محتاج مساعدة فى شحن كرستالة من السعودية

[husseinsalah]

يا جماعة فى عربية كرستالة فى السعودية عاملة حادثة فاتفقت مع صاحبها انى اشتريها لكن حد يعرف ازاى ادخلها مصر ولازم تتقطع هناك ولا ممكن تقطع فى الميناء و اية هى طريقة الشحن وتكلفتها لحد ما استلمها وكمان عاوز الموتور يدخل بورق علشان اقدر اثبتة على الرخصة
ودى صورة العربية

[M.Elgergawy]

والموتور بتاعها ايه وايه الفروقات بينها وبين بتاعتنا

[husseinsalah]

انا هاخدها كقطع غيار ياعنى تقدر تقول هتكون عربية اسبير للى عندى وطبعا ارخص بكتييييييير

[prisoner]

لازم العربية تتقطع هناك وتدخل على اساس انها قطع غيار بس المشكلة انك هاتشحنها لوحدها فى حاوية مثلا تكلفة الشحن والتخليص هاتبقى تكلفة عالية قوى ده غير انها لازم تكون باسمك كمالك اول ليها وساعتها مش مشكلة تتقطع والا حاجة ولو هية هية نفس الموتور خسارة تجيبها من هناك حتى لو مش ماشية كتيير وهتستفاد من قطع الغيار وعلى فكرة لو جينا وقلنا الاربع ابواب سلام وفيهم مرايات كهرباء موجودين هنا من 1500-1700 على حسب الحالة ولون العربية والكبوت فى حدود 600-800 ورفرفين 250 جنيه وشبة وفوانيس مثلا 500 انا بتخيل معاك الاسعار علشان تحسبها كويس والاسعار دى من قريب كنا سالين عليها زيادة شوية بسيطة طبعا عارف ان لسة فيه تابلوه جوة وكراسى ومستلزمات الا اذا كان ليك مزاج تصلحها

[husseinsalah]

لازم العربية تتقطع هناك وتدخل على اساس انها قطع غيار بس المشكلة انك هاتشحنها لوحدها فى حاوية مثلا تكلفة الشحن والتخليص هاتبقى تكلفة عالية قوى ده غير انها لازم تكون باسمك كمالك اول ليها وساعتها مش مشكلة تتقطع والا حاجة ولو هية هية نفس الموتور خسارة تجيبها من هناك حتى لو مش ماشية كتيير وهتستفاد من قطع الغيار وعلى فكرة لو جينا وقلنا الاربع ابواب سلام وفيهم مرايات كهرباء موجودين هنا من 1500-1700 على حسب الحالة ولون العربية والكبوت فى حدود 600-800 ورفرفين 250 جنيه وشبة وفوانيس مثلا 500 انا بتخيل معاك الاسعار علشان تحسبها كويس والاسعار دى من قريب كنا سالين عليها زيادة شوية بسيطة طبعا عارف ان لسة فيه تابلوه جوة وكراسى ومستلزمات الا اذا كان ليك مزاج تصلحها

شكرا لرد حضرتك لكن انا طبعا مش هشحنها لوحدها ياعنى شركة الشحن اكيد هتشحنها من ضمن طرود تانية وبالنسبة انى لازم اكون مالك اول انا مش هدخلها كعربية لا هدخلها كقطع غيار استعمال الخارج ودى مش محتاجة انها تكون بأسمى انا سؤالى فى حالة انى قطعتها فى السعودية شركة اية اللى ممكن تشحنها فى صندوق مثلا والتكلفة هتكون كام ولو هدخل الموتور استيراد اية الاجراءات اللى بتم

[mohamedshawky230]

متابع با هتمام

[ahmed_h_g]

ما تحاول تسأل شركة الشحن عالتفاصيل

[prisoner]

شكرا لرد حضرتك لكن انا طبعا مش هشحنها لوحدها ياعنى شركة الشحن اكيد هتشحنها من ضمن طرود تانية وبالنسبة انى لازم اكون مالك اول انا مش هدخلها كعربية لا هدخلها كقطع غيار استعمال الخارج ودى مش محتاجة انها تكون بأسمى انا سؤالى فى حالة انى قطعتها فى السعودية شركة اية اللى ممكن تشحنها فى صندوق مثلا والتكلفة هتكون كام ولو هدخل الموتور استيراد اية الاجراءات اللى بتم

عفوا وتحت امرك انا عايز اقولك انها مينفعش تتشحن مع طرود عادية لازم مع حاجة تشابهة الموضوع وحتى لو مش هادخلها كعربية هاتنزل باسم مين الافراج الجمركى هايطلع باسم مين وهل انت معاك بطاقة استيرادية بص لو انت هنا فى مصر انزل على اى حد بيستورد واساله او هاتها عن طريقه او تنزل بورسعيد تشوف المخلصين اللى هناك انا بفكر معاك بصوت عالى وبقولك على معلومات على حد علمى احاول اقرب بيها معاك ولو الموضوع والتكلفة تستاهل توكل على الله

[MASERATI]

السلام عليكم و رحمة الله و بركاته

ماينفعش تشوف صنايعى يفكفكهالك و يحطها فى صندوق خشب و تشحنها على مصر, يعنى يفكها مش يقطعها, و هو بيفك, الجزء التالف من الحادثة, هيرميه و الجزء السليم, يحطهولك فى الصندوق الخشب و فى الآخر, تشحن الصندوق الخشب على مصر.

[aymaym]

خش على موقع اى شركة شحن تقدر تعمل بحث على جوجل وهتلاقى الاسعار بالوزن والحجم وتقدر تاخد عناوينهم وتكلمهم
تانى حاجه انت تقدر تقطعها وتتحط فى صندوق او جزء من حاويه او بدون لان المسافه قريبه
لما تقطع هتحتاج سمكرى كويسيقطع بالصاروخ اقطع من بعد القايم يعنى سيب 15 سم ف السقف .. ولو عاوز تحافظ على السقف هتقطع من اخر القوايم وتقدر تقطع من بعد القايم اللى ف النص بس كدة هيبقى وترمى الربع الورانى المخبوط.... ويكون الموتور وكل حاجته سيبهم زى ماهما متفكش حاجه وف الميناء هيعملوا للموتور افراج لوحدة
لازم تجيب معاك طبعا ورق ملكية العربيه وهتوثقه تقريبا ف الميناء ف جدة لاثبات انها بتاعتك
فك اى شيء تانى ينفع وحطهم فى بوكس صندوق وخلاص وشركة الشحن هتوصلهم ولو عندها مستخلص انت هتدفع وتستلم عادىف السويس

[ENG\AHMED]

اللى اعرفة انك ممكن تستورد نفس نوع عربيتك كقطع غيار برخصة العربية ( طبعا العربية هتبقى متقطعة)
اكتر من كدة معرفش

[husseinsalah]

شكرا ياجماعة على كل اللى رد ياريت لو حد يعرف اى مستورد قطع غيار استعمال خارج يقدر يساعدنى او يكون عمل حاجة زى كدة يقولى تتكلف كام تقريبا وهل حد ممكن يقطعالى فى السعودية ولا لازم اشوف الموضوع دة بنفسى