حبس المخالفات المرورية ...في زنازين خاصة

[Ahmed Samy]

وليه لأ ؟!

يعني انا لو خرجت من غير رخصة
او ما حطيتش حزام الأمان
أو أو أو

هل اسجن مع المجرمين و اللصوص و تجار المخدرات ؟؟؟؟

هناك سجون للعقوبات المشددة

و هناك عنابر للمساجين الخطرين ذوي الجرائم الشديدة

لماذا لا يكون هناك زنازين أو سجون خاصة (بالفرافير) بتوع الرخصة و الحزام و النور العالي

ثم هل ستكون هذه العقوبة مثبته في السجل الجنائي ؟؟؟ يعني هاكون سوابق ؟؟؟


ايه رأيكم ...دام فضلكم

[Chicco]

......لماذا لا يكون هناك زنازين أو سجون خاصة (بالفرافير) بتوع الرخصة و الحزام و النور العالي .....

مش عارف يا دكترة حاسس أن موضوع القانون الجديد ده سبوبة "رزق " لمندوبي الشرطة و عساكر المرور و شاكلتهم ....مش حيتنفذ بحذافيره يعني

و بعدين الحبس غير السجن .....يعني الفرافير دول يتحطوا في أوضه الفيران و خلاص

[hazem_khidr]

ههههههههههه
حلوه اوضه الفيران دي يا شيكو باشا بتفكرني لما كنت في الحضانه و انا صغير و المدرسه تقولنا اللي مش بيسمع كلام الميس حيروح اوضه الفيران و انا كنت عاوز اروح و نفسي موووت اتفرج عليها و كذا مره ما اسمعش الكلام علشان يودوني و ما روحتش هههههههههههههه.
...........................
اما بالنسبه لحكايه الحبس في المرور دي ففعلا المفروض يبقي في سجن خاص للمخالفات دي بس هيهات انت بتكلم مين :(

[MoToRiZeR]

المفروض تماشيا مع القانون نايل موتورز تعمل tag جديد للأعضاء

زي "جديد" أو "نشيط" أو "موقوف" نضيفلهم "مسجون" برضه .. عشان اللي يغيب منقلقش عليه و نزوره بحلاوة (العيش صعب اليومين دول)

و الله حاجة تضحك .. و هيبقي زي ما بنشوف في الأفلام الناس تتجمع كلها في الحجز .. و المعلم (اللي هو أكتر واحد مجرم فيهم و ماسك السجن) .. انت جاي هنا ليه ياض ؟ نشل يا باشا .. و انت ياض ؟ دعارة يا معلم .. و انت ياض ؟ قتل يا ريس .. و انت ياض ؟ انا مكنتش رابط الحزام حضرتك

[marsguy]

فعلاً شئ مرعب

فعلاً السجن ده أهون حاجه فيه هو عقوبة الحبس نفسه، إنما الرعب الحقيقي بيكون من الناس اللي في السجن وطبعاً كلنا سمعنا عن الأهوال اللي ممكن تحصل من رفقاء الزنزانه :)

أنا بيتهيألي إني لو لا قدر الله وقفت في لجنه وحسيت إني هاتحبس هاسيبلهم العربيه وهاطلع أجري :)

[Chicco]

ههههههههههه
حلوه اوضه الفيران دي يا شيكو باشا بتفكرني لما كنت في الحضانه و انا صغير و المدرسه تقولنا اللي مش بيسمع كلام الميس حيروح اوضه الفيران و انا كنت عاوز اروح و نفسي موووت اتفرج عليها و كذا مره ما اسمعش الكلام علشان يودوني و ما روحتش هههههههههههههه.

بالظبط يا مستر زيما ....حاجة تخوف بيها الولاد الأشقيا و خلاص انما عند الجد ما فيش حاجة
محمود باشا الله يجازيك....
قعدت أتصور المشاركة بتاعتك ديه في صورة ممثلين المعلم الكبير طلع محمد رضا و مسجلين خطر المليجي و الدقن و فريد شوقي ....الفرفور بقى الواد بتاع فيلم إشاعة حب مش فاكر إسمه إيه

[aif]

....الفرفور بقى الواد بتاع فيلم إشاعة حب مش فاكر إسمه إيه

لوسي يا أونكل ... ابن تانت فكيهه

[Chicco]

لوسي يا أونكل ... ابن تانت فكيهه

لا يا باشا أنا فاكر لوسي و فكيهة بنت سلطح بابا و الكريب سوزيت ...أنا قصدي إسمه الحقيقي

[aif]

لا يا باشا أنا فاكر لوسي و فكيهة بنت سلطح بابا و الكريب سوزيت ...أنا قصدي إسمه الحقيقي

دي صعبة اوي .... انا عمري ما شوفت اول الفيلم ده واسماء الممثلين
كانو بيقولو انه رأفت الهجان ... بس طبعا دي طلعت اوشاعة رنين ماغناطيسي

[MoToRiZeR]

انا يتهيالي اصلا انه مطلعش الا في الفيلم ده .. و اشاعة رأفت الهجان دي حاجة تضحك ضحك ! خاصة الناس اللي بتقولها بقلب جامد

[aif]

انا يتهيالي اصلا انه مطلعش الا في الفيلم ده .. و اشاعة رأفت الهجان دي حاجة تضحك ضحك ! خاصة الناس اللي بتقولها بقلب جامد

ماهو الاشاعة انه لما كان عامل نفسة يهودي اشتغل ممثل ..... يعني مش باسمه الاصلي
وهو طلع في ادوار تانية منها فيلم ملاك وشيطان ... بتاع رشدي اباظة نجوى فؤاد لما كان خاطف البنت الصغيرة بنت الجواهرجي ... كان هو واحد من عصابة زكي رستم

[R A N A]

ماهو الاشاعة انه لما كان عامل نفسة يهودي اشتغل ممثل ..... يعني مش باسمه الاصلي
وهو طلع في ادوار تانية منها فيلم ملاك وشيطان ... بتاع رشدي اباظة نجوى فؤاد لما كان خاطف البنت الصغيرة بنت الجواهرجي ... كان هو واحد من عصابة زكي رستم

الله عليك يااستاذ احمد ياذاكرة السينما المصرية ايوة انا فاكرة وبرده كان طالع باللبانة والقميص الابيض اللي زرايرة ناقصة ده

بس نسيب لوسي وتانت فكيهه دول دلوقتي ونرجع لموضوع المخالفات والحبس ده

سؤال بقي دلوقتي هما البنات برده هايتقبض عليهم ويتحبسوا في موضوع المخالفات المرورية ده وكده

وندخل الحبس بقي ونلاقي بنت كده شكلها مش ولابد وبتاكل لبانة بطريقة متوحشة وفي بوقها سيجارة كده تقعد تتفحصنا شوية وتلف حوالينا كده وبعدين تروح للبوصاية بتاعة الحبس (اللي هي مؤنث بوص يعني) وتقولها دول زباين جداد ياأبلتي ونبقي رد سجون وسوابق وكده

ولما يكون في عريس بيتقدم لعروسة بقي لما ييجي يتقدم يتقاله دي ليها ملف في المرور وبدل مايسأل الجيران يسأل في القسم بقي ماهي بقت سوابق بقي ويشوف عليها احكام تانية ولا لأ :biggrinjester:

يانهار ابيض دانا بابا يتبري مني فورا لو اتحبست:angelsad2: ومش هايقول بقي دي مخالفة مرورية ولا غيره البنت بقت سوابق ورد سجون

دانا ابيع من بكرة واجيب سكوتر بقي لو الحوار هايبقي بالشكل ده
بس بردة ممكن يطلعوا مخالفات للسكوتر مش بعيد يعني ويعملوا مخالفات كمان للعربيات المتصادمة اللي في الملاهي بالمرة :D

[Akram]

صحيح موضوع البنات ده الواحد مفكرش فيه ,
هو المفروض انكم بتنادوا بالمساواه بين الراجل و المرأة ,
يالا شوفوا بقى اللي ممكن نشوفه ,
و كلنا هنبقى في الهوا (السجن) سوا .... :) :) :)

انا آسف بس شر البلية ما يضحك .........

على فكرة الحبس في أي قسم دا مشكلة في حد ذاته ,
معاملة ذي الفل و مكان لا آدمي و و و ... فما بالكم بالسجن ,
انا مجربتش الحمد لله بس شوفته فيديو .........

[MoToRiZeR]

صحيح موضوع البنات ده الواحد مفكرش فيه ,
هو المفروض انكم بتنادوا بالمساواه بين الراجل و المرأة ,
يالا شوفوا بقى اللي ممكن نشوفه ,
و كلنا هنبقى في الهوا (السجن) سوا .... :) :) :)

انا آسف بس شر البلية ما يضحك .........

على فكرة الحبس في أي قسم دا مشكلة في حد ذاته ,
معاملة ذي الفل و مكان لا آدمي و و و ... فما بالكم بالسجن ,
انا مجربتش الحمد لله بس شوفته فيديو .........

شفت الفيديو بتاع الضباط اللي جابوا واحد من الحجز و عملوا مسابقة مين يضربوا علي قفاه أكتر عدد من المرات في دقيقة ؟

[Ahmed Samy]

[quote=Akram;353191]صحيح موضوع البنات ده الواحد مفكرش فيه ,
هو المفروض انكم بتنادوا بالمساواه بين الراجل و المرأة ,
يالا شوفوا بقى اللي ممكن نشوفه ,
و كلنا هنبقى في الهوا (السجن) سوا .... :) :) :)

quote]

القانون ده لو اتطبق على الستات السواقين الشجعان اللي مطلعين عينينا

مفروض يزودوا عقوبة (النفي) مش الحبس