ماهي اجرائات استخراج الرخصه

[hpxp]

ياريت حد يعرفني علشان ابقي فاهم وانا هتم 18 في شهر 8 الي جاي اقدر اطلع الرخصه قبلها بقد ايه ولا هو لازم ابقي 18 علشان اقدم وايه برضه نظام اختبرات المرور برضه هل من السهل تعديه انا بسوق كويس جدا لكن مش 100/100 ىفي الرجوع لورا

[ahmed_mido1889]

بص لازم تعدي سن ال18 علي الاقل يوم

بتجيب شهادات طبيه (واحده باطنه والتانيه نظر) وطبعا بيبقي محطوط صورك عليهم

معاك 4 صور شخصيه

صوره البطاقه

بتشتري الملف وتقدمه في الشباك وتدخل تختبر اشارات

لو نجخت بتختبر قياده علي السياره

لو نجحت بتدخل تتصور جوه وتستلم الرخصه

[hpxp]

شكرا جدااااااا ليك يابشا هو الواحد بنجح من اول مرة ولا لازم نعيد 90 مرة
و واحد قلي علشان تنجح لازم تخش مدرسه
معلش سوال كمان بعد اما اجيب الحجات كلها هل بستلم الرخصه في يوميها ولا بقعد شهر علي حسب الاقاويل

[TheUnknown]

بتستلمها فى يومها,لو عملت كلو صح هتنجح من اول مرة(ده حصل معايا الحمد لالله)
مش مهم اوى انك تخوش مدرسة لو بتعرف تسوق.بس ممكن المدرسة تخلص حكاية الرخصة دى(مش متأكد)
الصورة دى زى الاختبار اللى انا عملتوا و بردوا 2 صحابى عملوا نفس الاختبار,الدواير اقماع و السهم بيقولك تمشى ازاى,هما حاتين الاقماع بتريقة انك ونتا راجع متشوفهمش فى المراية لازم تكون حدت مكانهم,يستحسن تاخد عربيتك معاك,هو الاختبار سهل مش صعب بس مش عايز حد مبتدأ.بالتوفيق :)

[hpxp]

والله شكرااااااااااااا جدااااااااااا ليك يابشا طمنتني وكده شكل الاختبار سهل

[ahmednabeah]

معلش ياباشا لازم تخش مدرسه المرور طالما انت تبع مرور الزقازيق مش حينجحوك الا دخلتها

[hpxp]

ليه كده
طب حتي بالوسايط ولا لازم لازم

[ahmednabeah]

اكيد اى حاجه بالوسطه بتمشى بس الى انا شفته فى صحابى احتاجو وسايط كبيره على فكره المدرسه ديه بيستفاد منها ناس كتيره بفلوسها وعلشان كده بيتهالى بيخلوها لازمه

[hpxp]

شكرا ليم يايشا وربنااااا يستر

[smsm_hamada]

اكيد اى حاجه بالوسطه بتمشى بس الى انا شفته فى صحابى احتاجو وسايط كبيره على فكره المدرسه ديه بيستفاد منها ناس كتيره بفلوسها وعلشان كده بيتهالى بيخلوها لازمه

ليه ماتدخلش المدرسه بهدف التعليم تعرف الاشارات معناها ايه و تتعلم شويه فى الميكانيكا واصول السواقه حتى لو انت بتعرف تسوق وميه ميه حاول ماتدورش على واسطه ولا تدفع رشوه عشان نحاول نعيش محترمين الايام الى فاضله