش لوح دلوقتي.. خلصت:(.. وتفضل ماشي بالوصل اللي ممكن يضيع أصلا

* طبعا.. الإسبوع بالتوقيت العالمي معناه شهر بالتوقيت المصري

* فجأه وبقدرة قادر .. واحد عسكري بيخبط على بابك برده الصبحيه ومعاه البواب ( اللي إنت خلاص كرهته أصلا ) والعسكري بيقولك البيه المأمور عايزك بكره في سرايا النيابه.. ياريت تيجي الساعه 6 في التو واللحظه علشان البيه المامور مابيحبيش التأخير

* تروح هناك وتفاجأ إن حضرتك لبست في قضية قتل ولا مخدرات ولا أي مصيبه من المصايب ده وإنت أصلا كنت قاعد في بيتك ومعاملتيش حاجه.. وتلاقي البيه المأمور يقولك أصل لوح عريبتك ديه كانت في مسرح الجريمه الشعبي أو كانت على عربيه شايله نص كيلو بدرة تلج :D وإنت مش مصدق نفسك

* تيجي إنت تحلفلوا إن اللوح بتاعة العربيه ده مسروقه منك وبلغت . ويجي هو يدور ومايلاقيش حاجه .. لييييه ... علشان البهوات اللي في المرور نسيوا رقم من الأرقام الأصليه بتاعة اللوحات بتاعتك أو نسيوا حرف من إسمك أو حاصل أي خطأ بشري في إدخال البيانات أدي إلى هذه الكارثه

* هايطلع عينك بقى لغاية ماتجيب حقك وتثبت إن اللوح بتاعتك مسروقه .. وحته لو معاك ورقه من المرور بتثبت إنك عاملت محضر .. ممكن ساعة الجد مافيش حد ياخد باله من اي حاجه والمهم مين اللي قتل المجني عليه

* طبعا المشكله ده هاتبقى كبيره اوي وصعبه لو حصلت السرقه بعيدا عن مكان إقامتك زي الأسكندريه او أي محافظه تانيه

فالمشكله ده أنا شايف إنها من أصعب المشاكل اللي ممكن تقابل أي واحد معاه عربيه .. لأنها تشبه حالة كائن بشري له جسد كامل النمو وليس له ذاكره

من الأفكار اللي كنت بفكر فيها علشان الواحد يخلي باله من لوحه.. هي وضع لاصق من النوع المحبب أو المخشوشن ده ( انا مش عارف إسمه أيه بالظبط) بس ده النوع اللي بيستخدم دائما في أحذية الأطفال الصغيره.

لو جبت اللاصق ده ممكن ساعتها تفك اللوحه الأصليه بتاعة العربيه بسهوله في كل مره تسيبها. وممكن برده تضربلك لوح أي كلام بأي أرقام وتحطها مكان اللوح الأصليه علشان البيه اللي هايجي يسرقهم... يسرق المضروبين

ياريت لو أي حد من الأعضاء هنا مر بالتجربه ده .. يحكلنا عمل آيه بالظبط...

مش عارف ليه بعد ما خلصت قرايه حسيت كانى عامل دماغ:p

[mohamed_88sk]

مش عارف ليه بعد ما خلصت قرايه حسيت كانى عامل دماغ:p

:D :D :D وأنا كمان ;) ;) ;)
أنا أتسطلت خلاص
حديد اللوح ....زي ما يكون بشتغل في بيتي
حديد اللوح ....أنا عايز أبني لما يكبر يشتغل هنا
(الأعلان أياه )

[sab3aawy]

إده إده.... أنا أول مره أعرف إن اللوح المعدنيه مصنوعه من الحديد... طول عمري أعرف إنها مصنوعه من الصاج المقوى ... ولا انا غلطان.

طب فين المشكلة؟ اللهم إلا اذا كنت تعتقد ان الصاج هو اسم خامة او معدن قائم بذاته ويختلف عن الحديد

الصاج هو رقائق الحديد steel sheets والتى تصنع من خلال عملية صناعية يمر بها الحديد تسمى الدرفلة rolling للحصول على رقائق الحديد (الصاج) بتخانات مختلفة قد تكون قليلة جدا مثل نصف مللى متر او قد تكون سميكة جدا مثل 10 او 15 مللى متر والذى يستخدم فى صناعة ملايين المنتجات المختلفة

لكن الصاج هو شكل من اشكال منتجات الحديد

[hazem_khidr]

لو جبت اللاصق ده ممكن ساعتها تفك اللوحه الأصليه بتاعة العربيه بسهوله في كل مره تسيبها. وممكن برده تضربلك لوح أي كلام بأي أرقام وتحطها مكان اللوح الأصليه علشان البيه اللي هايجي يسرقهم... يسرق المضروبين

هههههههههههههه
بتفكرني بواحد صاحبي كان لازق النمر بتاعه ب dauble face
لاء وايه كان عنده تلات نمر
ملاكي غربيه #***
ملاكي قاهره نفس الرقم #***
و ملاكي اسكندريه برضه نفس الرقم #***
و كل ما ينزل محافظه يحط النمر الخاصه بيها

[Adham_Sabry]

هو الكارثه فعلا ان حد عاوز يعمل مصيبه فيضع نمر مضروبه علي اي عربيه ويعمل بيها مصيبته
ونبقي نثبت احنا .. وخصوصا ان في الحاله دي لا فيه محضر فقد نمر ولا غيره .. لان النمر مكانه هو ضرب نمر وخلاص
هي دي المشكله فعلا

[جمال]

إده إده.... أنا أول مره أعرف إن اللوح المعدنيه مصنوعه من الحديد... طول عمري أعرف إنها مصنوعه من الصاج المقوى ... ولا انا غلطان...

اولا زى ماقال الاستاذ سبعاوى ان الصاج هو احد اشكال الحديد
ثانيا اعتقد ان اللوحات الصاج دى كانت زمان اما الان فانها من الواح الالمنيوم

[mohamed_88sk]

الله ينور عليك يا أستاذ سبعاوي
__________
متهيألي كلام أستاذ هيما صح دلوقتي بقوا ألمونيوم وده يأكد تخمين السرقه عشان غرض إجرامي.

[mbluethunder]

طب فين المشكلة؟ اللهم إلا اذا كنت تعتقد ان الصاج هو اسم خامة او معدن قائم بذاته ويختلف عن الحديد

الصاج هو رقائق الحديد steel sheets والتى تصنع من خلال عملية صناعية يمر بها الحديد تسمى الدرفلة rolling للحصول على رقائق الحديد (الصاج) بتخانات مختلفة قد تكون قليلة جدا مثل نصف مللى متر او قد تكون سميكة جدا مثل 10 او 15 مللى متر والذى يستخدم فى صناعة ملايين المنتجات المختلفة

لكن الصاج هو شكل من اشكال منتجات الحديد

ربنا يخليك ياخالد على المعلومه.. مع إني المفروض عارفها .. بس مش عارف ليه وقعت مني إمبارح.. واضح إني كنت بكتب اخر مشاركه وانا نصف نائئئئئم:)

[mbluethunder]

هههههههههههههه
بتفكرني بواحد صاحبي كان لازق النمر بتاعه ب dauble face
لاء وايه كان عنده تلات نمر
ملاكي غربيه #***
ملاكي قاهره نفس الرقم #***
و ملاكي اسكندريه برضه نفس الرقم #***
و كل ما ينزل محافظه يحط النمر الخاصه بيها

ما ده اللي قصدي عليه يا حازم

الموضوع ده هايخلي اللوح تبقى portable .. أو يستخدموا كليبسات .. أي حاجه تخلي الواحد يقدر يفك اللوحات بسهوله