إعـــــــلان

Collapse

.

,
See more
See less

تجديد الرخص - شكل جديد نفس القرف الفديم و اكتر

Collapse
X
 
  • Filter
  • الوقت
  • Show
Clear All
new posts

  • تجديد الرخص - شكل جديد نفس القرف الفديم و اكتر

    انا مش عارف هل دا العادي ولا له علاقة بالقانون الجديد لانج دا

    كل اللي اعرفهم لما كانوا بيجددوا رخص القيادة كانوا بيقولولي ان الموضوع بياخد يوم كامل و كله جوا المرور - كام نموذج و تتصور كمبيوتر و شكرا

    النهاردة كنت بجدد والاقي البيه الموظف بيطالبني ب شهادات طبية نظر و باطنة و شهادة مخالفات

    احاول افهمه اني بجدد مش باطلع رخصة جديدة - يقولي دا النظام

    احاول افهم منه ابه شهادة المخالفات دي كمان - مش المخالفات اللي بتتحوش بتبقى على رخصة العربية ؟

    بيعني اللي انا افهمة ان يا اما الواحد بيعمل مخالفة فابيوقفوه و يسحبوا رخصته - و ساعتها لازم حاكون دفعت عشان اجيبها تاني

    يا اما مخالفة تكون اتسجلت فى حقي من غير مايوقفوني و دي حاتجيلي وانا بجدد رخصة العربية

    المهم مافيش عقاد نافع - و هوا دا النظم و خلاص

    النتيجة النهائية - بكرة كمان واخده اجازه عشان اكمل اجراءات تجديد الرخصة

    و احلى حاجة - تقف في الطابور ساعة عشان توصل للموظف يقولك روح اشتري بتاع ايه
    ترجع و تقف ساعة كمان - توصله يقولك روح الشباك اللي جنبي جيب ابصر ايه

    ترجع و تقف ساعة كمان - عشان يقولك "الابصر اية اللي اشتريته دا بقى روح اشر عليه"

    و كله كدا يبني

    انا تعبت من الكتابة و مصدع موت من الحر الرهيب النهارده - بس دا تقريبا اجمالي الحوار - دمتم سالمين
    م / محمد حماد
    =========

    بعد جدال عنيف بينه و بين زوجته , اتت اليه زاحفه على يديها و ركبتيها . . . . و صاحت به . . . . . . كن رجلا و اخرج من تحت السرير :)

  • #2
    دا الطبيعي ، في التجديد بتجيب شهادتين باطنة ونظر وشهادة مخالفات على رخصة القيادة ، الحاجة الوحيدة المختلفة انك ما بتمتحنش تاني.

    Comment


    • #3
      معلش عندي ليك سؤالين وربنا يصبرك
      انت تبع مرور ايه؟؟ ومينفعش التجديد ده يكون في فتره العمل المسائيه؟

      ثانيا : انا رخصتي هاتنتهي يوم 15 سبتمبر يعني في عز رمضان
      تفتكر ينفع اروح قبلها او بعدها بشهر او حتي 3 اسابيع
      ولا لازم اخسر صيام يومين في رمضان؟

      Comment


      • #4
        ماهو الطبيعي و انت بتجدد رخصه القياده تجيب شهاده باطنه و نظر زي اول مره بالضبط مافيش حاجه غريبه و شهاده المخالفات برضه بتجيبها من نيابه المرور.
        معلش الغلط من ناحيتك المره دي مش من المرور:)
        ثانيا : انا رخصتي هاتنتهي يوم 15 سبتمبر يعني في عز رمضان
        تفتكر ينفع اروح قبلها او بعدها بشهر او حتي 3 اسابيع
        ولا لازم اخسر صيام يومين في رمضان؟
        و ليه تخسر يومين صيام؟؟ماهو الصيام لازم يبقي فيه مشقه !!!
        و عموما ممكن تروح قبلها باسبوع او اتنين عادي
        و بعدها ليك شهر حكومه تروح تجدد رخصه القياده فيه من غير اي غرامات

        Comment


        • #5
          خلاص - يبقى عدت عليا دي
          انا فعلا كنت فاكر الموضوع ابسط من كدا
          الاكادة ان الواحد عشان يروح منه يومين في موضوع زي دا يبقى مافيش امل الحال يتحسن
          م / محمد حماد
          =========

          بعد جدال عنيف بينه و بين زوجته , اتت اليه زاحفه على يديها و ركبتيها . . . . و صاحت به . . . . . . كن رجلا و اخرج من تحت السرير :)

          Comment


          • #6
            المشاركة الأصلية كتبت بواسطة hazem_khidr مشاهدة المشاركة
            و ليه تخسر يومين صيام؟؟ماهو الصيام لازم يبقي فيه مشقه !!!
            و عموما ممكن تروح قبلها باسبوع او اتنين عادي
            و بعدها ليك شهر حكومه تروح تجدد رخصه القياده فيه من غير اي غرامات
            mashakka okay, bas mesh 3azab koffar koreish lil moslimeen
            we ba3den ettazbet haytem ezay fe ramadan? 3ala fekra mabyefre2sh ma3ahom, beyefre2 ma3ana bas
            -
            لكل داء دواء يســتطاب به اْلا الحماقة أعيت من يداويها
            يخاطبنى الســـفيه بكل قبح فأكره أن أكون له مجيبا
            يزيد ســـفاهة فأزيد حــلما كعود زاده الاْحراق طيبا

            Comment

            Working...
            X