إعـــــــلان

Collapse

.

,
See more
See less

هام جدا لكل من اشترى سياره مستعمله

Collapse
X
 
  • Filter
  • الوقت
  • Show
Clear All
new posts

  • هام جدا لكل من اشترى سياره مستعمله

    الساده الاعزاء
    انا فتحت هذا الموضوع من اجل ايضاح بعض المعلومات الخاصه بطريقه شراء السياره المستعمله من خلال توكيل او عقد مسجل وهذا لمن اراد شراء سياره للاحتفاظ و ليس للمتاجره
    ونحن جميعا نعلم انه يوجد طريقين لشراء السيارات المستعمله و هما الشراء بعقد مسجل مباشره او الشراء بعمل توكيل لحين عمل عقد مسجل ومن هنا يتضح ان العقد المسجل عامل اساسى فى الشراء حيث انه لن يتم نقل ملكيه السياره الا بعد عمل عقد مسجل بالشهر العقارى و هنا يبداء الموضوع
    اولاً : مميزات و عيوب الشراء بالعقد المسجل مباشره

    1- يضمن حق المشترى فى ملكيه السياره حيث انه يتم فى حضور الطرفين امام مندوب من الشهر العقارى ( ميزه )
    2- لابد من نقل ملكيه السياره فى خلال شهر من تاريخ العقد المسجل ( معظم الناس تراها عيب بينما انا اراها ميزه و هذكر لماذا هى ميزه و ليست عيب )

    ثانيا : مميزات و عيوب الشراء بالتوكيل
    1- الانتفاع بفتره الرخصه الساريه للسياره لحين ميعاد التجديد و توفير المبالغ التى سيتم دفعها ( معظم الناس تراها ميزه بينما اراها عيب لمن اراد الاحتفاظ بالسياره و هذكر ايضا لماذا هى عيب )
    2- التوكيل لا يعنى ملكيه الشارى فى السياره حيث ان السياره تظل فى الاوراق الرسميه باسم صاحب السياره و الذى وكل فلان فى قيادتها او التصرف فيها ( اراها عيب و ليست ميزه )
    3- لابد من عمل العقد المسجل قبل الذهاب للمرور لنقل ملكيه السياره ( يعنى هتدفع قيمه العقد المسجل ان اجلا ام عاجلا )
    4- ضروره الذهاب الى وحده المرور التابع لها السياره لاحضار شهاده مخالفات جديده قبل نقل الملكيه حيث ان القديمه اللى اخدتها من البائع لازم هتكون انتهت مدتها ( هو ده اكبر عيب لانك ممكن تلبس غرامات و انت معملتهاش )
    وهنا بقى اقدر افسر ليكوا انا ليه فى بعض الحاجات كنت ماشى عكس الناس
    شوفوا احنا هنمشى خطوات نقل الملكيه واحده واحده - الاول بعقد مسجل
    1- هيتواجد الشارى و البائع فى الشهر العقارى و يتم عمل عقد مسجل ( الشارى هيدفع قيمه العقد المسجل ايا كانت و على حسب العربيه اللى هيشتريها ودى سهل معرفتها )
    2- الشارى هياخد العربيه و العقد المسجل و شهاده المخالفات اللى اخدها من البائع و اللى لسه ساريه و يروح بيهم على المرور فورا ( طب و الفتره الساريه اللى موجوده فى الرخصه - دى الرخصه لسه فيها سنتين ) طب و هو حد قالك انت هتدفع ضريبه العربيه مرتين ؟ ؟ ؟ ؟
    طالما الرخصه ساريه يبقى انت مش هتدفع الضريبه ولا هتدفع تأمين عن الفتره اللى العربيه رخصتها ساريه فيهم - - هتدفع بس تمن الفحص و ده بيعمل 30 جنيه ( نموذج فحص سياره + نموذج فحص طفايه + نموذج فحص عادم )
    بقى علشان 30 جنيه - بلاش يا عم خليهم مائه جنيه اسيب العربيه ماشيه بتوكيل
    3- هتخلص اجراءاتك و تستلم رخصتك اللى بتقول انك مالك السياره

    تعالوا نشوف ثانيا بقى لما اشترى بالتوكيل
    1- الشارى و البائع فى الشهر العقارى و يتم عمل التوكيل و المبلغ 6 جنيه ( ايه يعنى مش مهم - تؤ مهم انك هتروح تانى الشهر العقارى احسب الوقت و الفلوس المهدره فى ذلك )
    2- استلمت السياره و اخدت شهاده مخالفات حتى لو بتاريخ النهارده فاخرها معايا شهر و بعد كده لا يؤخذ بها فى المرور ( يعنى لو خلص الشهر بتاعها هتضطر تروح تجيب شهاده جديده من المرور التابعه له السياره مع مالكها القديم - يعنى لو السياره تبع مرور الاسكندريه و انت هنا فى القاهره يبقى هتروح اسكندريه تجيب شهاده مخالفات جديده )
    طب لو طلع على السياره مخالفات ( طبعا مخالفات قديمه على صاحب السياره ووصلت الى المرور بعد ما البائع اخذ شهاده المخالفات الاولى اللى اعطاها لك - نيابه المرور تقولك الشهاده القديمه انتهت و لو كنت نقلت الملكيه خلال الفتره اللى كانت ممنوحه ليك مكنش نزل عليك اى مخالفات ولكن لان السياره مسجله لدينا باسم صاحبها الاول يبقى لازم تدفع هذه المخالفات )
    طبعا هى دى اسؤا ما فى التوكيل ( انت و بختك لما تيجى تعمل شهاده المخالفات و كمان انت و بختك مع وكيل النيابه و هل هيرضى يشيل المخالفات ام يخفضها ام يقولك روح على الفرع الرئيسى بالدراسه اشتكى و تقعد سعادتك تلف كام يوم علشان تحاول تخفض المبلغ )
    عرفتوا ليه بقى قلت عليها عيب
    الناس اللى بتعتبرها ميزه دول التجار اللى بيحبوا يقلبوا فى العربيات و علشان كده دايما تلاقيهم ماشين بتوكيلات و تلاقى العربيه فيها توكيلين و ثلاثه و ساعات اربعه كمان
    3- لما تيجى تروح علشان تنقل الملكيه لازم الاول تروح الشهر العقارى و تعمل العقد المسجل و تدفع المبلغ اللى كنت هتدفعه من الاول لو كنت اشتريت بعقد مسجل من اولها ( يعنى روحت الشهر العقارى مرتين و فى الاخر برضه دفعت المبلغ هو هو )
    4- قبل ما تروح المرور لازم تروح الاول تجيب شهاده المخالفات الساريه من المرور التابعه له السياره و انت و بختك طبعا و كمان هتروح الشهر العقارى تجيب العقد المسجل وبعد كده هتروح المرور و هناك لازم هتعمل برضه فحص على السياره ( يعنى هتدفع المائه جنيه هتدفعها - طب فرقت فى ايه ) و بعد كده هتدفع بقى ضريبه السياره و التامين عن الفتره الجديده بعد انتهاء الرخصه السياره طبعا

    طب بعد كل اللى قريته ممكن اعرف رايك ايه
    هل شايف ان التوكيل افضل من العقد المسجل برضه ؟ ؟ ؟

  • #2
    هى شهادة البيانات ضرورية علشان ارخص
    انا اشتريت بعقد مسجل فى الشهر العقارى و الشهر قرب يخلص و مش معايا شهادة البيانات بس الرخصة فيها لسه 3 سنوات ؟

    Comment


    • #3
      المشاركة الأصلية كتبت بواسطة diesel مشاهدة المشاركة
      الساده الاعزاء
      انا فتحت هذا الموضوع من اجل ايضاح بعض المعلومات الخاصه بطريقه شراء السياره المستعمله من خلال توكيل او عقد مسجل وهذا لمن اراد شراء سياره للاحتفاظ و ليس للمتاجره
      ونحن جميعا نعلم انه يوجد طريقين لشراء السيارات المستعمله و هما الشراء بعقد مسجل مباشره او الشراء بعمل توكيل لحين عمل عقد مسجل ومن هنا يتضح ان العقد المسجل عامل اساسى فى الشراء حيث انه لن يتم نقل ملكيه السياره الا بعد عمل عقد مسجل بالشهر العقارى و هنا يبداء الموضوع
      اولاً : مميزات و عيوب الشراء بالعقد المسجل مباشره

      1- يضمن حق المشترى فى ملكيه السياره حيث انه يتم فى حضور الطرفين امام مندوب من الشهر العقارى ( ميزه )
      2- لابد من نقل ملكيه السياره فى خلال شهر من تاريخ العقد المسجل ( معظم الناس تراها عيب بينما انا اراها ميزه و هذكر لماذا هى ميزه و ليست عيب )

      ثانيا : مميزات و عيوب الشراء بالتوكيل
      1- الانتفاع بفتره الرخصه الساريه للسياره لحين ميعاد التجديد و توفير المبالغ التى سيتم دفعها ( معظم الناس تراها ميزه بينما اراها عيب لمن اراد الاحتفاظ بالسياره و هذكر ايضا لماذا هى عيب )
      2- التوكيل لا يعنى ملكيه الشارى فى السياره حيث ان السياره تظل فى الاوراق الرسميه باسم صاحب السياره و الذى وكل فلان فى قيادتها او التصرف فيها ( اراها عيب و ليست ميزه )
      3- لابد من عمل العقد المسجل قبل الذهاب للمرور لنقل ملكيه السياره ( يعنى هتدفع قيمه العقد المسجل ان اجلا ام عاجلا )
      4- ضروره الذهاب الى وحده المرور التابع لها السياره لاحضار شهاده مخالفات جديده قبل نقل الملكيه حيث ان القديمه اللى اخدتها من البائع لازم هتكون انتهت مدتها ( هو ده اكبر عيب لانك ممكن تلبس غرامات و انت معملتهاش )
      وهنا بقى اقدر افسر ليكوا انا ليه فى بعض الحاجات كنت ماشى عكس الناس
      شوفوا احنا هنمشى خطوات نقل الملكيه واحده واحده - الاول بعقد مسجل
      1- هيتواجد الشارى و البائع فى الشهر العقارى و يتم عمل عقد مسجل ( الشارى هيدفع قيمه العقد المسجل ايا كانت و على حسب العربيه اللى هيشتريها ودى سهل معرفتها )
      2- الشارى هياخد العربيه و العقد المسجل و شهاده المخالفات اللى اخدها من البائع و اللى لسه ساريه و يروح بيهم على المرور فورا ( طب و الفتره الساريه اللى موجوده فى الرخصه - دى الرخصه لسه فيها سنتين ) طب و هو حد قالك انت هتدفع ضريبه العربيه مرتين ؟ ؟ ؟ ؟
      طالما الرخصه ساريه يبقى انت مش هتدفع الضريبه ولا هتدفع تأمين عن الفتره اللى العربيه رخصتها ساريه فيهم - - هتدفع بس تمن الفحص و ده بيعمل 30 جنيه ( نموذج فحص سياره + نموذج فحص طفايه + نموذج فحص عادم )
      بقى علشان 30 جنيه - بلاش يا عم خليهم مائه جنيه اسيب العربيه ماشيه بتوكيل
      3- هتخلص اجراءاتك و تستلم رخصتك اللى بتقول انك مالك السياره

      تعالوا نشوف ثانيا بقى لما اشترى بالتوكيل
      1- الشارى و البائع فى الشهر العقارى و يتم عمل التوكيل و المبلغ 6 جنيه ( ايه يعنى مش مهم - تؤ مهم انك هتروح تانى الشهر العقارى احسب الوقت و الفلوس المهدره فى ذلك )
      2- استلمت السياره و اخدت شهاده مخالفات حتى لو بتاريخ النهارده فاخرها معايا شهر و بعد كده لا يؤخذ بها فى المرور ( يعنى لو خلص الشهر بتاعها هتضطر تروح تجيب شهاده جديده من المرور التابعه له السياره مع مالكها القديم - يعنى لو السياره تبع مرور الاسكندريه و انت هنا فى القاهره يبقى هتروح اسكندريه تجيب شهاده مخالفات جديده )
      طب لو طلع على السياره مخالفات ( طبعا مخالفات قديمه على صاحب السياره ووصلت الى المرور بعد ما البائع اخذ شهاده المخالفات الاولى اللى اعطاها لك - نيابه المرور تقولك الشهاده القديمه انتهت و لو كنت نقلت الملكيه خلال الفتره اللى كانت ممنوحه ليك مكنش نزل عليك اى مخالفات ولكن لان السياره مسجله لدينا باسم صاحبها الاول يبقى لازم تدفع هذه المخالفات )
      طبعا هى دى اسؤا ما فى التوكيل ( انت و بختك لما تيجى تعمل شهاده المخالفات و كمان انت و بختك مع وكيل النيابه و هل هيرضى يشيل المخالفات ام يخفضها ام يقولك روح على الفرع الرئيسى بالدراسه اشتكى و تقعد سعادتك تلف كام يوم علشان تحاول تخفض المبلغ )
      عرفتوا ليه بقى قلت عليها عيب
      الناس اللى بتعتبرها ميزه دول التجار اللى بيحبوا يقلبوا فى العربيات و علشان كده دايما تلاقيهم ماشين بتوكيلات و تلاقى العربيه فيها توكيلين و ثلاثه و ساعات اربعه كمان
      3- لما تيجى تروح علشان تنقل الملكيه لازم الاول تروح الشهر العقارى و تعمل العقد المسجل و تدفع المبلغ اللى كنت هتدفعه من الاول لو كنت اشتريت بعقد مسجل من اولها ( يعنى روحت الشهر العقارى مرتين و فى الاخر برضه دفعت المبلغ هو هو )
      4- قبل ما تروح المرور لازم تروح الاول تجيب شهاده المخالفات الساريه من المرور التابعه له السياره و انت و بختك طبعا و كمان هتروح الشهر العقارى تجيب العقد المسجل وبعد كده هتروح المرور و هناك لازم هتعمل برضه فحص على السياره ( يعنى هتدفع المائه جنيه هتدفعها - طب فرقت فى ايه ) و بعد كده هتدفع بقى ضريبه السياره و التامين عن الفتره الجديده بعد انتهاء الرخصه السياره طبعا

      طب بعد كل اللى قريته ممكن اعرف رايك ايه
      هل شايف ان التوكيل افضل من العقد المسجل برضه ؟ ؟ ؟

      بجد تسلم ايدك يا باشا,, على فكرة انا من الناس اللى متحيزة جداااااااااااا للعقد المسجل ونقل الملكية على طول,, انا اشتريت العربية بعقد مسجل والرخصة كان فيها سنة وطلعت على طول على المرور ونقلت الملكية وكل اللى يشوفنى هناك فى المرور يقولى لالالالا استفيد بالسنة الاول وانا ابدااااااا لا يمكن لازم انقل وتم والحمد لله
      شكرا على مجهودك مره تانية
      [glow=#bd2f2f]اللهم لك الحمد كما ينبغى لجلال وجهك وعظيم سلطانك[/glow]

      Comment


      • #4
        المشاركة الأصلية كتبت بواسطة mohamedfakes مشاهدة المشاركة
        هى شهادة البيانات ضرورية علشان ارخص
        انا اشتريت بعقد مسجل فى الشهر العقارى و الشهر قرب يخلص و مش معايا شهادة البيانات بس الرخصة فيها لسه 3 سنوات ؟

        شهادة البيانات هتحتاجها لو الرخصة منتهية انما لو سارية هتحتاج بس ل شهادة مخالفات وخلى بالك مدة شهادة المخالفات 15 يوم من تارخ الاصدار

        معلومة لو انت مضيت على العقد يبقى هينتهى فعلا بعد شهر انما لو ما مضيتش على العقد يبقى هيفضل سارى لحد ما الرخصة تنتهى بس نصيحة منى انقل الرخصة باسمك وريح بالك وكل اللى هتحتاجة 3 ورقات ب 30 جنية للفحص بس
        تحياتى
        [glow=#bd2f2f]اللهم لك الحمد كما ينبغى لجلال وجهك وعظيم سلطانك[/glow]

        Comment


        • #5
          طب فى استفسار انا دلوقتى هشترى عربيه من القاهره الراجل اللى انا هشترى منه معاه عقد بيع مسجل من المالك الاول بس الرخصه بتاعت العربيه باسم المالك لسه ينفع انا اشترى منه بعقد و بعدين انقل العربيه باسمى؟؟؟؟؟

          Comment


          • #6
            الحمد لله انا لبست مخالفات صاحب العربية القديم الحل ايه دلوقتى عشان مدفعش الفلوس دى ؟

            Comment


            • #7
              طيب انا اشتريت عربية بعقد مسحل ولم اوقع والرخصة للعربية كانت منتهية بس الضريبة ادفعت والبائع لم يجدد الرخصة هل برضوالعقد حيسقط بعد شهر من تاريخه

              Comment


              • #8
                بعد اذن حضرتك كخبير
                الرجاء عمل موضوع بالكامل على السيارت وشرائها وبيعها
                ونصيحه منك لى لانى انا بفكر انى ادخل شراء وبيع سيارات تجارة يعنى لانى اخدت مكافاة نهاييه الخدمه ومفيش مشروع عدل دلوقتى او بمعنى اصح مشروع ينفع فيه مبلغ قليل زى اللى معايا غير تجارة السيارات
                فلو نصيحه منك تقوللى مميزات التجارة فى السيارات وعيوبها وكمان كيفيه الشراء والبيع ونقل التراخيص وتكاليفه والتسجيل وتكاليفه
                بمعنى اصح انا عايز مثلا اكسب من 500 الى 1000 فى العربيه بخلاف مصاريف التسجيل والتوكيلات لانى مثلا ممكن اقلب عربيه كل 3 ايام او 5 ايام اقصاها اسبوع

                ولا ده مشروع مش اوى برضه

                Comment


                • #9
                  رائع جدااا

                  Comment

                  Working...
                  X