إعـــــــلان

Collapse

.

,
See more
See less

تجديد رخصة ونقل ملكية بعد تسقيط موتور !!!!!!

Collapse
X
 
  • Filter
  • الوقت
  • Show
Clear All
new posts

  • تجديد رخصة ونقل ملكية بعد تسقيط موتور !!!!!!

    السلام عليكم ...قصتي طويلة وتحتاج مجموعة من الأشخاص الخبراء ...االلمة حلوة برضو :)))
    أنا اشتريت عربية من واحد رخصتها هتخلص كمان شهر ...العربية سيتروين ٩٨ وساقطلها موتور ١٦٠٠ سي سي والمثبت في رخصتها القديمة موتور ١٤٠٠ سي سي ...السيارة بها العيوب التالية : لا يوجد طفاية حريق ...الفانوس الشمال مابينورش عالي ولا متوسط بينور واطي بس ...هناك خدش في السيارة من عيل تيت مسك مفتاح وحطه على دهان العربية من أول الكبوت لحد الشنطة شرخ في البوية بطول العربية .... المساحات مش شغالة ...الكالكس بايظ ... الباب الخلفي شمال مافيهوش موسوجر وأنا قافلهمابيتفتحش .....الفانوس الخلفي الباغة مكسور ..السيارة مرور السلام وأنا هنقل ملكيتها لمرور الدراسة ... علما بأن ...ورق الماتور غير مؤرخ ...تاريخ الرخصة ينتهي بعد شهر وتاريخ الفحص في ٢٠١٤ ...العربية ملكي بموجب عقد بيع من الشهر العقاري وما مضتش شاري ....ماذا تفعل لو كنت مكاني ؟!!!!!
    علشان نفكر سوا ....ممكن الحلول التالية : بص ياباش مادام ورق الموتور مش متأرخ ..فكك من الفحص لحد ٢٠١٤ وجدد الرخصة باسم صاحبها وافضل ماشي بيها السنة دي وبعد كدة جدد وافحص وانقل الملكية ....
    ده رأي ....
    سؤال : ايه الحاجات اللي لازم أصلحها قبل الفحص مما سبق ؟!!!!
    تكلفة الفحص والتجديد والنقل واثبات الموتور ...تكون كام مثلا ؟!!!
    ياريت ياجماعة تفيدوني

  • #2
    تكلفه الفحص 28 جينه اما التجديد حوالى 350 لسنه مقسمين كالاتى 260 ضريبه والباقى تامين اجبارى وبقى اسئل فى كذا مكتب علشان فيه اسعار مختلفه

    Comment


    • #3
      فى مشكلة كبيرة انا وقعت فيها وانا برخص وكنت فى حالة شبه حالتك
      اولا تأكد من ورق الافراج الجمركى بتاع الموتور انه موجود فى المرور اللى هترخص فيه
      ثانيا لااااااازم تكون فاتورة الموتور باسمك مش باسم الراجل اللى انت اشتريت منه العربية

      بالنسبة للعيوب اللى ذكرتها كلها ملهاش لازمة والمهندس مش هيقولك عليها حاجة ولو اديته 20 جنيه مش هيبص على العربية اصلا
      بس طبعا هتحتاج تشترى طفاية ب 120 جنيه

      انا لو منك انقل ملكية واثبت الموتور على رخصة باسمى واريح دماغى وطالما انت معاك عقد بيع يبقى مش هتدفع حاجة زيادة غير 23 جنيه تمن ورق نقل الملكية

      Comment


      • #4
        معلش ياباشا سؤال : ...يعني ايه ورق الإفراج الجمركي يبقى موجود في المرور اللي هرخص فيه ؟!!! مش فاهمها دي ...أنا معايا صورة لورقة التخليص الجمركي ....بس ...ثانيا ...الموتور مش باسمي !!! أعمل فيها ايه دي بقى !؟؟

        Comment


        • #5
          أنا راجعت الورق دلوقتي لقيت التالي : أولا : الماتور تم شراؤه من شركة الحسن في بورسعيد ...وفاتورة البيع الأصلية موجودة والخانات والتواريخ فارغة ...يعني ممكن أحط اسمي فيها عادي ......
          ثانيا : الافراج الجمركي ده عبارة عن صورة مكتوب فيه : السيد قائد مرور اسكندرية ...نفيد علم سيادتك أن الموتور رقم ..... تم دفع الجمارك بتاعته ببطاقة جمركية رقم ....والتاريخ ٢٠١١ .... ..
          كدة بقى أنا معايا الورق ده ....المفروض أعمل ايه ؟!!!!!

          Comment


          • #6
            انا في نفس المشكله بتاعه الافراج الجمركي ازاي اعرف ان الملف الموتور راح المرور او اوديه ازاي للمرور بتاعي و اكلم مين.. اكلم المستورد بتاع بورسعيد ولا اروح الدراسه انا مش عارف برجاء المساعده السريعه الرخصه دلوقتي مرور فيصل وانا هانقلها مرور الشروق
            انا طلعت شهاده مخالفات و بيانات للشروق
            [CENTER]سبحان الله و بحمده سبحان الله العظيم
            [/CENTER][CENTER][media]http://www.beefiles.com/wp-content/uploads/2012/10/Proton-Gen-2.jpg[/media][/CENTER]

            Comment

            Working...
            X