اول اغسطس والنمر الجديدة!!!!!!!!!!!!!!

[R A N A]

اول اغسطس خلاص بعد بكرة والنمر الجديدة نزلت خلاص
دلوقتي بقي ايه بقي الاجراءات المتبعة في موضوع النمر الجديدة ده ونروح امتي وهل اجباري ان كل الناس تروح اليومين دول تعلق النمر الجديدة (الدنيا اكيد هاتبقي زحمة موووووووت في المرور) ولا هاياخدوها علي شرايح يعني ويدونا فرصة كام شهر كده زي ماعملوا في موضوع بطاقات الرقم القومي ومتمش الغاء البطاقات القديمة الا بعد 5 سنين او اكتر ياريت حد يفيدنا ويقولنا هانعمل ايه بالضبط ؟

انا عربيتي مرور مدينة نصر والمفروض ان صاحبها نقلها مرور السلام ومكتوب في رخصتها تصريح مؤقت لمرور السلام (تقريباً لحد مالملف يوصل يعني) بس هي مترخصة 3 سنين بس التصريح ده عشان موضوع النمر الجديدة تقريباً
والتصريح ده خلص 14 يوليو انا بقي دلوقتي موقفي ايه؟
انا بالمناسبة معايا توكيل مكتوب فيه للبيع للنفس وللغير والتعامل مع المرور
ياتري اتصرف ازاي دلوقتي وهل في مشكلة لما امشي بيها دلوقتي ولا تعتبر رخصة منتهية وهاتتسحب مني؟
ولحد مانعلق النمر الجديدة (الله اعلم الحوار ده هاياخد وقت اد ايه؟ وكمان بيني وبينكم انا مكسلة اوي و نفسي مقفولة اوي ومش عايزة اروح مرور السلام المقرف ده بعد تجربتي المريرة فيه بالذات اليومين دول ) لحد ماروح المرور بقي هل اتجنب امشي جنب اي كمين ولا استخبي اليومين دول مثلا ولا اعمل ايه؟

مفيش حد في المنتدي هنا ضابط مرور ولا شغال في ادارة المرور حتي يكون عارف الإجراءات ويقولنا ايه النظام؟

[Akram]

اولاً بالنسبة للنمر الجديدة:
انا مسمعتش انهم هيطبقوا النمر الجديدة مرة واحدة ,
و بالمنطق كده هم لسه بادئين في انتاج النمر و علشان يعملوا 5 مليون نمرة محتاجين وقت كبير ,
دا غير الإزدحام اللي هيكون في كل وحدات المرور ,
اعتقد انهم هيخلوا الإجراء ده في حالة تجديد الرخصة أو عند الفحص و ده معناه انهم هينتهوا من استبدال كل النمر في خلال 3 سنين لأن دي اكبر فترة ممكن تتعمل للرخصة ,

ثانياُ بانسبة للتصريح :
طالما خلص يبقى لو قابلك كمين أو حتى في أي إشارة لو طلبها حد من المرور هتبقى مخالفة ,
و انت تقدري تعملي إجراءات نقل الملكية و الترخيص طالما معاكي توكيل ,

يبقى انت قدامك حلين :
**يا إما تتداري اليومين دول في مكان أمين ,
**يا إما تعصري على نفسك لمونة و تروحي مرور السلام و بعد كده المرور اللي انت تبعة و تعملي إجراءات نقل الملكية ,

و ابقي قوليلنا على موضوع النمر لما تروحي المرور .......
ربنا معاكي ..............

[theking2690]

نصيحه لما تروحى مرور السلام د فضى نفسك اليوم ده خالص لأن ده مرور العذاب بعينه

[R A N A]

اولاً بالنسبة للنمر الجديدة:
انا مسمعتش انهم هيطبقوا النمر الجديدة مرة واحدة ,
و بالمنطق كده هم لسه بادئين في انتاج النمر و علشان يعملوا 5 مليون نمرة محتاجين وقت كبير ,
دا غير الإزدحام اللي هيكون في كل وحدات المرور ,
اعتقد انهم هيخلوا الإجراء ده في حالة تجديد الرخصة أو عند الفحص و ده معناه انهم هينتهوا من استبدال كل النمر في خلال 3 سنين لأن دي اكبر فترة ممكن تتعمل للرخصة ,

ثانياُ بانسبة للتصريح :
طالما خلص يبقى لو قابلك كمين أو حتى في أي إشارة لو طلبها حد من المرور هتبقى مخالفة ,
و انت تقدري تعملي إجراءات نقل الملكية و الترخيص طالما معاكي توكيل ,

يبقى انت قدامك حلين :
**يا إما تتداري اليومين دول في مكان أمين ,
**يا إما تعصري على نفسك لمونة و تروحي مرور السلام و بعد كده المرور اللي انت تبعة و تعملي إجراءات نقل الملكية ,

و ابقي قوليلنا على موضوع النمر لما تروحي المرور .......
ربنا معاكي ..............

لا حضرتك فهمتني غلط انا برده تبع مرور السلام زي الراجل اللي اشتريتها منه بس هو لما اشتراها كانت مرور مدينة نصر وعمل نقل ملكية وترخيص 3 سنين وكل حاجة بس مرور السلام مكنش لسة الملف جالهم وهو قالي هاتروحي هاتلاقي الملف موجود وكل حاجة مدفوعة لمدة 3 سنين يدوب بس تاخدي تصريح دائم وتعلقي النمر الجديدة ومش هاتدفعي حاجة ومتنقليش ملكية دلوقتي عشان متخسريش الترخيص بتاع ال 3 سنين دول ويروح عليكي

نصيحه لما تروحى مرور السلام د فضى نفسك اليوم ده خالص لأن ده مرور العذاب بعينه

المشكلة اني فعلا عارفة المأساة دي انت هاتقولي انا شفت بعيني محدش قالي روحت يوم مع الراجل عشان يطلع شهادة البيانات قعدنا من الساعة 10 او 11 الصبح لحد الساعة 5 او 6 مساءاً وحسبي الله ونعم الوكيييييييييييل

[Akram]

انت لو نقلتي الملكية مش هتخسري ترخيص الـ 3 سنين ولا الضرائب و لا التأمين ,
لكن هتتكلفي قيمة نقل الملكية في الشهر العقاري و دي بتتوقف على سنة الصنع و السعة اللترية و دي غير الزيادة اللي تمت على الضرائب في الفترة الماضية , يعني لو عربيتك 128 فقيمة نقل الملكية هتكون في حدود 100 ج ,

بس خللي بالك بما ان التصريح خلص فلما هتيجي تنقلي الملكية هيطلبوا منك تأكيد رقم الموتور و الشاسيه من الملف في المرور السابق (دا إذا كان الملف غير موجود في السلام) , يعني مشوار تاني لمرور مدينة نصر , :(

يا ريت شوال لمون علشان واحدة ولا اتنين مش هيكفوا ......

[R A N A]

انت لو نقلتي الملكية مش هتخسري ترخيص الـ 3 سنين ولا الضرائب و لا التأمين ,
لكن هتتكلفي قيمة نقل الملكية في الشهر العقاري و دي بتتوقف على سنة الصنع و السعة اللترية و دي غير الزيادة اللي تمت على الضرائب في الفترة الماضية , يعني لو عربيتك 128 فقيمة نقل الملكية هتكون في حدود 100 ج ,

بس خللي بالك بما ان التصريح خلص فلما هتيجي تنقلي الملكية هيطلبوا منك تأكيد رقم الموتور و الشاسيه من الملف في المرور السابق (دا إذا كان الملف غير موجود في السلام) , يعني مشوار تاني لمرور مدينة نصر , :(

يا ريت شوال لمون علشان واحدة ولا اتنين مش هيكفوا ......

ربنا يستر بقي
انا شكلي هالبس في حيطة قريب ربنا يستر
ميرسي على ردك وافادتك ليا ربنا يكرمك

[hazem_khidr]

مفيش اي مشكله
روحي المرور و جددي الترخيص
لو ملف عربيتك وصل من مرور مدينه نصر حيطلعوا ليكي رخصه ساريه بباقي التلات سنين بدل الترخيص
لو طبقوا موضوع النمر حيدوكي نمر جديده
انما لو حتجددي الترخيص لازم تدفعي رسوم نقل الملكيه و تجددي باسمك:)

[Adham]

:
انا شكلي هالبس في حيطة قريب ربنا يستر

لو كدة يبقى الأحسن تأمني عالعربية ضد الحوادث و تلتزمي بربط الحـــــــزام

[معاذ الشرباصى]

على فكرة, النمر الجديدة المتاح منها 20 الف لوحة, و هتبدأ فى مرور مدينة نصر فقط, كمرحلة اولى

يليها بعد كده باقى وحدات المرور, ثم المحافظات

[Adham]

انا مفروض اروح مرور مدينة نصر 6 اغسطس علشان اغير اللوح علشان لما اشتريت العربية من سنة و مافيش لوح عندهم و عمالين يدوني تصريح في تصريح

لما اشوف بقى النمر الجديدة

حاحاول ألحق اكون اول عضو في نايل موتورز يحط النمر الجديدة

حاصورها و اوريهالكم
ممممممممممممممممممممممممممم

[R A N A]

مفيش اي مشكله
روحي المرور و جددي الترخيص
لو ملف عربيتك وصل من مرور مدينه نصر حيطلعوا ليكي رخصه ساريه بباقي التلات سنين بدل الترخيص
لو طبقوا موضوع النمر حيدوكي نمر جديده
انما لو حتجددي الترخيص لازم تدفعي رسوم نقل الملكيه و تجددي باسمك:)

اولا ميرسي اوي علي ردك واهتمامك يااستاذ حازم
بس هو يعني معلش اصلي مش فاهمة اوي في الاجراءات دي والكلام متشابه عليا جدا برجاء توضيح مايلي:
هل انا بالتوكيل اللي معايا ده مينفعش اخد الرخصة الدائمة بال3 سنين اللي مترخصين اصلا؟
وبكده يبقي انا دلوقتي افهم من كلامكوا ان قدامي حلين اختار مابينهم وهما:
1- يإما اخد الراجل صاحب العربية معايا عشان نستلم التصريح الدائم ونعلق النمر الجديدة لو الملف وصل وتم البدء في النمر الجديدة في مرور السلام اصلا او يجددوا التصريح لو الملف موصلش والنمر لسة منزلتش؟
2- أو انقل ملكية بإسمي واسيبني من التوكيل ده خالص وارح اوريهم العقد اللي بإسمي واسلمهم رخصة الراجل وهما يسلموني رخصة جديدة بإسمي وتتحسبلي ال 3 سنين من غير مادفعهم تاني؟
اذا كان علي رسوم نقل الملكية والحوار ده اعمله بس قولولي ايه الاجراءات
وتقريبا هايتكلف كام عشان اعمل حسابي مش اكتر يعني
معلش هاتعبكوا معايا شوية بس اصلي ماليش في الروتين ده خالص وبصراحة خبرتي علي قدي قوي في الموضوعات المتعلقة بيه.

لو كدة يبقى الأحسن تأمني عالعربية ضد الحوادث و تلتزمي بربط الحـــــــزام

طب بزمتك انا راضية زمتك يعني أأمن علي 128 موديل 87 ازاي ده شركة التأمين ممكن تشتمني

[Adham]

خلاص يبقى ماتلبسيش في الحيطة

دوسي فرامل أسهل

[hazem_khidr]

اولا ميرسي اوي علي ردك واهتمامك يااستاذ حازم
بس هو يعني معلش اصلي مش فاهمة اوي في الاجراءات دي والكلام متشابه عليا جدا برجاء توضيح مايلي:
هل انا بالتوكيل اللي معايا ده مينفعش اخد الرخصة الدائمة بال3 سنين اللي مترخصين اصلا؟
وبكده يبقي انا دلوقتي افهم من كلامكوا ان قدامي حلين اختار مابينهم وهما:
1- يإما اخد الراجل صاحب العربية معايا عشان نستلم التصريح الدائم ونعلق النمر الجديدة لو الملف وصل وتم البدء في النمر الجديدة في مرور السلام اصلا او يجددوا التصريح لو الملف موصلش والنمر لسة منزلتش؟
2- أو انقل ملكية بإسمي واسيبني من التوكيل ده خالص وارح اوريهم العقد اللي بإسمي واسلمهم رخصة الراجل وهما يسلموني رخصة جديدة بإسمي وتتحسبلي ال 3 سنين من غير مادفعهم تاني؟
اذا كان علي رسوم نقل الملكية والحوار ده اعمله بس قولولي ايه الاجراءات
وتقريبا هايتكلف كام عشان اعمل حسابي مش اكتر يعني
معلش هاتعبكوا معايا شوية بس اصلي ماليش في الروتين ده خالص وبصراحة خبرتي علي قدي قوي في الموضوعات المتعلقة بيه

العفو يا بيردي :)
انت ممكن ترخصي عادي باسم صاحب العربيه لو الملف وصل و كان عندهم اي لوحات سواء جديده او قديمه بس ما ينفعش انك تجددي ترحيص العربيه يعني لو مده الرخصه اللي هيا 3 سنين خلصت لازم تنقلي العربيه باسمك و تجددي الترخيص
يا كده يا اما كمان تلات سنين تروحي تجيبي الراجل يجدلك و طبعا دا مستحيل و انا عن نفسي لما ببيع عربيه بجبر صاحبها انه ينقل الرخص باسمه منعا للمشاكل و بعمل ليه توكيل مقفول علشان يضطر انه يسجلها لنفسه.
................
رايي انك تروحي تسجلي العربيه لنفسك بموجب التوكيل في المرور و نقل الملكيه بالنسبه لحالتك مش حيزيد عن 200 جنيه بالدمغات و طوابع الشرطه و شويه النثريات دي.
الاوراق اللي بتحتاجيها عباره عن شهاده مخالفات و دي المفروض المالك القديم بيجبهالك اول ما يبعلك العربيه و مدتها شهر واحد بس
لو كان جابها يبقي انت المفروض تروحي تجبيها انت لو مكنش جابها اتصلي بيه قوليبله عاوزه شهاده مخالفات.
لو النمر بتاع العربيه بارزه مش من الجديده المكتوبه علي حتتين صاج مش بتحتاجي شهاده بيانات
انما لو معموله علي صاجد بتحتاجي شهاده بيانات و بتروحي المرور الاصلي بتاع العربيه تسلمي اللوحات فيها.
و اي خدمه:)

[R A N A]

العفو يا بيردي :)
انت ممكن ترخصي عادي باسم صاحب العربيه لو الملف وصل و كان عندهم اي لوحات سواء جديده او قديمه بس ما ينفعش انك تجددي ترحيص العربيه يعني لو مده الرخصه اللي هيا 3 سنين خلصت لازم تنقلي العربيه باسمك و تجددي الترخيص
يا كده يا اما كمان تلات سنين تروحي تجيبي الراجل يجدلك و طبعا دا مستحيل و انا عن نفسي لما ببيع عربيه بجبر صاحبها انه ينقل الرخص باسمه منعا للمشاكل و بعمل ليه توكيل مقفول علشان يضطر انه يسجلها لنفسه.
................
رايي انك تروحي تسجلي العربيه لنفسك بموجب التوكيل في المرور و نقل الملكيه بالنسبه لحالتك مش حيزيد عن 200 جنيه بالدمغات و طوابع الشرطه و شويه النثريات دي.
الاوراق اللي بتحتاجيها عباره عن شهاده مخالفات و دي المفروض المالك القديم بيجبهالك اول ما يبعلك العربيه و مدتها شهر واحد بس
لو كان جابها يبقي انت المفروض تروحي تجبيها انت لو مكنش جابها اتصلي بيه قوليبله عاوزه شهاده مخالفات.
لو النمر بتاع العربيه بارزه مش من الجديده المكتوبه علي حتتين صاج مش بتحتاجي شهاده بيانات
انما لو معموله علي صاجد بتحتاجي شهاده بيانات و بتروحي المرور الاصلي بتاع العربيه تسلمي اللوحات فيها.
و اي خدمه:)

ميرسي اوي يااستاذ حازم علي ردك وافادتك ليا ربنا يكرمك

بالنسبة للوحات تقريبا نمرها بارزة مش زي اللوحات الجديدة المكتوبة علي صاج ومكتوب عليها مؤقتة لأ هي النمر القديمة العادية الخلفية بيضاء والرقم مكتوب بالإسود وبارزة قليلاً
بالنسبة لشهادة البيانات فهو جابها وادهالي اساساً وانا بشتري العربية منه
وجابلي برده شهادة المخالفات بس اكيد هي عدي عليها شهر يعني انتهت صلاحيتها
بالنسبة لنقل الملكية امره سهل بس برده مجاوبتنيش لما اعمل نقل الملكية واسجل لنفسي هل المده الموجودة في الرخصة حاليا (لسة فاضل فيها 3 سنين مدفوعين) هاتروح عليا واضطر ارخص لنفسي من جديد يعني ولا ايه؟

معلش تاعباك معايا ومصدعة دماغك بأسئلتي الكتير بس زي ماوضحت قبل كده اني معرفش حاجة عن الموضوع ده تماماً :angelsad2: