انا اشتريت عربيه بس هيا توكيل من توكيل ومعايا التوكيل الاصل الي باسمي وصورة التوكيل الي قبله بس معيش الاصل بتاعه هل هينفع اسجل العربيه باسمي كده ولا لازم يكون معايا اصل التوكيلين وهل هحتاج شهادة بيانات ولا لا علشان اسجل العربيه في الشهر العقاري مع العلم ان لسه رخصة العربيه ساريه
X
-
مش هتعرف ترخص من غير اصول التوكيلات
الموضوع بسيط
هتروح الشهر العقاري اللي طالع منه التوكيل اللي معاك صورته
وتطلع من هناك مستخرج رسمي من التوكيل ده
ويكون معاك التوكيل اللي باسمك علشان يثبت ان ليك مصلحة
بس هو انا لي استفسار عن حاجة مش فاهمها
ازاي اتعملك توكيل من توكيل بصورة بدون وجود الاصل؟ الموظف بتاع الشهر العقاري وافق ازاي ؟
Comment
-
مفيش مشلكةالمشاركة الأصلية كتبت بواسطة hitham_sh مشاهدة المشاركةلا هوا كان معاه الاصل بس للاسف انا مخدتوش منه والكلام ده من سنتين
اعمل زي ماقلتلك
وبالمرة اعمل عقد بيع نهائي لنفسك علشان تروح تنقل الملكية في المرور
وطالما الرخصة ساريه لا تحتاج الى شهادة بيانات
وتروح على المرور اللي انت تبعه
وتشتشري نموذج فحص وتفحص العربية
وبعدين تجيب بيان صرف لوحات من شباك تسليم النمر وتطلع بيه على نيابة المرور وتجيب شهادة المخالفات
وتروح تدفع التأمين الاجباري
وتحط ده كله في ملف وتفك النمر وتروح تقف على الشباك والموظف هيفحص الملف ويقولك على النماذج والرسوم تدفعها وترجعله وبعد كده تستلم الرخصة والنمر
Comment
-
التوكيل الاول ده اللي فيه اسم البائع (من على الرخصة) للراجل اللي باعلكالمشاركة الأصلية كتبت بواسطة hitham_sh مشاهدة المشاركةبس هوا عاملي توكم يل بالبيع للنفس اوالغير يبقه ايه لازمة التوكيل الاولاني
والتاني في اسمم اللي باعلك واسمك مشتري
يعني التوكيلات دي تثبت تسلسل الملكية
قانونا
لا يعتبر التوكيلات اثبات ملكية للسيارة ولا تدل على اثبات بيعها
علشان كده قبل ماتنقل ملكية في المرور لازم تعمل عقد بيع نهائي بالتوكيلات دي
انك تبيع لنفسك طبقا للتوكيلات اللي معاك
يعني تبقى انت البائع وانت المشتري
حاجة كده متخلفة علشات يعرفوا يجيبوا فلوس
Comment

Comment