سؤال بالنسبة للنمر الجديده

[TAG_Turbo0]

سؤال صغير بالنسبة للنمر الجديده دى هى العربية لما بتاخد نمرة بتتثبت عليها ومبتتغيرش حتى لو اتباعت فى محافظه تانية ولا برده نروح نسلم اللوح القديمة ونطلع جديده ونفس الموال القديم؟

[D . a .\ AYMAN]

لأ لما العربية تتباع لازم تروح برضه للمرور التابع ليه عشان تغير النمر لأن كل محافظة ليها أرقام غير التانية وكل مرور ليه أرقام غير التانية يعني هية هية

[TAG_Turbo0]

يبأى عملوا ايه يعنى برده فى واسطة فى اختيار الارقام وبهدله ووجع دماغ برده

[mahamedaraby]

هو احنا امتى هنغير نمرنا يعنى لما نيجى نجدد الرخصه ولا فى الفحص ؟

[D . a .\ AYMAN]

لما تجدد الترخيص غالبا ان شاء الله ياباشا

[dr_abooody]

طب هو بيغيروا النمر في لقاهرة بس و لا في كل مصر
بالنسبة للمعادي تقريبا تبع حلوان هل هغير نمر

[D . a .\ AYMAN]

في مصر كلها بس على مراحل

[chihab18]

النمره ملتصقه بالسيارة الي حين احاله للمعاش اي الي ان تصبح خرده تظل بنفس رقمها مهما غيرت من محافظة لاخري

[dr_abooody]

يعني انا هجدد في يوم 15 اغسطس هل هركب نمر جديدة ؟

[Ahmad Allawy]

يعني انا هجدد في يوم 15 اغسطس هل هركب نمر جديدة ؟

حسب انت تبع مرور ايه..
مدينة نصر بس اللي نزل فيها نمر جديدة..

[D . a .\ AYMAN]

النمره ملتصقه بالسيارة الي حين احاله للمعاش اي الي ان تصبح خرده تظل بنفس رقمها مهما غيرت من محافظة لاخري

النمره ملتصقه بالسيارة الي حين احاله للمعاش اي الي ان تصبح خرده تظل بنفس رقمها مهما غيرت من محافظة لاخري

لأ ياباشا النمرة هتتغير لو غيرت من محافظة للتانية لأن كل محافظة ليها تلات حروف مستقلين ومختلفين بيشيروا للمحافظة التابعة ليها السيارة والأرقام بتشير للمرور التابع ليه السيارة بداخل المحافظة

وبعدين موضوع انها تتفك وتتركب دي عبيط قوي لأني لسة باصص على عربية انهارده شايلة النمر الجديدة وقعدت أدقق فيها بقى لاقيت انهم مبرشمينها في الإكصدام ببرشام لونه أبيضولو جيت تشيلها البرشام هايتكسّر بس عادي شوية وهاتلاقيها منتشرة انها اتشالت من خبطة مثلا والناس راحت لازقاها بأمير أو تخرمها وتثبتها بسامير برضه ... وحتى موضوع عدم القابلية للتزوير ده لأنهم حاطين عليها شريط كمبيوتر زي البار كود الغير قابل للتزوير (على فكرة ممكن يتزور دلوقتي عادي زي العلامة المائية بتاعت الفلوس بس همة لسة عايشين أيام زمان لما كان غير قابل للتزوير) كل ده هايتعمل ويتصلح ويتفك ويتلزق وكل حاجة أمال السمكرية هايشوفوا شغلهم أزاي

ماهو لو رسمي المرور فقط من له الحق في نزع أو تركيب اللوحات الجديدة طبقا للقانون الجديد (يعني قبل ماروح للسمكري لازم أروح للمرور عشان أدفع تلاتين عفريت لما يركبوهم عشان يتكرموا ويفكولي النمرة (مع إحتمال ان العربية ممكن تكون إتخبطت ومابتمشيش أصلا) وبعد لما أخلص السمكرة أروح تاني عشان يركبوهم ده شغل عبط من ناس مش عرفة البلد ماشية إزاي وبيتعمل فيها إيه

[Sharky]

النمره ملتصقه بالسيارة الي حين احاله للمعاش اي الي ان تصبح خرده تظل بنفس رقمها مهما غيرت من محافظة لاخري

كلام مظبوط و كان قاله مدير الإدارة العامة للمرور فى التليفزيون

[D . a .\ AYMAN]

والله جايز بس انا كنت قريت غير كده في الأهرام

[Sharky]

كان نازل برضه فى الاهرام و الاخبار

[TAG_Turbo0]

والله موضوع النمر ده حاجه تحير وشكلها هتفشل ويرجعوا للنمر القديمه تانى