إعـــــــلان

Collapse

.

,
See more
See less

اول مشاركه ليا ومشكله ارجوكو ساعدوني ^^

Collapse
X
 
  • Filter
  • الوقت
  • Show
Clear All
new posts

  • اول مشاركه ليا ومشكله ارجوكو ساعدوني ^^

    السلام عليكم ورحمه الله وبركاته
    ازيكم يا جماعه الخير ^^
    دي اول مشاركه ليا ف المنتدى
    انا من من اكبرا المتابعين للمنتدي حتى من قبل ما اسجل فيه
    كنت دايما بخش ع جوجل واقرا المواضيع المختلفه فيه وبصراحه كنت بستفيد كتير جدا جدا
    احب ف بدايه الموضوع اشكر القائمين على هذا المنتدى العظيم وملحقاته
    معلش طولت عليكو
    المهم انا عندي مشكله بسيطه شويه انا والدي اشترى عربيه من عربيات تاكسي العاصمه وهيا كيا سيراتو 2009
    العربيه الحمد لله حالتها فوق الممتاز ومش متهانه وكانت لقطه وهو خدها غاليه شويه عشان نضيفه
    المهم الحج سافر السعوديه لشغل ودبسني انا ف العربيه وانا هاتم الـ 18 كمان شهرين تلاته وطبعا العربيه مفيهاش نمر عشان ملهاش ورق اصلا ف المرور
    دلوقتي انا عايز اخد رايكو ف اكتر من حاجه
    انا الحج والدي جت تحت ايدو اكتر من عربيه محترمه وهو للاسف مش بيهتم بالعربيات كل اللي يهمو انها توصلو للمكان المقصود حتى ولو ع نهايتها وانا اللي بتدبس ف الباقي
    يعني مثلا قبل ما يسافر السعوديه كان بيسافر ((طاميه)) كتير للشغل تقريبا 3 مرات ف الاسبوع وتخيلو كان بيحط بنزين 80 للعربيه !!
    طبعا العربيه بدات تكركر وتنتش وصوت المطور علي والمكيف ادائو قل بكتير
    وتيت تيت تيت لبنزين 80


    دلوقتي انا عايز رايكو ف كام حاجه هاتجنني
    _دلوقتي هو مش راضي يخليني احط اي بنزين اعلى من 80 لحد ما العربيه تترخص واركب نمر ف ايه الحل لرفع مستوى اداء العربيه ؟
    سمعت عن حاجه الناس بتعملها بيخلطو بينزين 80 ع 90 !
    مش عارف ده صح ولا لا
    _دلوقتي وانا ماشي العربيه العزل بتاعها حلو والحمد لله ومش بحس بالعالم وانا جوا العربيه بس الطابلو بحس فيه بشخلله يعني المسجل بيتحرك سم يمين وسم شمال
    بسمع تزييئ كتير ف المطبات .. ايه الحل



    اخر طلب عايز اطلبو منكو لو حد عندو اي معلومات عن عربيات تاكسي العاصمه والورق بتاعها ياريت يبلغني لان العربيه واقفه تحت البيت وانا بتحسر عشان مش بعرف اتحرك بيها ( اي نعم بتحرك بيها وبعمل كل اللي انا عايزو ^^ ) بس بردو ما زالت في اماكن مش عارف اروحها بالعربيه عشان النمر وانا اصلا لسا مطلعتش الرخصه ^^



    واسف لو مكان الموضوع غلط بس دي اول مشاركه ليا ^^
    اسف ع الاطاله
    اخوكو مؤمن

  • #2
    35 مشاهده ومحدش عبرني

    Comment


    • #3
      بخصوص خلط البنزين اسمع انه مش كويس انك تخلط البنزين دا على دا لان كل واحد بيكون فيه شوائب يعنى مثلا البنزين 80 الى هو رقم الاوكتاب بتاعه80 بيكون فيه قدر من الشوائب اكتر من90 و92 فا كل ما زاد رقم الاوكتان للنزني كل ما زادت الكفائة وكل ما كان قليل كل ما اثرت الشوائب على المطور دا على حد علمى وان شاء الله الاعضاء يصححولى لو فى حاجة غلط

      Comment


      • #4
        المشاركة الأصلية كتبت بواسطة عاصم حسنين مشاهدة المشاركة
        بخصوص خلط البنزين اسمع انه مش كويس انك تخلط البنزين دا على دا لان كل واحد بيكون فيه شوائب يعنى مثلا البنزين 80 الى هو رقم الاوكتاب بتاعه80 بيكون فيه قدر من الشوائب اكتر من90 و92 فا كل ما زاد رقم الاوكتان للنزني كل ما زادت الكفائة وكل ما كان قليل كل ما اثرت الشوائب على المطور دا على حد علمى وان شاء الله الاعضاء يصححولى لو فى حاجة غلط

        متشكر جدا على سرعه الرد يا أستاذ عاصم ^^
        بس انا مشكلتي الاولى والاكبر هو ترخيص العربيه .. يا رب الاعضاء تشاركني

        Comment


        • #5
          لا شكر على واجب لكن بخصوص الرخصة معرفش وادينا فى انتظار بقية الاعضاء يمكن حد يفيدنا

          Comment


          • #6
            هو يعنى ايه العربيه ملهاش ورق فى المرور ... امال نمرها فين ووالدك اشتراها ازاى؟
            [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

            Comment


            • #7
              المشاركة الأصلية كتبت بواسطة mohamed_selim مشاهدة المشاركة
              هو يعنى ايه العربيه ملهاش ورق فى المرور ... امال نمرها فين ووالدك اشتراها ازاى؟

              استاذ محمد .. شكرا لتفاعلك معايا ف الموضوع
              العربيه كانت تاكسي والشركه باعت النمر بتاعت التاكسي للتاكسي الابيض من غير ما تدفع الضرايب اللي عليها وعشان يكون في ورق لازم الضرايب تدفع وانا عشان هاحول ملاكي لازم اشتري النمر الملاكي ولازم الشركه تدفع الضرايب والشركه طبعا متهربه من دفع الضرايب لذا مفيش اي ورق ف المرور انا مش معايا غير عقد بيع السياره مسجل في 21-3-2012
              وبكره ان شاء الله في جلسه ف المحكمه لان في 400 محضر واكتر معمولين ع اصحاب الشركه
              بس مظنش ان في امل .. يا ريت اللي يعرف حاجه يدلني يا جماعه

              Comment


              • #8
                معندكش حل غير انك تمشى ورا المحضر و القضيه
                حاول تجيب ورق من المحكمه بما يفيد الترخيص لحين البت فى القضيه و لو نفع اهو على الاقل تقدر ترخص العربيه
                ربنا معاك
                [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

                Comment


                • #9
                  المشاركة الأصلية كتبت بواسطة mohamed_selim مشاهدة المشاركة
                  معندكش حل غير انك تمشى ورا المحضر و القضيه
                  حاول تجيب ورق من المحكمه بما يفيد الترخيص لحين البت فى القضيه و لو نفع اهو على الاقل تقدر ترخص العربيه
                  ربنا معاك

                  هو ده اللي بعملو بالظبط ولو ليك عند .... حاجه قولو يا سيدي وادينا بنقول للقضاء يا سيدي لحين البت في القضيه
                  شاكر ليك تفاعلك معايا
                  وادي اللي خدناه من مصر

                  Comment


                  • #10
                    بس كدة على مايتحكم فى القضية لصالحكوا باذن الله هيكون الوالد خلص عليها ببنزين تمانين امال اللادا و 128 تمون ايه
                    واخرتها ايه معاكي يا بلد!!!!!!!!!

                    Comment


                    • #11
                      المشاركة الأصلية كتبت بواسطة walidzakzok مشاهدة المشاركة
                      بس كدة على مايتحكم فى القضية لصالحكوا باذن الله هيكون الوالد خلص عليها ببنزين تمانين امال اللادا و 128 تمون ايه


                      والله يا استاذ وليد انا هاولع منو اصلا
                      بس ما باليد حيله هو اصلا كدا كدا العربيه مش بتحرك واقفه تحت البيت ومعروضه للبيع

                      Comment


                      • #12
                        المشاركة الأصلية كتبت بواسطة no2nn مشاهدة المشاركة
                        والله يا استاذ وليد انا هاولع منو اصلا
                        بس ما باليد حيله هو اصلا كدا كدا العربيه مش بتحرك واقفه تحت البيت ومعروضه للبيع

                        طيب هاتبيعها ازاي من غير ورق والموديل دة من الموديلات المحترمة اللي نزلتها كيا ولو حالتها كويسة خسارة بيعها
                        واخرتها ايه معاكي يا بلد!!!!!!!!!

                        Comment


                        • #13
                          المشاركة الأصلية كتبت بواسطة walidzakzok مشاهدة المشاركة
                          طيب هاتبيعها ازاي من غير ورق والموديل دة من الموديلات المحترمة اللي نزلتها كيا ولو حالتها كويسة خسارة بيعها


                          ما هو المشكله الكبيره ان العربيه حالتها فوق الممتازه واتوماتك وتكيف ميه ميه
                          عشان كده انا متابع مع القضيه ومش عايز ارجعها لان خساره ترجع
                          مع ان والدي شاريها غاليه والله
                          بس هانعمل ما علينا الا الصبر
                          ولو حد من الاعضاء يعرف حد يخلصلنا الموضوع ده يبقا جت من عند ربنا

                          Comment

                          Working...
                          X