إعـــــــلان

Collapse

.

,
See more
See less

بخصوص تجديد الرخصه ونقل الملكيه

Collapse
X
 
  • Filter
  • الوقت
  • Show
Clear All
new posts

  • بخصوص تجديد الرخصه ونقل الملكيه

    السلام عليكم ورحمه الله وبركاته

    رخصة العربيه انتهت يوم 7 اللي فات , لكن الفحص لسه لحد سنه 2013 , فعايز اروح اجدد الرخصه وانقل الملكيه في نفس الوقت وانا معايا توكيل بيع للعربيه , فهل ممكن انقل العربيه باسمي من غير ما ادخل فحص لأن الفحص لسه فاضل عليه كتير؟

    ياريت حد يقولي الخطوات المفروض اتبعها ايه بالظبط مع الشكر الجزيل

    وكل عام والجميع بخير

  • #2
    20 مشاهده لحد دلوقتي بدون رد واحد :(

    ياريت حد يرد عليا ضروري لأهميه

    Comment


    • #3
      طالما هتنقل ملكية يبقى لازم فحص
      حتى لو لسه فاحص امبارح
      ولا تخاف من الفحص طالما رقم الشاسيه والماتور مضبوط وشكل العربية مقبول ومش بتطلع دخان وصوتها واطي خلاص عادي
      حوار مش بياخد ربع ساعة

      Comment


      • #4
        السلام عليكم

        بص يا باشا قدام هتنقل ملكيه يبقى لازم تفحص :) .... والرخصه منتهيه يبقى هتطلع شهاده بيانات من المرور موجهه للشهر العقارى بتشترى ملف شهادة بيانات وتملى البيانات المطلوبه ... وبتدفع ضريبه سنه وبتتشال لما تيجى ترخص (يعنى لو هترخص سنه يبقى انت كده دفعت الضريبه )

        وهتاخد شهاده البيانات والتوكيل وتعمل فى الشهر العقارى عقد مسجل وبتدفع الضريبه برضه بتاعت العربيه حسب الموديل والسى سى وبلد المنشأ ( فيه جدول فى الشهر العقارى مسجل فيه الرسوم )

        كده انت سجلت العربيه باسمك تطلع على المرور بقى وتعيش يومك الجميل وتفحص
        على فكره انت ليك شهر مهله :)
        بس فيه حاجه مهمه لو حضرتك هتنقل من مرور لمرور تانى مش عارف بقى الاجراءات فيها ازاى علشان مجربتش قبل كده ,, استنى باقى رأى الاعضاء
        وحضرتك طيب :) وربنا معاك :)
        <center><iframe align="center" id="IW_frame_1438" src="http://www.tvquran.com/add/Fares.htm" frameborder="0" allowtransparency="1" scrolling="no" width="302" height="334"></iframe></center>
        [CENTER]Waelemam2008 سابقاً[/CENTER]

        Comment


        • #5
          المشاركة الأصلية كتبت بواسطة wael ahmed مشاهدة المشاركة
          السلام عليكم

          بص يا باشا قدام هتنقل ملكيه يبقى لازم تفحص :) .... والرخصه منتهيه يبقى هتطلع شهاده بيانات من المرور موجهه للشهر العقارى بتشترى ملف شهادة بيانات وتملى البيانات المطلوبه ... وبتدفع ضريبه سنه وبتتشال لما تيجى ترخص (يعنى لو هترخص سنه يبقى انت كده دفعت الضريبه )

          وهتاخد شهاده البيانات والتوكيل وتعمل فى الشهر العقارى عقد مسجل وبتدفع الضريبه برضه بتاعت العربيه حسب الموديل والسى سى وبلد المنشأ ( فيه جدول فى الشهر العقارى مسجل فيه الرسوم )

          كده انت سجلت العربيه باسمك تطلع على المرور بقى وتعيش يومك الجميل وتفحص
          على فكره انت ليك شهر مهله :)
          بس فيه حاجه مهمه لو حضرتك هتنقل من مرور لمرور تانى مش عارف بقى الاجراءات فيها ازاى علشان مجربتش قبل كده ,, استنى باقى رأى الاعضاء
          وحضرتك طيب :) وربنا معاك :)
          تنت كلامك صح
          انا مخدتش بالي ان عدت مهلة الترخيص
          يبقى لازم شهادة بيانات

          ولو هينقل من مرور لمرور
          يبقى هيروح المرور بتاع العربية الحالي ويطلع منه شهادتين مخالفات
          واحدة للشهر العقاري
          وواحدة للمرور الجديد اللي انت هتنقل ليه
          ماتنساش تبقى تطلع شهادة مخالفات للنمر الحالية
          (يفترض انهم عدلو النظام ده وبقت تطلع من المرور الجديد اللي انت تبعه ابقى اتأكد بس علشان ما ترجع تاني)

          Comment


          • #6
            مكرر
            <center><iframe align="center" id="IW_frame_1438" src="http://www.tvquran.com/add/Fares.htm" frameborder="0" allowtransparency="1" scrolling="no" width="302" height="334"></iframe></center>
            [CENTER]Waelemam2008 سابقاً[/CENTER]

            Comment


            • #7
              ايه التعقيد ده
              العربيه كانت بايته فى الزقازيق ونقلت الملكيه وفحصت وجددت سنه فى احدى وحدات المرور بالجيزه
              شوف اى حد يخلصلك حاجتك وكبر دماغك وهين قرشك ولا تهين نفسك
              مع احترامى للثوره :(
              جروب مالكى وعاشقى لانسر كريستاله
              https://www.facebook.com/groups/lancer.egypt.1996.2000/

              Comment


              • #8
                شكرا ياجماعه على الرد والمساعده وجزاكم الله كل خير

                بالنسبه للعربيه صعب ادخلها فحص لان حاليا أنا بشدها ولسه فاضل اكتر من شهر عشان تخلص واقدر امشي بيها , لكن الرخصه انتهت وهي مش باسمي والفحص لسه فاضل عليه اكتر من سنه , فايه رأيكم هل ينفع اروح بموجب التوكيل اللي معايا ان اجدد رخصه العربيه من غير ما اخش فحص وبكده تبقى الاجراءات أسهل وكمان أوفر في الفلوس وهريح نفسي مؤقتا من دوشه الفحص وخلافه ,طبعا كده مش هقدر انقل ملكيه وهفضل ماشي بصوره التوكيل .. ولا ايه رأيكم؟

                Comment


                • #9
                  المشاركة الأصلية كتبت بواسطة condour مشاهدة المشاركة
                  شكرا ياجماعه على الرد والمساعده وجزاكم الله كل خير

                  بالنسبه للعربيه صعب ادخلها فحص لان حاليا أنا بشدها ولسه فاضل اكتر من شهر عشان تخلص واقدر امشي بيها , لكن الرخصه انتهت وهي مش باسمي والفحص لسه فاضل عليه اكتر من سنه , فايه رأيكم هل ينفع اروح بموجب التوكيل اللي معايا ان اجدد رخصه العربيه من غير ما اخش فحص وبكده تبقى الاجراءات أسهل وكمان أوفر في الفلوس وهريح نفسي مؤقتا من دوشه الفحص وخلافه ,طبعا كده مش هقدر انقل ملكيه وهفضل ماشي بصوره التوكيل .. ولا ايه رأيكم؟
                  ينفع في حالتين :
                  الاولى : يكون مكتوب في التوكيل ان ليك حق التعامل مع المرور والتجديد والترخيص (الجملة كده كاملة مش حق التعامل مع المرور بس دي آخرها تطلع شهادة بيانات وشهادات مخالفات فقط) وتكون اول ورقة توكيل من وش الرخصة
                  الثانية : ان تجيب الشخص اللي بإسمه العربية ويجدد هو الرخصة ويعمل توكيل جديد بعد تاريخ التجديد

                  Comment

                  Working...
                  X