ورطه مخالفات ب 2000 جنيه المساعده

[ibrahimsaad]

بسم الله الرحمن الرحيم وحسبى الله ونعم الوكيل فى كل غشاش وظالم

باختصار اخوانى اشتريت سياره بتاريخ 13/3/2011 وعملى توكيل بتاريخ 1/4/2011 وانا التوكيل رقم4 واعطانى شهاده برائه ذمه بتاريخ 23/3/2011 من معرض عندنا فى كفرالشيخ لانى خفت اروح السوق فى فتره مابعد الثوره تكون مسروقه وكان فاضل فى الرخصه 9 شهور انا كنت ناوى اسجل وانقل على طول لكن قدر الله وماشاء فعل اقنعونى انى انتظر لنهايه المده
المهم انا ان شاء الله مسافر مهمه علميه الخارج 3 شهور فقلت انقل قبل مااسافر لان الرخصه هتكون انتهت روحت اجيب شهاده مخالفات وكانت الصاعقه 2000 ج مخالفات وكانت كلها معموله فى الشهور اللى قبل ماتكون العربيه معايا دخلت لوكيل النيابه مرور النزهه قال مافيش حل او تجيب لى عقد مسجل بتاريخ المخالفات او قبلها او بعدها بيومين وانا لسه ماسجلتش فهل ينفع اعمل عقد مسجل دلوقت بتاريخ المخالفات القديمه علشان تتشال من عليا او قال لى تروح تعمل تظلم فى الدراسه ممكن يخفضوها

وانا الوقت ضيق جدا امامى وداخل اجازه عيد ومش عارف اعمل ايه وانا مظلوم وربنا اللى عالم رحت للراجل النصاب الحرامى اتخانقت معاه ومرضيش يدفع المخالفات دى وللاسف انا اللى هشيلها وده حرام وربنا مايرضاش بالظلم فياترى عندكم حل للموضوع ده وربنا على الظالم والغشاش

[minicooper20]

طيب مختش شهاده مخلفات ليه و انتا بتشترى

[ibrahimsaad]

خدت ياباشا شهاده برائه ذمه لكن المخالفات جت بعد مااخدتها يعنى مثلا مخالفه معموله على طريق مصر الاسماعيليه اللى انا عمرى مارحته ووصلت النيابه بتاريخ شهر 6 علشان كده لما هو جابها كانت فاضيه وانا اللى ادبست فيها

[minicooper20]

كده ممكن تخلصوها ويدى و انتا نص و هو النص و عوضك على الله
لو هو محترم و امين يديك 2000 كلهم

[khaled_yassin]

هو فى صاحب معرض سيارات عندوا ضمير
انا اعرف معرض كبير جدا العربيات لو مخبوطة بيصلحها ويبعها على انها ما فهاش الهواء

[ibrahimsaad]

كده ممكن تخلصوها ويدى و انتا نص و هو النص و عوضك على الله
لو هو محترم و امين يديك 2000 كلهم

ياراجل ياطيب دا مرضيش وقال لى ادفعها انت واخبط راسك فى الحيط

اسم المعرض البرنس موتورز بشارع جيهان السادات
والنصاب ده اسمه حماده فرج
ياريت اى حد من كفرالشيخ يحترس منه

[aboomar22]

اعمل تظلم فى المرور وقدم شهادة المخالفات والتوكيل ولو فيه عقد بيع قدمه ومعاه شهادة المخالفات اللى انت خدتها منه وان شاء الله تتخفض كتير انا حصل معايا موقف تقريبا مشابه ونزلت من 3 الاف الى الف جنيه

[shaddadfalcon1]

بيتهيالي العيب مش علي صاحب المعرض ولا عليك لكن العيب علي النظام الغبي اللي يخلي مخالفه تتاخر اكتر من 3 شهور عشان توصل علي ملف العربيه وبالنسبه للراجل فعداه العيب وجابلك شهادة مخالفات بتاريخ الشراء

هو المفروض يخلي عنده دم طبعا ويدفعها بس هتعمل ايه بقي محدش بيتعلم ببلاش

[ibrahimsaad]

اعمل تظلم فى المرور وقدم شهادة المخالفات والتوكيل ولو فيه عقد بيع قدمه ومعاه شهادة المخالفات اللى انت خدتها منه وان شاء الله تتخفض كتير انا حصل معايا موقف تقريبا مشابه ونزلت من 3 الاف الى الف جنيه

ياريت ياأخى بس التظلم بيتعمل فى المرور ولا النيابه

[ibrahimsaad]

بيتهيالي العيب مش علي صاحب المعرض ولا عليك لكن العيب علي النظام الغبي اللي يخلي مخالفه تتاخر اكتر من 3 شهور عشان توصل علي ملف العربيه وبالنسبه للراجل فعداه العيب وجابلك شهادة مخالفات بتاريخ الشراء

هو المفروض يخلي عنده دم طبعا ويدفعها بس هتعمل ايه بقي محدش بيتعلم ببلاش

النصاب ده كان بيمشى مخالف وهو عارف والمخالفات دى كانت فى خلال الثوره وطبعا كان معتقد ان مافيش مرور

وكان مفروض يدفعهم هو او حتى النصف دا لو عنده ضمير لكن للاسف بيع وانصب واجرى ومااعرفكش وده مبدأ التجار للاسف

[A.Saad]

لو تعرف تجيب نمرة عربيته هو ممكن النيابة تضيفها عليه

[A.Saad]

المعارضة فى النيابة او المحكمة

[ahmed_mido1889]

لو كاتب في العقد الابتدائي ميعاد استلام العربيه منه

المخالفه هتتحول علي المالك القديم

[ibrahimsaad]

العقد الابتدائى كان مكتوب باسم واحد شغال عنده وللاسف ماعنديش غير صوره منه بس لانه خده منى على خوانه فى الشهر العقارى وقطعه بحجه انه عمل لى توكيل والعقد مالوش لازمه

[minicooper20]

عوضك على ربنا