استفسار عن المرور

[omarkhaled55]

هو لو انا مركب بودى كيت ( عتب وكساحات ) ورحت اجدد العربية فحص وتجديد رخصة
ممكن يقولى شيل الحاجات دى الاول ؟؟؟ وبعدين رخص ؟؟
العربية مازدا 3
الشغل مش اوفر اوى يعنى

[Ahmod]

هو لو انا مركب بودى كيت ( عتب وكساحات ) ورحت اجدد العربية فحص وتجديد رخصة
ممكن يقولى شيل الحاجات دى الاول ؟؟؟ وبعدين رخص ؟؟
العربية مازدا 3
الشغل مش اوفر اوى يعنى

يا باشا كل حاجة بتمشي في مصر بالحب

الحب = شاي بالياسمين

اانا رحت فحصت وثبتت لونين على الرخصة

والله المهندس ماشاف العربية اساسا

بيقولي انت متاكد انها لونين ؟ قلتله اه يا باشا امال ايه

قالي يعني فيها لون فضي قلتله طبعااااا

قالي طب تحب اثبتهالك تويوتا ياريس ولا تويوتا كورلا ؟

قلتله ياريتها كانت كورولا

15 جنيه بس عملت سحر في الراجل

[Sehsss]

يا باشا كل حاجة بتمشي في مصر بالحب

الحب = شاي بالياسمين

اانا رحت فحصت وثبتت لونين على الرخصة

والله المهندس ماشاف العربية اساسا

بيقولي انت متاكد انها لونين ؟ قلتله اه يا باشا امال ايه

قالي يعني فيها لون فضي قلتله طبعااااا

قالي طب تحب اثبتهالك تويوتا ياريس ولا تويوتا كورلا ؟

قلتله ياريتها كانت كورولا

15 جنيه بس عملت سحر في الراجل

[aboulojain]

يا باشا كل حاجة بتمشي في مصر بالحب

الحب = شاي بالياسمين

اانا رحت فحصت وثبتت لونين على الرخصة

والله المهندس ماشاف العربية اساسا

بيقولي انت متاكد انها لونين ؟ قلتله اه يا باشا امال ايه

قالي يعني فيها لون فضي قلتله طبعااااا

قالي طب تحب اثبتهالك تويوتا ياريس ولا تويوتا كورلا ؟

قلتله ياريتها كانت كورولا

15 جنيه بس عملت سحر في الراجل

لعن الله الراشي
واللعن : الطرد من رحمة الله
وده عشان ايه ؟
و المجاهرة بالذنب حرام

[Ahmod]

لعن الله الراشي
واللعن : الطرد من رحمة الله
وده عشان ايه ؟
و المجاهرة بالذنب حرام

اولا انا مارشتش انا كنت ماسك فايدي 15 جنيه باقي نموذج الفحص والله ماكان في بالي اني اديهمله لقيته خدهم

ثانيا : لما تبقى البلد اللى انت عايش فيها مش بتمشي الا كدة هتعمل ايه؟

ثالثا : لما ادخل امتحان عشان اطلع رخصة خاصة واسقط 3 مرات في الاشارات وانتظر 3 شهور مابين المرة والتانية وكل مرة اسقط ومش عارف اطلع الرخصة اعمل ايه ؟

رابعا : لما يبقى الرخص في مرور فيصل مش بتطلع الا بالواسيط او بالفلوس هعمل ايه ؟

خامسا : لما تبقى واقف متبهدل في طابور وطالع عينيك بقالك تلت ساعات وتلاقي واحد جيه زي الباشا عشان معاه واسطة او دافع فلوس كل حاجة خلصت في ساعتها هتعمل ايه ؟

سادسا : ...

سابعا : ...... هنقعد نعد لحد مليون

لعلم حضرتك انا يومها كنت راشش الكبوت يعني ماشي تبع القوانين مش مخالف ولا حاجة

يعني من حقي اني اثبت لون تاني على الرخصة طالما انا راشش !

لكن هي البلد كدة

لو البلد مظبوطة انا همشي مظبوط لكن انت في بلد مش بتمشي الا كدة

اسافر ولا ارشي ؟ ولا اقعد في بيتنا واقضيها مواصلات عشان مش عارف اطلع الرخصة او حتى اجددها ؟

[khaled_bibo]

لعن الله الراشي
واللعن : الطرد من رحمة الله
وده عشان ايه ؟
و المجاهرة بالذنب حرام

اولا ديه مش رشوة لان ببساطه تعريف الرشوه انك تدفع فلوس عشأن تمشي حاجه غلط و اللي عمله مش حاجه غلط نهائي لانه لو مش عمل كده ورقه مش هيمش ده غير ان ربنا اما يحاسب هيحاسب الراجل اللي خده رشوه. لانا ربنا شأيف ان اللي دفعها مجبر مش بمزأجه

ثانيا يا ريت يكون توجيه النصيحه بطريقه اهدى من كده شوية لان بالطريقه اي حد هيعند و مش هيسمع الكلام ده مع انه صح بس مش في الموقف ده

[zocor742]

لعن الله الراشي
واللعن : الطرد من رحمة الله
وده عشان ايه ؟
و المجاهرة بالذنب حرام

صباح الفل ياباشا
سيادتك داخل فى الراجل شمال اوى لية كدة
على اساس انة قعد يتحايل على الراجل لحد ما اخدهم منة
ولا الراجل لطشهم منة بلطجة وغالبا يقولك هات عشان تخلص يا اما خليك فى الطابور
كمان حضرتك الكلام دة لو بيدفع فلوس عشان يعمل حاجة ممنوعة او ياخد يدفع رشوة عشان ياخد حاجة من حق تانى غلبان او مدفعش
دى ما اسمهاش رشوة دى اسمها بلطجة موظفين حكومة
على كدة بقى مدرسة القيادة اللى مش بيدخلها ويفضل يسقط فى الاشارات لحد ما يضطر غصب عن التخين فى عيلتة انة يدفع الاشتراك ويدخل امتحان الاشارات قاعد على الكرسى والموظف هو اللى بيحل وناقص يطلبلة شاى دى مش رشوة علنى
حضرتك تعرف ان فلوس المدرسة دى بتتقسم عليهم ومش بتخا خزينة الدولة

الظاهر اننا هنشوف من دة كتير الايام الجاية وكفاية كدة عشان كلمة كمان وممكن اتوقف