سؤال محيرني بخصوص طريق القطاميه - السخنه

[hishamanilka]

انا كنت رايح السخنه وكل مره كنت بمشي من طريق القاهره - السويس وبعد لما اوصل السويس اتجه الي طريق السويس - السخنه وده كان بياخد معايا حوالي ساعتن وربع او ونص حسب سيرك وفيه طريق تاني اسمه وادي حجول وده طريق مختصر شويه مش فاكر عن ك كام القاهره السويس بس هوا ناحيه اليمين تدخل فيه وسط الجبل وده طريق محاجر وكله رعب بامانه لانه ضيق وكل العربيات اللي فيه نقل تقيل وفين وفين لما تلاقي عربيه بتعدي يعني لو لا قدر الله وحصل حاجه لعربيتك ربك يسترها لن تجد اي حد يساعدك وممكن كمان يطلع عليك العرباويه يقلبوك ههههههههههههههه :lol: وربنا يستر لو معاك حريم المهم طريق وادي حجول ده مختصر شويه عن القاهره - السويس لحد ما واحد صاحبي قاللي جرب القطاميه - السخنه قلت نجرب وماله وجربته ولقيته طريق رائع جدا جدا من اروع الطرق اللي مشيت عليها لانه طريق واسع جدا حوالي خمس حارات وطريق نظيف ومفيش حفر ومطبات وعربيات قليله جدا واللي بيسافروه هيعروفوه معناه كلامي يبقي عاوز ايه تاني هههههه كل وسائل الراحه متوفره بس الحلو مبيكملش لاني لقيت عند بوابه تحصيل الرسوم ان قيمه رسوم المرور خمسه جنيه قلت وماله علي الطريق الجميل ده بس وانا ماشي بعد البوابه تاملت الطريق كويس وسرحان في الخمسه جنيه ههههههه :D
لقيت ان الطريق مفيهوش ولا عمود نووووووور للاسف :( طيب بياخدوه مننا خمسه جنيه ليه :?: :?:
مش المفروض ان الرسوم دي لتنميه الطريق يعني الطريق ده زاي الفل بالنهار انما بليل ربنا يسترها معاك
والسؤال هنا رسوم تنميه الطريق اللي بيتم تحصيلها علي البوابات من السيارات الماره مصيرها ايه ؟؟؟؟

[هشام السمالوطى]

انا طبعا مش موافق انهم ياخذوا فلوس من اساسه
لان مفروض الطرق دى مسئوليه الدوله اللى بندفع لها ضرائب
و لو دي شركه خاصه اللى عامله الطريق مفروض الحكومه تاخد منها رسوم زى اشغال او استعمال و الشركه دي تاخد فلوس من اعلانات على الطريق او استراحات و برضه احنا ما ندفعش حاجه
اما عن سؤالك فانا جربت الطريق باليل اكثر من مره و الحقيقه عين القط موجوده من اول الطريق لاخره بس ما تحاولش تروح اى طريق فرعى لحد اخره باليل بالذات

[fady]

يا سيدي طيب ما في طرق كتير قوي و راكب فيها عواميد النور و برضه مش شغاله و كمان فيه طرق بتلاقي النور شغال الصبح و مطفي بالليل..!!!

:roll:

[جندى مجند]

أنا مشيت على الطريق دة مرة واحدة بس من حوالى سنة كنت راجع من الغردقة ... الطريق تحفة فعلاً بس العيب - قصدى الكارثة - الوحيدة اللى فيه ان فى نهايته قرب القاهرة كان فى ***مطب*** ... أى و الله مطب على high way بدون أى تحذيرات و لا اشارات و لا علامات ... كان فى واحد ماشى قدامى و كنا ماشيين على 130 أو 140 مش فاكر و فجأة ادا انتظار و لقيته فرمل جامد و كنت حألبس فيه شر لبسة و العربية مكانتش كملت 5000 كيلو وقتها لولا ستر الله انى حودت على شماله و لسة حأبدأ أزعق و أشتم فوجئت انه فرمل عشان المطب الفجائى دة ... ليه عاملينه؟؟؟ نفسى أفهم لحد دلوقتى و مش لاقى أى تفسير ... مش عارف بقى لسة موجود ولا شالوه

[hishamanilka]

موجووووووووود هيروح فين يعني هوا بلدك بتشيل مطبات بتحط مطبات بس انما متشيلش هههههههههههههه

[NaderNabil]

أنا مشيت على الطريق دة مرة واحدة بس من حوالى سنة كنت راجع من الغردقة ... الطريق تحفة فعلاً بس العيب - قصدى الكارثة - الوحيدة اللى فيه ان فى نهايته قرب القاهرة كان فى ***مطب*** ... أى و الله مطب على high way بدون أى تحذيرات و لا اشارات و لا علامات ... كان فى واحد ماشى قدامى و كنا ماشيين على 130 أو 140 مش فاكر و فجأة ادا انتظار و لقيته فرمل جامد و كنت حألبس فيه شر لبسة و العربية مكانتش كملت 5000 كيلو وقتها لولا ستر الله انى حودت على شماله و لسة حأبدأ أزعق و أشتم فوجئت انه فرمل عشان المطب الفجائى دة ... ليه عاملينه؟؟؟ نفسى أفهم لحد دلوقتى و مش لاقى أى تفسير ... مش عارف بقى لسة موجود ولا شالوه

there are warning signs about 2 kilometers before the matab

it is being put there becoause it is the end of the road, if u see what is after the matab u'll find a great turn going into the normal city streets, so if u were going with that speed into this area , u wouldn't have survived the turn nor the coming traffic from the street

the matab is still there and will be there forever :!:

take care from the signs ba3d keda

[ahmed1981]

نهايته قرب القاهرة كان فى ***مطب***

لو لابد يحطوا مطب يحطوا عين قط بالعرض وده هيخلي الناس تاخد بالها من نهاية الطريق المهم الكلام ده يوصلهم إزاي؟؟؟؟؟؟؟؟؟

[maged]

متفكرونيش بالمطب ده لا انسى يوم ما كنت راجع من الغردقة الساعة 12 مساء وبتكلم مع الاولاد ومش مركز مع الطريق ولم الاحظ اللوحة وكنت ماشى على سرعة 130 وفجأة بصيت قدامى شفت المطب على بعد 50 متر قمت دايس فرامل بس مش بغشامة وكلت المطب على سرعة 80 طارت العربية فى الهوا انا قلت خلاص العربية انتهت واحنا انتهينا لكن العربية رزعت على الارض فتوقفت تماما ثم فكرت انى لو نزلت من السيارة الدنيا ظلام دامس مش هشوف حاجة والمكان خطر فنظرت الى عدادات السيارة كى الاحظ اى تغيير فى درجة الحرارة او لمبة الزيت او اى شى غير طبيعى لاكن لاقيت كل شى تمام والعربية دايرة توكلت على وكملت المشوار الى القاهرة وعينى على العدادات ووصلنا بالسلامة وتانى يوم رفعت العربية لم اجد فيها اى شى او اثر للمطب نهائيا واكتشفت ان والدى كل بالعربية دى 3 مطبات من نفس العينة لكن الحمد لله لم يحدث شى السيارة نوعها دايو لانوس 2 موديل 2000 كاملة ومن يومه اعشق اللانوس ركزو فى الطرق كويس وربنا يستر طريقنا جميعا