بنى ادام عجيب !!!!

[gabry832003]

السلام عليكم ورحمة الله وبركاته .

اعذرونى يا شباب ان أول موضوع معاكم هنا يكون مشكله حصلتلى.

الخميس الساعه 1 ظهراً داخل المعادى شارع النصر لقيت كمين

انا معايا شيفروليه لانوس 2012 الفاميه الفبريكه

المهم الامين طلب الرخص اديتهالو (طبعاً الرخص سليمه و الفاميه مثبوت على الرخصه)

اخدها للظابط علشان ال ايه الفاميه غامق !!!!!!!!!!!!!!!!!!!

نزلت للظابط وقولته انه الفاميه الفابريكه اللى مثبوت على الرخصه (تقريباً جملة مثبوت على الرخصه بتجبلهم حساسيه)

البيه برضو ماقتناعش وصمم يسحب الرخص وكتب فى الوصل ان الفاميه يعوق الرؤيه !!!

انا كان معايا المدام والاولاد وكنت متكتف بصراحه وكان كل همى انى ارجع البيت بدون مشاكل.

المهم يا شباب عاوز اعرف منكم ايه الاجراءات اللى اجيب بيها الرخصه

و ازاى اقدم شكوى فى الظابط ده وفين ؟

وهل ينفع اخش لوكيل نيابة المرور واشرحله الموقف ولا ايه؟

انا بصراحه دمى بيغلى من الراجل ده وعاوز فعلاً اشتكيه لانه متكبر ومش فاهم حاجه ومتعنت

اسف للاطاله ومستنى ردودكم

[Khaled Lanos]

متابع باهتمام,

فعلا حضرتك المفروض تقدم شكوى في الراجل ده..يعني ايه الفاميه مثبوت على الرخصة وبردو يسحبها منك؟!!! طب لييه؟

ربنا يكون في عون حضرتك وان شاء الله الشباب يفيدوك لأني معرفش بصراحة.

[mostafa mahmod]

حسبى الله و نعم الوكيل

[mfs3570]

اول حاجة تطلع علي المرور الذي يتبعه الظابط مكان خدمته وتطلع علي القسم تعمل محضر اتبات حالة ومعاينة للسيارة وتخدهم معاك وانت رايح تقدم الشكوي الشكوي تقدم اما في ديوان الوزارة اوفي مكان خدمته المرور اللي يتبعه مكان خدمته

[ali.mahmoud]

مع ان عريبته تلاقيها متفيمه من جميع الجهات بس ساعتها مش بتعيق الرؤيه ......

[elpasha1]

الداخلية
ادارة شئون الضباط

[gabry832003]

اول حاجة تطلع علي المرور الذي يتبعه الظابط مكان خدمته وتطلع علي القسم تعمل محضر اتبات حالة ومعاينة للسيارة وتخدهم معاك وانت رايح تقدم الشكوي الشكوي تقدم اما في ديوان الوزارة اوفي مكان خدمته المرور اللي يتبعه مكان خدمته

اظن ان الاجراء ده كان المفروض يتعمل وقت حدوث المشكله فمش عارف لو عملته دلوقتى ليه جدوى ولا لأ؟