مصاريف ترخيص السيارة الجديدة

[hany79]

انا انشاء الله رايح يوم التلات ارخص صني ex automatic
بتاعتي الجديدة انا كنت كتبت على منتدى النيسان كل اللي حصل معايا المهم انا عايز لو تكرمتوا حد يقوللي تكاليف الترخيص و كل ما يتبعه كم انشاء الله و برضوا عايز اعرف اشتري طفاية الحريق لا قدر الله من فين و لا حلاقيها هناك اسهل على فكرة في مرور السلام
و شكرا للجميع
م / هاني

[hany79]

ايه يا ناس انتو فين؟؟؟

[qwertyqwerty]

i need also advise????????

[qwertyqwerty]

i need also advice???

[hazem_khidr]

بالراحه يا جماعه
مش معني ان محدش رد ان الناس مطنشه
ممكن يكون محدش عرف و ممكن يكون الناس زهقت لان السؤال دا مقرر قبل كده كتير.
فكان ممكن حضراتكم تتعبوا نفسكم شويه و تبحثوا كنت حتلاقوا كل اللي عاوزينه:).
نيجي للاجابه
طفايه اللحريق ابقي هاتها من بره و في حدود 90 او 100 جنيه بس ممكن في المرور تلقيهم استغلالين و بيبعوها باكتر من كده
حتجيب اورنيك فحص ب 6 جنيه
اورنيك كمبيوتر ب 10 جنيه علي ما اتذكر
طابع شرطه ب5 جنيه
شويه دمغت مش فاكر بكام بس في حدود 10 جنيه
وثيقه التمين ب 75 جنيه لمده سنه واحده
الضريبه في حدود 80 جنيه لسنه واحده برضه.
تامين لوحات 20 جنيه
دا بالنسبه لترخيص السنه الواحده
لو حترخص ل 3 سنين يبقي تضرب المصاريف دي *3
ماعدا اورنيك الفحص و الكمبيوتر و طوابع الشرطه .
و الف مبروك الترخيص :)

[hany79]

الف شكر يا حازم باشا بس ما تقفش علينا كده
جزاك الله كل خير

[hazem_khidr]

انا اسف يا هاني باشا لو كان ردي ضايقك
بس فعلا الحكايه دي بتتكرر كتير و الناس هنا كلها مش مقصره
يعني استحاله تلاقي حد عرف معلومه و بيبخل بيها علي اخ ليه :)

[hany79]

يا بيه انا مقدرش ازعل من اي حد هنا
و خصوصا انتم اللي شايلين السايت